Morgunblaðið - Sunnudagur - 09.08.2015, Blaðsíða 21
9.8. 2015 MORGUNBLAÐIÐ SUNNUDAGUR 21
Ljósmynd/Páll Stefánsson
Ljósmynd/Páll Stefánsson
Fyrir skemmstu var Páll staddur í mið-
borg Kölnar í Þýskalandi, við stolt borg-
arinnar, dómkirkjuna. Og viti menn. Ferða-
langar voru með símana á lofti og beindu
þeim oftar en ekki frá kirkjunni og að sjálf-
um sér. Sjálfið er vitaskuld nafli alheimsins.
S
nemma á þessu sumri var Páll Stef-
ánsson ljósmyndari á ferðalagi í
Tyrklandi. Kom meðal annars að
hinum mögnuðu húshellum í Cappa-
docia sem eru sannkallað náttúruundur.
Meðan Páll stóð þar álengdar og drakk í
sig dýrðina varð hann var við ókunnuga
konu við hlið sér. Með símamyndavélina á
lofti. En hvað var atarna? Konan beindi
henni ekki að húshellunum, heldur sjálfri
sér. „Ég trúði ekki mínum eigin augum. Í
stað þess að mynda hellana var konan að
mynda sjálfa sig – með bensínstöð í bak-
grunninum,“ segir Páll og getur ekki haldið
í sér hlátrinum. „Ég hef ferðast mjög víða,
bæði komið á Hvammstanga og séð pýra-
mídana, þannig að fátt kemur manni lengur
á óvart en á þessu uppátæki varð ég hissa.
Það verð ég að viðurkenna.“
Þess má geta að húshellarnir eru á
heimsminjaskrá UNESCO.
Þessi óvænta upplifun varð kveikjan að
verkefni sem Páll hefur unnið að síðan, það
er að taka ljósmyndir af fólki sem er að
taka myndir af sjálfu sér á förnum vegi.
Ekki síst við sömu aðstæður og í Cappa-
docia, þegar myndavélinni, ellegar símanum,
er beint frá markverðum stöðum eða bygg-
ingum og að sjálfinu. Þetta gerir hann bæði
hér heima og erlendis.
„Það er eins og fólk sé hætt að ferðast til
að skoða sig um. Núna snýst allt um að
setja mynd á Feisbúkk. Og víða eru kjána-
prikin á lofti. Þetta er ekki bara unga fólk-
ið, heldur fólk á öllum aldri. Allir eru að
kjánaprikast. Þegar ég sé þetta tek ég
sprettinn og smelli af mynd.“
„Það er absúrd að fylgjast með þessu og
menningarlega mjög merkilegt,“ segir Páll.
Með Páli í Köln var vinur hans og koll-
egi, Ragnar Axelsson, ljósmyndari á
Morgunblaðinu. Þeir sem þekkja Ragnar
vita að hann er uppátækjasamur æringi og
þegar Páll hleypti á skeið til að mynda fólk
að mynda sjálft sig kom Ragnar í humátt á
eftir og myndaði Pál við iðju sína. Tók með
öðrum orðum mynd af manni að taka mynd
af fólki að taka mynd af sjálfu sér.
Páll skellir upp úr þegar þetta ber á
góma. „Ég vissi ekki af þessu fyrr en eftir
á, þegar Ragnar fór að tala um að hann
hefði náð helvíti fínum myndum af mér að
taka mínar myndir. Ég var ekkert að spá í
hvað Ragnar var að gera á meðan. En
þetta kemur skemmtilega út.“
Páll kveðst vera kominn með fínt safn af
myndum af þessu tagi, eigum við ekki að
kalla þær „hliðar-sjálfur“, og getur vel
hugsað sér að gera eitthvað með þær
myndir. Annaðhvort halda sýningu eða gefa
út litla bók. „Ég lít ekki á þetta sem
skúffuverk. Við skulum sjá hvað setur.“
Þá er bara einni spurningu ósvarað: Hef-
ur Páll einhvern tíma tekið „sjálfu“ sjálfur?
„Nei,“ svarar hann. „Það hef ég aldrei
gert. Mér finnst eitthvað undarlegt við
það.“
Það var og.
Morgunblaðið/RAX
Morgunblaðið/RAX
Að fanga (hliðar)sjálfið
HVERJUM DETTUR Í HUG AÐ TAKA MYND AF FÓLKI SEM ER AÐ TAKA MYND AF SJÁLFU SÉR Á FÖRNUM VEGI? PÁLI STEFÁNSSYNI.
HVERJUM DETTUR Í HUG AÐ TAKA MYND AF PÁLI STEFÁNSSYNI AÐ TAKA MYND AF FÓLKI SEM ER AÐ TAKA MYND AF SJÁLFU SÉR Á FÖRNUM VEGI?
RAGNARI AXELSSYNI. FÉLAGARNIR BRUGÐU Á LEIK Í BORGINNI KÖLN Í ÞÝSKALANDI FYRR Í SUMAR OG HÉR GETUR AÐ LÍTA AFRAKSTURINN.
Orri Páll Ormarsson orri@mbl.is
Ljósmynd/Páll Stefánsson
Myndin sem varð kveikjan að hliðar-sjálfuseríu Páls, tekin í Cappadocia í Tyrklandi.