Þjóðmál - 01.06.2010, Blaðsíða 32

30 Þjóðmál SUmAR 2010
.
í vörslu viðkomandi stofnana sem vörðuðu
Straum­Burðarás frá áramótum 2009 og sér í
lagi var óskað eftir gögnum sem varpa kynnu
ljósi á þá ákvörðun sem tekin var í málinu . Voru
bréf þessi dagsett hinn 6 . október 2009 .64 Hinn
20 . október voru póstlögð sambærileg bréf til
fjármálaráðuneytis og Fjármálaeftirlits .65
Engin hinna ofangreindu stofnana svaraði
bréfum undirritaðs innan sjö daga lögbundins
frests, sbr . 1 . mgr . 11 . gr . upplýsingalaga nr .
50/1996 . Undirritaður ítrekaði bréf sitt til
fjármálaráðuneytis með öðru bréfi dagsettu
2 . nóvember .66 Svar fjármálaráðuneytis barst
höfundi hinn 8 . nóvember . Þar kom fram að
ekki lægju fyrir í skjalasafni ráðuneytisins nein
„minnisblöð, fundargerðir, bréf eða önnur gögn“
viðvíkjandi fundum starfsmanna ráðuneytisins
með stjórnendum Straums­Burðaráss . Hins
vegar höfðu fundist tvö skjöl frá áramótum er
vörðuðu Straum­Burðarás og fylgdu afrit þeirra
með bréfinu . Þau skjöl vörpuðu engu ljósi á þá
ákvörðun sem tekin var .67
Seðlabankinn synjaði undirrituðum um að gang
að nokkrum gögnum er málið varða og var sú
ákvörðun kærð til úrskurðarnefndar um upplýs­
inga mál .68 Úrskurðarnefnd um upp lýsingamál
gaf Seðla banka Íslands færi á að gefa umsögn um
kæru undir ritaðs og fékk höfundur afrit þess bréfs .
Með því bréfi voru úrskurðarnefndinni afhent
í trúnaði afrit tveggja skjala, sem Seðlabankinn
taldi „helst varða kæruna“, en umrædd bréf eru
frá Seðla banka til Straums­Burðaráss, dagsett 29 .
janúar og 3 . febrúar . Þau gögn geta því vart snert
megin efni þess máls sem höfundur rannsakar .
Þá kemur einnig fram í umræddu bréfi að
engin gögn séu til í Seðlabankanum er varði þá
fundi stjórnenda Straums og Seðla bankans sem
höfund ur hafði óskað eftir .69 Úr skurðarnefnd um
64 Bréf höfundar til Jónínu Lárusdóttur, Más Guðmunds­
sonar og Ragnhildar Arnljótsdóttur, dags . 6 . október 2009 .
65 Bréf höfundar til Guðmundar Árnasonar og Gunnars Þ .
Andersen, dags . 20 . október 2009 .
66 Bréf höfundar til Guðmundar Árnasonar, dags . 2 . nóv­
ember 2009 .
67 Bréf Hafsteins S . Hafsteinssonar og Egils Tryggvasonar
til höfundar, dags . 8 . nóvember 2009 .
68 Bréf Sigríðar Logadóttur og Sigfúss Gauta Þórðarsonar
til höfundar, dags . 14 . október 2009 . – Kæra höfundar til
úrskurðarnefndar um upplýsingamál og bréf höfundar til
Más Guðmundssonar, dags . 25 . nóvember 2009 .
69 Bréf Más Guðmundssonar og Sigríðar Logadóttur til úr ­
upplýs inga mál kvað upp úrskurð í umræddu máli
hinn 22 . desember, þar var beiðninni að hluta til
vísað frá og að hluta til var synjun Seðlabankans
staðfest .70
Höfundur hafði raunar sent nokkur önnur
erindi til Seðlabankans vegna rannsókna sem
hann vinnur að og nærri alltaf fengið neikvæð
svör . Það varð því að ráði að óska eftir viðtali
við Má Guðmundsson seðlabankastjóra til að
ræða þessi mál . Ritari seðlabankastjóra lagði til
að undirritaður sendi tölvuskeyti sem ritarinn
myndi koma á framfæri við yfirmann sinn .
Tölvuskeytið var dagsett hinn 24 . nóvember
2009 . Ekkert svar barst svo höfundur ítrekaði
erindið hinn 2 . febrúar 2010 . Nokkru síðar hafði
Már Guðmundsson samband og fundaði með
höfundi hinn 23 . febrúar . Þar kvaðst hann vera
reiðubúinn að gera allt sem í hans valdi stæði til
að liðka fyrir aðgangi undirritaðs að gögnum í
vörslu bankans . Hann ráðlagði undirrituðum því
næst að rita sér formlegt bréf og óska enn á ný
eftir gögnum og lýsa þeim rannsóknarverkefnum
sem höfundur ynni að . Það varð úr og nýtt bréf
til Más var dagsett hinn 1 . mars 2010 . Á tali
seðlabankastjórans var svo að skilja að hann vildi
gera allt sem hægt væri til að opna skjalasöfn
bankans og auðvelda höfundi að afla upplýsinga .
Myndi afgreiðsla erindis þessa verða fordæmi fyrir
önnur sambærileg mál, enda kvaðst Már gjarnan
vilja auðvelda sagnfræðingum að nálgast gögn í
bankanum .
Hinn 10 . mars barst höfundi tölvupóstur
frá Sigfúsi Gauta Þórðarsyni, lögfræðingi í
bankanum, þess efnis að bankinn gæti ekki
svarað fyrirspurninni fyrr en um mánaðamótin
mars/apríl . Hinn 14 . apríl hafði ekkert svar borist
og því sendi undirritaður tölvupóst til Sigfúsar
Gauta og spurðist fyrir um erindið . Í svari sem
barst degi síðar sagði hann að afgreiðslan hefði
tafist en vænta mætti svars á næstu dögum . Um
klukkan 16:40 föstudaginn 16 . apríl hafði Már
samband við höfund símleiðis . Þar tjáði hann
honum að höfundur hefði tvo kosti, annars vegar
að fá svar strax þann daginn og það yrði neikvætt .
Hins vegar bíða í nokkra daga og fá hugsanlega
jákvætt svar, en það gæti líka orðið neikvætt .
skurð arnefndar um upplýsingamál, dags . 24 . nóvember 2009 .
70 Úrskurður úrskurðarnefndar um upplýsingamál í
málinu A­324/2009 .