Morgunblaðið - Sunnudagur - 09.08.2015, Blaðsíða 42

Ferðalangar
42 MORGUNBLAÐIÐ SUNNUDAGUR 9.8. 2015
Morgunblaðið/Kristinn
Heillaðir
ferðamenn
FERÐAMENN STREYMA TIL LANDSINS EN ÍS-
LAND ER KOMIÐ Á KORTIÐ HJÁ FÓLKI VÍÐA UM
VERÖLD. FEGURÐ LANDSINS OG ÓSPILLT NÁTT-
ÚRA ER ÞAÐ SEM FLESTIR SÆKJA Í OG TIL AÐ
UPPLIFA NÁTTÚRU LANDSINS FARA ÞEIR GANG-
ANDI, HJÓLANDI EÐA KEYRANDI UM LANDIÐ.
BLAÐAMAÐUR HITTI NOKKRA SKEMMTILEGA
FERÐALANGA OG FORVITNAÐIST UM ÍSLANDS-
FERÐINA ÞEIRRA. ÞEIR VORU FRÁ ÝMSUM LÖND-
UM EN ÁTTU ÞAÐ SAMEIGINLEGT AÐ VERA
HEILLAÐIR AF LANDI OG ÞJÓÐ.
Texti og myndir: Ásdís Ásgeirsdóttir asdis@mbl.is
Í Flatey á Breiðafirði mátti sjá hóp erlendra
áhugaljósmyndara. Þeir voru hlaðnir mynda-
vélum, stórum linsum og þrífótum og læddust
um eyjuna jafnt á degi sem sumarbjartri nóttu
að ná myndum af fuglum og fegurð eyjarinnar.
Blaðamaður náði tali af nokkrum þeirra. Þeir
voru frá Bandaríkjunum og Kanada og voru
hér á vegum FocusOnNature, sem heldur hér
ljósmyndanámskeið. Tony Sweet frá Maryland
í Bandaríkjunum var kennarinn og aðstoðar-
kona hans var Susan Milestone. Þetta var
fimmta árið sem Tony kennir hérlendis. Þau
höfðu ferðast víða um land en sögðust vera
hrifnust af Flatey. „Við myndum fugla og lands-
lag og allt sem við sjáum,“ segir Tony, og
Derek Chambers, nemandi frá Kanada, bætir
við: „Hesta, kindur, fossa, litrík hús, allt sem er
myndrænt myndum við,“ segir hann. „Þetta
hefur verið stórkostlegt. Þetta er ótrúlega fal-
legt land og við erum bara búin að sjá smá
hluta af því og mig langar að koma aftur að sjá
meir,“ segir hann. Hann sagðist vilja mynda
fleiri fossa. „Við erum búin að mynda þessa
stóru frægu fossa en mig langar að koma aftur
og mynda þessa litlu.“ Larry Sitra, einnig frá
Kanada og vinur Dereks, segir að þeir hafi
fengið skyndihugmynd að skella sér saman á
námskeiðið. Hann var líka heillaður af Flatey.
„Það er svo friðsælt hér og fólkið svo vina-
legt,“ segir hann.
HÓPUR FRÁ AMERÍKU OG KANADA
Larry Sitra, Derek Chambers, Tony Sweet og Susan Milestone voru yfir sig hrifin af Flatey.
Bjartar nætur í Flatey
Á ferð sinni austur fyrir fjall
rakst blaðamaður á tvo
puttalinga sem hann tók upp
í bíl sinn. Þessar tvær ungu
konur reyndust vilja fara að
skoða Kerið og var auðsótt
að skutla þeim þangað og
spjalla í leiðinni. Elena
Vesterhoff er nemi frá Þýska-
landi en hefur dvalið hér á
landi í nokkra mánuði. Hún
vann á bóndabæ fyrir norðan
í þrjá mánuði en er nú á
ferðalagi um landið. „Ég kom
hingað því að ég hafði áhuga
á íslenska hestinum, sem ég
hafði kynnst í Þýskalandi,“
segir hún. Spurð hvað henni
líkar best við Ísland svarar hún: „Það er mjög erfitt að svara! En eftir að ég var á bónda-
bænum Klauf myndi ég svara fólkið. Fjölskyldan á bóndabænum var svo indæl og þau voru
svo gott fólk,“ segir hún.
Á ferð sinni um landið kynntist hún ungri konu frá Prag í Tékklandi sem hafði verið viku
á landinu og ákváðu þær að ferðast saman um Suðurland og fara jafnvel yfir Kjöl. Radana,
sem er með mjög flókið eftirnafn sem blaðamaður náði ekki, er jarðfræðingur. Hún hafði
ferðast gangandi frá Þórsmörk til Skóga og gekk þar yfir snjó á leiðinni. „Ég gekk í sjö tíma
í gegnum snjó, og vindurinn var meiri en ég hef nokkru sinni upplifað, ég datt margsinnis
og ég fékk oft ís og snjó framan í mig. Það var mjög gaman,“ segir hún og blaðamaður
undrar sig á því. „Þetta var stórkostlegt! Algert ævintýri,“ segir hún og skellihlær.
ÞÝSKALAND OG TÉKKLAND MÆTAST
Elena frá Þýskalandi og Radana frá Tékklandi ákváðu að ferðast
saman á puttanum um landið.
Misjöfn eru ævintýrin
Martin og Sara frá Þýskalandi voru
nýlent á Íslandi og voru að skoða
sig um á Laugaveginum. Þau hyggj-
ast dvelja hér á landi í tvær vikur
og ætla aðallega að fara í fjall-
göngur. Þau ætla að ganga í Skafta-
felli og á Fimmvörðuháls og skoða
sig um í höfuðborginni. Þau sögð-
ust nýkomin úr hádegismat niðri
við höfnina þar sem þau höfðu
fengið dýrindis fiskisúpu og voru
spennt fyrir komandi dögum.
PAR FRÁ ÞÝSKALANDI
Stefna á
hálendið
Martin og Sara frá Þýskalandi ætla að ganga um hálendið.
Claudia og Giuseppe frá Suður-Ítalíu
eru búin að ferðast hringinn í kringum
landið og eru að enda ferðina sína í
höfuðborginni. Þau segjast hafa upp-
lifað ýmislegt á leiðinni, meðal annars
týndust þau á Snæfellsnesi. „Við urð-
um viðskila við hópinn þegar við vor-
um að skoða Snæfellsjökul,“ segja þau
hlæjandi en segjast ekki hafa þurft að
kalla út hjálparsveit. Þau fóru einnig í
hvalaskoðun en sáu því miður enga
hvali. Þau voru mjög hrifin af Flatey á
Breiðafirði og Snæfellsnesi og vilja
endilega koma aftur og fara þá á Vest-
firði, sem þau náðu ekki að skoða í
þessari ferð.
HJÓN FRÁ ÍTALÍU
Týndust á
Snæfellsnesi
Claudia og Giuseppe frá Ítalíu fóru hringinn í
kringum landið og ætla að koma aftur.