Tímarit hjúkrunarfræðinga - 01.02.2014, Blaðsíða 14
Tímarit hjúkrunarfræðinga – 1. tbl. 90. árg. 201410
SÁRAMEÐFERÐ – HREINSUN SÁRA
Þegar sár myndast hefst flókið ferli sem lýkur
jafnan með því að sár grær. Sárgræðsluferlið
felur í sér samskipti ýmissa fruma og boðefna
líkamans. Flest sár gróa vandræðalaust án
inngripa eða afskipta, önnur sár gróa með
hjálp einfaldra inngripa og enn önnur sár þurfa
sérhæfða meðferð. Staðbundin meðferð sára
snýst um að stýra aðstæðum í sárbeði og
skiptist í þrjá meginþætti. Þeir eru að hreinsa
sárið, tempra raka og halda bakteríuvexti
í skefjum. Í þessari grein verður rætt um
hreinsun sára.
Hreinsun sára er mikilvægur þáttur í meðferð
langvinnra sára, sérstaklega á fyrri stigum
sárgræðsluferlisins meðan sár eru enn í
bólgufasa. Sár eru hreinsuð í þeim tilgangi að
fjarlægja úr sárinu það sem hindrar sárgræðslu
og eykur líkur á sýkingu. Þetta getur verið
drep, lífvana úrgangur og skánir sem setjast
að í sárbeði, bakteríur, aðskotahlutir eða önnur
óhreinindi. Mismunandi aðferðir eru notaðar til
að hreinsa sár, allt eftir aðstæðum hverju sinni
(mynd 1).
Guðbjörg Pálsdóttir, gudbjorgpals@gmail.com
Greinaröð Tímarits hjúkrunar
fræðinga um sára meðferð
heldur hér áfram og er nú
fjallað um hreinsun sára.