Morgunblaðið - Sunnudagur - 06.09.2015, Blaðsíða 18
Ferðalög
og flakk *Ekki er flogið beint á Búdapest frá Keflavík enflugfélögin Niki og Austrian Airlines eru meðárstíðabundnar flugferðir á Vínarborg. Þaðaner hægt að halda áfram til Búdapest, hvortheldur með flugi (45 mín.), með lest eða(2.44 klst.), eða með ferju niður Dóná (6klst.). Á næstu mánuðum virðist líka hægt að
finna flug til Búdapest á tiltölulega hagstæðu
verði til með Norwegean, með stoppi í Osló.
Steinsnar frá Vín
B
údapest er ein af þessum
fögru borgum sem ber svo
oft fyrir í kvikmyndum án
þess samt að fólk geri sér
endilega grein fyrir því. Þannig hef-
ur Búdapest „leikið“ Moskvu í Red
Heat, en Róm, París og London í
myndinni Munich, svo aðeins séu
nefnd dæmi úr tveimur kvikmynd-
um. Ekki kemur á óvart að kvik-
myndagerðarmenn leita aftur og
aftur til þessarar fögru borgar við
Dóná enda sannkölluð perla þar
sem liggur við að annað hvert hús
sé á heimsminjaskrá Unesco. Meira
að segja neðanjarðarlestarlína nr. 1
þykir svo merkileg að hún var sett
á heimsminjaskrána árið 2002.
Í skugga Vínarborgar?
Því miður virðist sem að Búdapest
hafi ekki ratað nægilega vel inn á
kortið hjá íslenskum ferðamönnum.
Þeir sem hafa viljað uppgötva
heillandi borgir fyrrum austan-
tjaldslandanna hafa máski frekar
sett stefnuna á hina krúttlegu Prag.
Kannski að Búdapest hafi líka fallið
í skuggann af Vínarborg sem er rétt
til norð-vesturs, með sitt heims-
fræga óperuhús, Sacher-tertur,
dómkirkjur, snitsel og Mozart-kúlur.
En allt sem Vínarborg hefur, hef-
ur Búdapest líka og myndu sumir
segja að Búdapest sé áhugaverðari
borg heim að sækja – og gott ef
ekki töluvert ódýrari líka.
Ópera á spottprís
Í heimsókn til Búdapest eru nokkrir
staðir sem ferðamenn mega ekki
missa af. Fyrir það fyrsta ætti að
kaupa miða á sýningu í óperuhúsi
borgarinnar. Búdapest býr að ríkum
menningararfi og þar hefur þess
verið gætt í gegnum aldirnar að
gera vel við listirnar. Óperuhúsið er
glæsileg marmarahöll og er þar
boðið upp á metnaðarfullar upp-
færslur með leiðandi söngvurum.
Skemmir ekki fyrir að miðarnir þar
eru mun ódýrari en í óperuhúsi Vín-
arborgar.
Vestan við Dóná gnæfir Buda-
kastali yfir borginni. Það er ferð-
arinnar virði að taka kláfinn upp að
kastalanum en þar er núna til húsa
ungverska listasafnið, sneisafullt af
verkum eftir öndvegislistamenn
Evrópu.
Ævintýralegt þinghús
Þá er nauðsynlegt að labba eftir
austurbakka Dónár. Má byrja við
þinghúsið sem er hreint ótrúleg
bygging og enn bæði stærsta og
hæsta bygging landsins. Í reynd
snýr framhlið byggingarinnar að
ánni, en þinghúsið var hannað í ný-
gotneskum stíl og lítur út eins og út
úr ævintýri. Við Keðjubrúna svo-
kölluðu hefst göngugata sem liggur
meðfram ánni alla leið niður að
Elísabetarbrúnni. Þar við, og í ná-
lægum götum, eru verslanir, veit-
ingastaðir og hótel í röðum.
Íburður í sundlauginni
Loks er ekki úr vegi að sjá hvernig
Széchenyi-böðin standast saman-
burð við Vesturbæjarlaugina. Þessi
baðstaður er tiltölulega miðsvæðis í
borginni en sundgestir fá að njóta
þess að slappa af í heitu vatninu
umkringdir byggingum í nýbarokk-
stíl. Heimsókn í laugina býður líka
upp á tækifæri til að upplifa sam-
félagið eins og það var á tímum
kommúnismans því afgreiðslufólkið
hjá þessari ríkisreknu heilsulind
þykir ekki beinlínis vera að farast
úr liðlegheitum.
Ljósmynd / Flickr - Mauricedb (CC)
Óperúhúsið í Búdapest er rótgróin menningarstofnun.
ÁFANGASTAÐUR VIKUNNAR: BÚDAPEST
Gimsteinn við
bakka Dónár
HÖFUÐBORG UNGVERJALANDS STENST HÆGLEGA
SAMANBURÐ VIÐ FEGURSTU BORGIR EVRÓPU
OG SKARTAR BLÓMLEGU MENNINGARLÍFI.
Ásgeir Ingvarsson ai@mbl.is
Borgin þykir sérstaklega
fögur séð frá ánni og
þinghúsið setur sterkan
svip á heildarmyndina.
Það er ekki á hverjum degi sem menn heimsækja svona sundlaug.
Ljósmynd/Wikipedia - Marc Ryckaert (CC)
Ljósmynd/Wikipedia - PDXdj (CC)
ÓVENJULEGT
BORGARNAFN
Búda og Pest
Borgin Búdapest varð form-
lega til árið 1873 þegar þrjár
borgir voru sameinaðar:
Buda, Pest og Óbuda (þ.e.
Gamla Búda). Strangt til tek-
ið á að bera nafn borgarinnar
fram „Búdapesht“, þvi „s“-ið
er borið fram með „sh“-
hljóði í ungversku.
Borgarbúar vísa enn til
nafna gömlu borganna þegar
þeir tala um ólíka helminga
borgarinnar. Vestan Dónár
er Búda og austan árinnar
Pest.
Borgin hefur getið af sér
mörg stórmenninn, bæði á
sviði lista og vísinda. Þeirra
frægastur er sennilega tón-
skáldið Franz List og árið
2011 var ákveðið að nefna
alþjóðaflugvöll borgarinnar
eftir honum. Illa hefur þó
gengið að láta nýa jafnið tolla
við flugvöllinn og í almennu
tali er hann oftast kallaður
Ferihegy, eftir hverfinu þar
sem völlurinn er staðsettur.
Ferihegy er reyndar afbrigði
af nafninu Franz, eða Ferenc,
en hverfið dregur nafn sitt af
Ferenc nokkrum sem rækt-
aði þar vínekru af miklum
metnaði á 19. öld.