Tölvumál - 01.07.2007, Blaðsíða 50

5 0 | T Ö LV U M Á L
16. janúar
Nýleg bilun í sæstrengnum CANTAT vakti enn á ný athygli á því hversu
mikilvægar slíkar tengingar eru milli Íslands og umheimsins og hversu
víðtækar afleiðingarnar verða af rofi. Ský afréð því að hefja starfsárið
með hádegisfundi um þennan mikilvæga málaflokk undir yfirskriftinni
Engar bylgjur, ekkert samband, en fundurinn var á Grand Hótel.
17. janúar
Öldungadeild hélt sinn árlega Skýrslufund í fundarsal félagsins Laugavegi
178. Í öldungaráði sitja;Jóhann Gunnarsson formaður, Oddur Benediktsson,
Örn Kaldalóns, Ágúst Úlfar Sigurðsson, Óttar Kjartansson og Bergþóra K.
Ketilsdóttir.

8. febrúar
Aðalfundur Skýrslutæknifélagsins var haldinn að þessu sinni í
Aðalstræti 16 á Hótel Reykjavík Centrum. Kosið var í nýja stjórn
en hana skipa; Svana Helen Björnsdóttir, Magnús Hafliðason,
Ásrún Matthíasdóttir, Einar H. Reynis, Jónína S. Lárusdóttir,
Eggert Ólafsson, Jóhann Kristjánsson og Jón Heiðar Þorsteinsson.
28. febrúar
Rafræn auðkenni og öryggismál á Netinu var yfirskrift hádegisfundar á Grand
hótel í lok febrúar. Í brennidepli voru nýjar leiðir sem notendur Internetsins
hafa nú til þess að auðkenna sig gagnvart fjármálastofnunum og opinberum
aðilum. Mjög vel sóttur fundur.
21. mars
Árbítur UT-kvenna var haldinn í Farfuglaheimilinu í Reykjavík en þar fjallaði
Hannes Högni Vilhjálmsson um félagslega tölvutækni sem kennir mál og sið.
Var þetta kynning á tölvulíkani af félagslegu atferli sem er ætlað til kennslu
á tungumálum og siðum framandi þjóða og notar til þess talgreini, sjálfvirka
leiðsögn, gagnvirkar vitverur og þrívíða leikjatækni.
23. mars
Stofnfundur faghóps um fjarskiptamál var haldinn í fundarsal Orkuveituhússins
og var góð mæting. Ákveðið var á fjölmennum jólafundi Ský sem haldinn var
fyrsta desember síðastliðinn að stofna slíkan faghóp innan félagsins. Í stjórn
faghópsins sitja Sæmundur Þorsteinsson, Anna Björk Bjarnadóttir, Harald
Pétursson, Einar H. Reynis og Kjartan Briem.
29. mars
Má ég lesa sjúkraskrána mína á netinu? Málþing á vegum Fókus, faghóps um
upplýsingatækni í heilbrigðisþjónustu, var haldið í Eirbergi við Eiríksgötu í lok
dags 29. mars og var vel mætt. Fjallað var um ýmis atriði sem varða aðgang
almennings að upplýsingum í sjúkraskrám þ.á.m. um persónuvernd.
26. apríl
Aðalfundur UT-kvenna var haldinn í Háskólanum í Reykjavík þar sem Svafa
Grönfeldt, rektor Háskólans í Reykjavík hélt opnunarerindi. Í stjórn UT-
kvenna sitja Þóra Halldórsdóttir formaður, Sigrún Þöll Þorsteinsdóttir, Hrönn
Þormóðsdóttir, Jóna Pálsdóttir, Elín Gränz, Anna Ingólfsdóttir og Þórunn
Óskarsdóttir. Að lokinni hefðbundinni dagskrá fjallaði dr. Margrét Jónsdóttir,
dósent við viðskiptadeild HR um Konur og tungumál – leiðin að orðræðu
árangurs.
4. maí
Skýrslutæknifélag Íslands stóð í fyrsta skipti fyrir heils dags ráðstefnu á Akureyri
þar sem umfjöllunarefni var íslenskt sveita drauma net eða háhraða fjarskipti
í dreifbýli. Hluti íslensku þjóðarinnar hefur ekki kost á háhraða fjarskiptum
en við sölu Símans ákvað ríkisstjórnin að verja hluta af söluandvirðinu til
að bæta fjarskipti til íbúa í dreifbýlinu. Markmiðið með þessari ráðstefnu
var að upplýsa um stöðu mála út frá sjónarhóli notenda, fjarskiptafyrirtækja
og ráðamanna. Meðal fyrirlesara voru fulltrúar frá fjarskipta- fyrirtækjunum,
fulltrúi frá fjarskiptasjóði, fulltrúar stjórnmálaflokkanna og fulltrúar notenda.

10. maí
Fókus,faghópur um upplýsingatækni í heilbrigðisþjónustu hélt málþing
um staðla í samþættingu og samskiptum í rafrænni sjúkraskrá.
Sagt var frá samþættingu sjúkraskrárkerfa hjá Landspítala, hlutverk
Landlæknisembættisins í yfirumsjón með notkun staðla og nýlegum ISO
staðli um notkun orðasafns (terminologiu) fyrir hjúkrunarskráningu. Vel
sóttur fundur.
19. maí
Ský tók þátt í Hátíðarsamkomu vegna 70 ára afmælis Odds
Benediktssonar prófessors en hann varð sjötugur 5. júní síðastliðinn.
Samkoman var haldin í Hátíðarsal Háskóla Íslands og var dagskráin
áhugaverð og samkoman vel sótt. Svana Helen Björnsdóttir hélt
erindi fyrir hönd félagsins. Tölvunarfræðiskor Háskóla Íslands,
Verkfræðideild og Félag tölvunarfræðinga stóðu einnig að samkomunni.

30. maí
Á hádegisverðarfundi Skýrslutæknifélagsins á Grand Hótel var fjallað um
útvistun í upplýsingatækni frá sjónarhóli íslenskra fyrirtækja. Fjallað var
um hvernig þau nýta sér slíka útvistun í dag og reynt var að svara því hver
framtíð útvistunar er þegar upplýsingatækni verður sífellt miðlægari í rekstri
og tekjumyndun fyrirtækja.
Yfirlit yfir fundi og atburði hjá Skýrslutæknifélagi Íslands fyrri hluta ársins 2007
Síðan síðast...