Tölvumál - 01.07.2007, Blaðsíða 51

5 0 | T Ö LV U M Á L
Í gegnum tíðina hafa fundir og ráðstefnur um fjarskipti verið meðal vinsælustu
viðfangsefnanna sem félagsmönnum Ský hafa staðið til boða. Fjarskipti og
tölvunotkun hefur líka haldist í hendur hérlendis um áratugaskeið og farið
úr því að vera leið einstakra fyrirtækja og stofnana til að miðla upplýsingum
innan sinna neta í að vera almenningseign sem snertir alla landsmenn.
Á seinni árum hefur svokölluðum faghópum innan félagsins fjölgað þar
sem stjórnirnar eru skipaðar sérfræðingum á sínu sviði. Faghóparnir geta
því einbeitt sér að viðkomandi efni og komið með margvíslega vinkla á
viðfangsefni sitt. Þegar stjórn Ský var beðin að tilnefna fulltrúa í Fjarskiptaráð
á vegum Samgönguráðuneytisins var það jafnframt gott tilefni til að stofna
faghóp um fjarskipti. Ský hélt afar vel sótta ráðstefnu um nýja strauma og
stefnur í fjarskiptum fyrir jól 2006 og þar var tilkynnt að til stæði að stofna
faghóp um fjarskipti.
Eftir nokkurn aðdraganda var stofnfundurinn haldinn þann 23. mars 2007
í húsnæði OR við Bíldshöfða og sótti hann fjöldi manns víða að úr UT-
geiranum.
Fulltrúi Ský í Fagráðinu, Sæmundur E. Þorsteinsson hélt opnunarerindi og
lýsti aðdragandanum að stofnun faghópsins og að dagskráin væri þannig að
fyrst yrðu haldin þrenn erindi um þriðju kynslóð farsíma og komu þeir Jóakim
Reynisson frá Nova, Hjálmar Gíslason frá Símanum og Kjartan Briem frá
Vodafone hver með sína sýn á þessa væntanlegu tækni og hvaða breytingar
og tækifæri hún hefði í för með sér. Að þessum erindum loknum voru drög að
samþykktum faghópsins rædd og gerðar á þeim breytingar sem voru síðan
samþykktar. Sæmundur var tilnefndur fyrsti formaður faghópsins og var það
Frá skrifstofu ský Fjarskipti
einróma samþykkt með lófataki. Hins vegar voru margir sem óskuðu eftir að
taka sæti í fjögurra manna stjórn faghópsins og kosningu hlutu Anna Björk
Bjarnadóttir frá Símanum, Harald Pétursson frá Nova, Einar H. Reynis frá
Símanum og Kjartan Briem frá Vodafone.
Undir merkjum faghópsins var síðan haldin ráðstefna á Akureyri um fjarskipti
í dreifbýli. Hún stóð í heilan dag og markaði jafnframt þau tímamót að
ráðstefna var haldin utan Reykjavíkur í fyrsta sinn á vegum félagsins. Í haust
stendur til að halda ráðstefnu um menntun og fjarskipti en á vef félagsins
verður nánar sagt frá henni þegar nær dregur.
Allt fag- og áhugafólk um fjarskipti getur sótt um aðild að faghópnum og skulu umsóknir
berast skrifstofu Skýrslutæknifélagsins á netfangið sky@sky.is. Þeir sem nú þegar eru
félagar í Ský geta einnig verið meðlimir í faghópnum með því að óska eftir því á
skrifstofu félagsins.