Morgunblaðið - Sunnudagur - 06.09.2015, Blaðsíða 22

Heimili
og hönnun *HEMSMAK er ný lína frá IKEAsem Ólöf Birna Garðarsdóttir ogHildur Sigurðardóttir hjá Letter-press og Sigríður Heimisdóttirhönnuðu í samstarfi við sænskukeðjuna. Þessi skemmtilega lína ernú mætt í verslanir IKEA á Íslandi
og fæst einungis í takmörkuðu
upplagi.
Letterpress og Sigga Heimis í IKEA
V
inur minn er fjölmiðla- og upplýsingafulltrúi og var búinn að
heyra af því að Rauði krossinn hefði áhuga á að endurnýja
söfnunarbauka og koma með eitthvað nýtt í þeim efnum.
Hann kemur okkur Hildi og Hauki hjá Rauða krossinum í
samband og í kjölfarið er ég fengin til þess að hanna tvær útgáfur af
söfnunarbaukum. Önnur útgáfan eru litlir söfnunarbaukar (20 cm x
20 cm ) sem eiga að geta verið á afgreiðsluborðum en hin (1 m) er
hugsuð fyrir stærri stofnanir, s.s. Smáralind, Reykjavíkurflugvöll og
Leifsstöð,“ útskýrir Guðrún sem útskrifaðist úr vöruhönnunardeild
Listaháskóla íslands árið 2012. Síðan þá hefur hún unnið að fjölda
verkefna, meðal annars í Kaupmannahöfn,þar sem hún dvaldi á svo-
kölluðu dvalarsetri (e. residence), og í Berlín þar sem hún aðstoðaði
leikmynda- og búningahönnuð við uppsetningu á verki þar og hóf
síðar starfsnám hjá Tinnu Pétursdóttur hjá Dóttur og syni.
Fær að vera hlutur útaf fyrir sig
Samstarfið við Rauða kross Íslands segir Guðrún búið að vera
skemmtilegt ferli. „Þetta er auðvitað mjög þröngur rammi sem verið
er að vinna með en þau veittu mér fullkomið frelsi til þess að gera
það sem mig langaði og voru mjög opin fyrir öðruvísi hugmyndum.“
Guðrún bætir við að sér hafi þótt mikilvægt að ná að samtvinna
þennan þrönga ramma, „fúnksjónið“ sem verður að vera til staðar og
að reyna að gera baukinn að fallegri hönnun og leyfa honum að
„poppa út“ og vera hlutur útaf fyrir sig.
Guðrún segist hafa lagt upp með að baukurinn yrði frekar öðruvísi
en hún segir söfnunarbauka eiga það stundum til að falla svolítið inn
í umhverfið. „Mig langaði því aðeins að hugsa þetta öðruvísi og
ákvað að vinna með krossinn sjálfan og vildi hafa baukinnþannig að
hann tilheyrði augljóslega Rauðakrossinum. Formið á stóra bauknum
kemur því út frá krossforminu sjálfu. Ég ákvað strax að vinna með
plexígler, ég hafði lesið rannsókn um það að fólk væri viljugra að
gefa ef það sér hvað það er að gera, ef baukurinn er gegnsær. Með
plexíglerinu vildi ég hafa svolítið grófan og hráan efnivið,“ útskýrir
Guðrún sem nýtti steypu í botninn og skapaði með henni ákveðið
mótvægi. Hún segir steypuna jafnframt vera ákveðna tilvísun í
stuðlaberg og sé hún því viðeigandi fyrir söfnunarbauk Rauða kross-
ins á Íslandi.
Þýðingarmikið verkefni
Aðspurð segir Guðrún það æðislega tilfinningu að fá að vinna verk-
efni fyrir Rauða krossinn. „Bæði er ótrúlega skemmtilegt að það sé
að myndast ákveðin vakning, að stór fyrirtæki geti nýtt sér íslenska
hönnuði til þess að vinna með sér, og að fá að hanna fyrir svona
stórt batterí eins og Rauða krossinn og þeirra starf, auðvitað hefur
það alltaf gildi líka. Þetta er frábær starfsemi sem ég fæ að taka
þátt í og láta þannig gott af mér leiða. Þetta var rosalega þýðingar-
mikið verkefni,“ útskýrir hún en söfnunarbaukarnir eru nú á leiðinni
í verslanir víða um land.
Guðrún Harðardóttir segir afar
jákvætt að það sé að myndast
ákveðin vakning, að stór fyrirtæki
geti nýtt sér íslenska hönnuði til
þess að vinna fyrir sig verkefni.
Morgunblaðið/Árni Sæberg
Glæsileg hönnun. Stærri baukarnir eru metri
á hæð og verða þeir staðsettir meðal annars
í verslunarmiðstöðvum og á flugvöllum.
Guðrún segir verkefnið hafa gengið vel og fékk
hún fullkomið frelsi við hönnun baukanna.
Minni baukurinn er ætlaður í verslanir en
hann er 20 x 20 cm og gerður úr plexígleri.
Guðrún vinnur flest verkefni í tölvu og má
hér sjá vinnuteikningu af stærri söfnunar-
bauknum.
NÝIR SÖFNUNARBAUKAR RAUÐA KROSS ÍSLANDS
Fullkomið frelsi
í þröngum ramma
GUÐRÚN HARÐARDÓTTIR, VÖRUHÖNNUÐUR, VAR FENGIN TIL ÞESS AÐ HANNA NÝJA SÖFNUNARBAUKA
FYRIR RAUÐA KROSS ÍSLANDS. GUÐRÚN LAGÐI MIKLA RANNSÓKN Í VERKEFNIÐ OG SÓTTI HÚN
MEÐAL ANNARS INNBLÁSTUR Í ÍSLENSKT STUÐLABERG VIÐ HÖNNUN SÖFNUNARBAUKANNA.
Sigurborg Selma Karlsdóttir sigurborg@mbl.is
* Þetta er frábær starfsemi sem ég fæ að taka þátt í og láta
þannig gott af mér leiða.