Tölvumál - 01.07.2007, Blaðsíða 42
4 2 | T Ö LV U M Á L T Ö LV U M Á L | 4 3
6 hringja þróunar hraðakenning Kurzweil
upplýsingatækninnar
En hver eru endimörk reiknigetu tölvubúnaðar ?
Fyrir nokkrum árum birtist í tímaritinu Nature, grein eftir eðlisfræðinginn Seth
Lloyd hjá MIT. Þar beitir hann lögmálum eðlisfræðinnar til þess að reikna
út endimörk reiknigetu tölva. Tvöföldunartími reiknigetu hefur verið 18
mánuðir, þ.e.a.s. reiknigeta venjulegs tölvubúnaðar var helmingi minni fyrir
18 mánuðum síðan, þróunin hefur fylgt spá Gordon Moore frá 1965, einum
af stofnendum Intel (sem hefur verið nefnt Moores lögmálið þó ekki sé það
náttúrulögmál). Kurzweil spáir raunar að Moores lögmálið muni ekki standast
mikið lengur, tvöföldunarhraðinn muni aukast og hann færir nokkuð sterk rök
fyrir því. Seth Lloyd segir að það sé óumflýjanlegt að Moores lögmálið hætti
að halda, það er einungis spurning um hvenær það gerist. Hann er þá ekki að
tala um aukningu á hraða heldur stöðvun, endastöð þróunarinnar. Lloyd segir
í grein sinni að um árið 2020 sé líklegt að tölvur vinni með gögn sem geymd
eru i einingum á mælikvarða atóma þ.e. nanó- og jafnvel píkómetrar. Slíkar
tölvur hafa raunar þegar verið gerðar og skammtafræðitölvur sanna að það
er hægt að framleiða nýtanlegt reikniverk allt niður í Avogadro skala.
Bækur Ray Kurzweil hafa að geyma nokkuð
sannfærandi mynd af framtíðarþróun
upplýsingatækninnar. Í þeirri nýjustu “The
singularity is near”, rekur hann enn fleiri
stoðum undir forsendur framtíðarsýnar sinnar
sem fyrst kom fram í bók hans “The age of
spiritual machines”. Í sex hringja kenningu
sinni um hraða þróunar sér hann fyrir sér
eins konar sprengingu sem hann nefnir
“singularity”. Ætli samruni sé ekki besta
íslenska orðið yfir þetta, samruni lífs og tækni.
Þessi samruni á skv. kenningum Kurzweil
að koma um árið 2045, en þá telur hann að
venjulegur tölvubúnaður, sambærilegur við
kjöltuvél hafi reiknigetu langt umfram það
sem mannsheilinn hefur eða um 10 trilljarðar
(1022) reikniaðgerðir á sekúndu. Reiknigeta
heilans er talin vera um 10 billjarðar (1016 )
reikniaðgerðir á sekúndu, og er sú tala fengin
úr þrem óskyldum rannsóknum.
Jón Jósef Bjarnason,
sérfræðingur í gervigreind.