Morgunblaðið - Sunnudagur - 09.08.2015, Blaðsíða 16

16 MORGUNBLAÐIÐ SUNNUDAGUR 9.8. 2015
Heilsa og hreyfing
Þú borðar hollan morgunmat og hádeg-
ismat, stenst freistinguna að fara í sjálf-
salann í þrjúkaffinu og færð þér í stað-
góðan kvöldmat. Síðan ferðu út í
kokkteila eða vínglas með kunningjum
að kvöldinu til... og allt í einu verður
óholli maturinn á barnum einstaklega
freistandi og þú veist ekki af fyrr en
nokkrum skömmtum af hinu og þessu
snakkinu hefur verið sporðrennt.
Líklegt er að þessi atburðarás hljómi
kunnuglega fyrir mörgum, vínandinn spyr
ekki um viljastyrk og hefur meira að
segja áhrif á það hversu mikil áhrif
matarlykt hefur á mannsheilann. Það er
gaman að fá sér gott vínglas í góðum
félagsskap en hvernig má komast hjá því
að setja mataræðið á annan endann í
leiðinni?
Í fyrsta lagi er það mikill misskilningur
að halda í við sig í mataræði yfir daginn ef
gert er ráð fyrir drykkju um kvöldið.
Ekki er nóg með að áfengi fari almennt
verr í fólk á fastandi maga heldur eru
einnig meiri líkur á því að freistingarnar
heilli ef maður er svangur fyrir. Það er
líka augljóslega gott að stilla drykkjunni í
hóf og sumum hentar vel að ákveða fyrir
fram hversu marga drykki þeir hyggjast
fá sér yfir kvöldið. Milli drykkja er einnig
gott að fá sér vatnsglas.
Það getur verið ágætt að borða eitt-
hvað um leið og drukkið er – en þá
verður að velja vel. Þeir allra hörðustu
geta jafnvel haft sitt eigið snakk með-
ferðis – poki af ósöltuðum hnetum kem-
ur sér oft vel. Að lokum má nefna það að
freistingarnar bíða oft þegar heim er
komið – þá er sniðugt að hafa þar tilbúið
hollt snakk sem hægt er að grípa í.
GÓÐ RÁÐ FYRIR SKEMMTILEGU SÍÐSUMARKVÖLDIN
Nartþörf á næturlífinu
Alls kyns kokkteilar og „happy hour“ hafa í auknum mæli rutt sér til rúms síðustu mánuði en hafa verður í
huga að drykkja getur haft slæm áhrif á matarvenjur. Ýmislegt er þó til ráða.
Morgunblaðið/Styrmir Kári
Á
síðasta ári tóku yfir
fimmtán þúsund manns
þátt í Reykjavíkur-
maraþoni Íslandsbanka
og má gera ráð fyrir álíka fjölda í
ár. Hlaupið hefur vaxið mikið og er
nú með stærstu íþróttaviðburðum.
Hlauparar greiða fyrir þátttöku
sína og hafa gjöld hækkað verulega
undanfarinn áratug.
Alls námu tekjur vegna þátt-
tökugjalda í Reykjavíkurmaraþoni
Íslandsbanka 66 milljónum króna á
síðasta ári en heildartekjur hlaups-
ins voru um 100 milljónir króna.
Upphæðir styrkja, s.s. frá Íslands-
banka, fást ekki gefnar upp.
Kostnaður við hlaupið nam um 85
milljónum króna og var því um 15
milljóna króna hagnaður af hlaup-
inu í fyrra 2014.
Þrjú hlaup skipulögð af
Reykjavíkurmaraþoni
Reykjavíkurmaraþon er sérstakt
félag sem hefur skattalega sömu
stöðu og íþróttafélag og er rekið
innan Íþróttabandalags Reykjavík-
ur. Félagið Reykjavíkurmaraþon
sér um skipulagningu og fram-
kvæmd þriggja hlaupa árlega:
Reykjavíkurmaraþons Íslands-
banka, Miðnæturhlaups Suzuki og
Laugavegshlaupsins.
Samanlagðar tekjur af þessum
þremur hlaupum námu tæpum 130
milljónum króna í fyrra og kostn-
aður var um 110 milljónir.
Hagnaður af hlaupunum þremur
nam því 20 milljónum króna og
tvöfaldaðist frá árinu 2013 þegar
hann var rúmar 10 milljónir króna.
Að sögn Frímanns Ara Ferdin-
andssonar framkvæmdastjóra
Íþróttabandalags Reykjavíkur er
áformað að af hagnaði félagsins
Reykjavíkurmaraþons fyrir síðasta
ár renni 10 milljónir króna á þessu
ári í tvo sjóði ÍBR; verkefnasjóð og
afrekssjóð. Í sjóðina geti íþrótta-
félög í Reykjavík sótt styrki til
sinnar starfsemi.
650 manns í vinnu
Á hlaupdegi Reykjavíkurmaraþons
koma um 650 manns að hlaupinu í
brautarvörslu, umsjón drykkjar-
stöðva o.fl. Langstærstur hluti
þessa hóps starfar þar í nafni síns
íþróttafélags og gefur laun vegna
þessarar vinnu beint til félagsins.
Samtals runnu um 6 milljónir
króna vegna hlaupsins 2014 til
íþróttafélaga í gegnum starf á
hlaupdegi.
16 milljónir í íþróttastarf
vegna síðasta hlaups
Sé sá hluti hagnaðarins frá síðasta
ári sem rann í sjóði ÍBR lagður við
fjárhæðina sem starfsfólk á hlaup-
degi aflaði til sinna félaga má segja
að 16 milljónir króna renni til
íþróttastarfs af þátttökugjöldum og
öðrum tekjum frá síðasta ári.
„Í mörg ár var þetta hlaup rekið
með tapi. Það er fyrst núna sem er
farinn að vera hagnaður að ráði.
Það var alltaf markmiðið að þessir
peningar færu í íþróttahreyfinguna
í Reykjavík. Félögin geta sótt um
styrki í þessa sjóði auk þess að fá
peninga gegnum vinnuframlag
þeirra sem starfa við hlaupið,“ seg-
ir Frímann Ari.
Undirbúningur allt árið
Árið um kring eru um 2,5 stöðu-
gildi eyrnamerkt Reykjavíkur-
maraþoni en yfir sumartímann og
þegar styttist í hlaupið starfa um
15 manns við það.
Að sögn Frímanns Ara er reynt
að halda vel á spöðunum í rekstri
og nefnir hann að á síðasti ári hafi
tekist að lækka kostnað við t.d.
boli sem hlauparar fá verulega með
hagstæðum samningum. Hann seg-
ir ekki standa til að lækka þátt-
tökugjöld þótt hlaupið standi vel.
„Það hefur ekki verið talin ástæða
til þess. Við höfum reynt að fylgja
verðlagi. Við berum okkur líka
saman við sambærileg hlaup er-
lendis og teljum okkur vera ódýr
miðað við það.“
REYKJAVÍKURMARAÞON ER ORÐIÐ STÓRT
Hlaupið fyrir
milljónir
Reykjavíkurmaraþon er orðinn einn stærsti íþróttaviðburður ársins. Stór hluti þátttakenda safnar áheitum með því að
hlaupa og styrkir þannig gott málefni. Áheitasöfnunin er ekki hluti af þeim tölum sem varða tekjur og kostnað hlaupsins
og koma fram í greininni. Í fyrra söfnuðust tæpar 86 milljónir króna sem runnu til 163 góðgerðarfélaga gegnum vefinn
www.hlaupastyrkur.is en um 6-7% af því sem safnast fer í kostnað vegna umsýslu við vefinn, færslugjöld o.fl.
Morgunblaðið/Eggert
ÞÁTTTAKENDUM Í REYKJAVÍKURMARAÞONI HEFUR FJÖLG-
AÐ ÚR 10 Í 15 ÞÚSUND Á SÍÐASTLIÐNUM ÁRATUG EN Á
SAMA TÍMA HAFA ÞÁTTTÖKUGJÖLD FYRIR ALLAR VEGA-
LENGDIR ÝMIST TVÖFALDAST EÐA ÞREFALDAST. HLAUPIÐ
ER NÚ FARIÐ AÐ SKILA HAGNAÐI SEM AÐ SÖGN FOR-
MANNS ÍÞRÓTTABANDALAGS REYKJAVÍKUR SKILAR SÉR
INN Í ÍÞRÓTTAHREYFINGUNA. EKKI STENDUR TIL AÐ
LÆKKA ÞÁTTTÖKUGJÖLD HLAUPARA.
Eyrún Magnúsdóttir eyrun@mbl.is
Oft er hamrað á mikilvægi þess að velja holla, ómettaða fitu í stað mettaðrar, t.d. hnetur í
stað osta. En er hægt að borða of mikið af hollri fitu, líkt og óhollri? Svarið er já, fita er fita og
lítið mál að borða yfir sig, með tilheyrandi þyngdaraukningu. Þá er einnig rétt að hafa í huga
að fituvefur seytir hormónum sem geta haft ófyrirséðar afleiðingar, þegar fituvefur eykst.
Ofát á hollum fitusýrum?
Hæst verð fyrir þátttöku í Reykja-
víkurmaraþoni greiða þeir sem
hlaupa flesta kílómetrana en verð
fer líka eftir því hvenær fólk skráir
sig til leiks. Minnst greiða þeir sem
skrá sig snemma en gjöldin hækka
eftir því sem nær dregur hlaupdegi.
Á súluriti má sjá samaburð annars
vegar á lægsta verði og hins vegar á
hæsta verði fyrir hverja vegalengd
árin 2006 og 2015. Upplýsingar eru
af www.marathon.is og eldri vefjum.
Mest hefur hækkunin orðið í
hæsta verðflokki fyrir 10 km og heilt
maraþon. Verð fyrir aðrar vega-
lengdir hefur einnig hækkað. Eins og
sjá má hefur lægsta verð almennt
hækkað minna en hæsta verð.
Svifaseinir hlauparar borga mest
Hækkun þátttökugjalda í Reykjavíkurmaraþoni
14.000
12.000
10.000
8.000
6.000
4.000
2.000
0
2006-2015
3 km 10 km 21 km 42 km
7%
107%
94%
245%
88%
172% 171%
213%
2006
lægst lægst lægst lægsthæst hæst hæst hæst
2015