Tölvumál - 01.07.2007, Blaðsíða 41
4 0 | T Ö LV U M Á L T Ö LV U M Á L | 4 1
kalli á allt aðrar verkefnastjórnunaraðferðir en tíðkast á öðrum sviðum?
Hvernig getum við stuðlað að aukinni sköpun og betri hönnun á
vefnum? Getur verið að íslensk fyrirtæki og stofnanir séu ekki nægilega
opin fyrir nýjungum? Því hefur verið haldið fram að vefurinn opni nýja
möguleika, en jafnframt virðast hefðbundnar aðferðir í vöruþróun og
verkefnastýringu ekki eiga vel við á vefnum. Á þessari ráðstefnu er
ætlunin að takast á við hvernig fyrirtæki og stofnanir á Íslandi geta ýtt
undir vöruþróun og nýsköpun á vefnum. Áhersla verður lögð á að höfða
ekki eingöngu til þeirra sem starfa á sviði upplýsingatækni heldur einnig til
annarra sem fást við vefþróun s.s. hönnuði, markaðsfólk og stjórnendur.
Fengur að fyrirlesurum
Það er verulegur fengur í þeim Jason Fried og Jim Coudal fyrir
alla þá sem vinna að þróun á vefnum, en ekki síður þá sem starfa
í hönnun og markaðsmálum. Þeir eru báðir frá Chicago og hafa
vakið athygli á undanförnum árum fyrir hugmyndir sínar varðandi
vöruþróun á vefnum. Þeir eru vinsælir fyrirlesarar og hafa komið fram
á fjölda ráðstefna m.a. SXSW Interactive sem þeir opnuðu árið 2005.
Gagnlegur veflægur hugbúnaður
37 Signals var stofnað 1999 sem vefþróunarfyrirtæki. Fyrirtækið þróaði
Ruby on Rails forritunarumhverfið sem miðar að því að einfalda og
hraða vefþróun Apple hefur lýst því yfir að í næstu útgáfu af Mac OS X
sem væntanleg er síðar á þessu ári muni Ruby on Rails fylgja með. 37
Signals hefur einnig vakið athygli fyrir þróun sína á veflægum hugbúnaði
og má þar nefna Basecamp, Ta-Da list, Backpack, Writeboard, Campfire
og Highrise. Fyrir Basecamp fékk fyrirtækið BusinessWeek Best of the
Web verðlaunin árið 2005. PCWorld review notaði orðið ,,stórkostlegt”
til þess að lýsa Backpack og The Wall Street Journal sagði Backpack
frábæra skipulagslausn. 37 Signals hefur þróað sína eigin ,,Agile”
þróunarhugmyndafræði sem lýst er í bókinni Getting Real sem má lesa án
endurgjalds á vef 37 Signals (sjá http://www.37signals.com/). Í viðtali við
Business Week lýsti Jason hugmyndafræði sinni þannig að ,,besta aðferðin
til þess að þróa góðan hugbúnað er að gera það einfaldasta sem þú getur,
eins hratt eins og þú getur og fá viðbrögð og halda síðan áfram samkvæmt
þeim viðbrögðum sem þú færð”.
Jim Coudal á og rekur Coudal Partners sem er meðal framsæknustu
hönnunarfyrirtækja á vefnum og halda úti Coudal.com vefnum. Fyrirtækið
hóf starfsemi á sviði hönnunar og auglýsinga en opnaði vefinn árið 1999 sem
hliðarverkefni þar sem birtir voru tenglar á efni sem þeim þótti áhugavert.
Vefurinn vakti fljótlega mikla athygli meðal hönnuða, listafólks, arkitekta
og annarra sem starfa við sköpun og þróun. Nú er vefurinn talinn vera
einn af athyglisverðustu vefjum og var meðal annars útnefndur sem einn
af 99 athyglisverðustu óþekktu vefjunum af PCMag. Hluti hans er Online
Museum Of Museums sem Time Magazine útnefndi sem einn af 50 flottustu
vefjum í heimi árið 2005. Í gegnum vefinn hafa Coudal Partners sett af stað
margvísleg verkefni. Meðal verkefna sem ekki tengjast vefnum má nefna
að fyrirtækið hefur í samstarfi við hljómsveitina Pixies og Dead Can Dance
tekið upp hljómleika sveitanna sem síðan eru seldir í takmörkuðu upplagi.
Jafnframt hefur fyrirtækið þróað nýjar umbúðir utan um geisladiska, unnið
að kvikmyndagerð, fengið fólk til þess að lesa ljóð í gegnum síma svo
eitthvað sé nefnt. Fyrirtækið hefur lagt á það áherslu að nýta vefinn í öllum
verkefnum sínum. Þannig fjármagnaði það kvikmyndagerð sína í gegnum
vefinn og gaf út ritdóma sem seldir voru í gegnum vefinn. Einnig stofnaði
fyrirtækið The Deck sem er auglýsingadreifinet fyrir þá sem starfa í sköpun,
hönnun og á vefnum.
Sigmundur Halldórsson tók saman en hann er í vefhóp Skýrslutæknifélagsins
og undirbúningsnefnd fyrir ráðstefnuna sem halda á 25. september 2005.
Sigmundur Halldórsson,
Nýmiðlunarstjóri Icelandair Group