Morgunblaðið - Sunnudagur - 06.09.2015, Blaðsíða 28
28 MORGUNBLAÐIÐ SUNNUDAGUR 6.9. 2015
Matur og drykkir
V
ilhjálmur Þór Svansson, lögfræðingur hjá Arion Banka, bauð vin-
um og vandamönnum í indverska veislu í tilefni afmælis síns,
síðastliðna menningarnótt. Gestirnir, Fjölnir Vilhjálmsson,
Haukur Gunnarsson, Rútur Örn Birgisson, Lárus Gauti
Georgsson, Gestur Gunnarsson, Leifur Þorbergsson, Björn Bragason,
Vignir Lýðsson og Ísabella Price þekkjast að einhverju leyti innbyrðis en
Vilhjálmur kynntist sumum þeirra í gegnum laganámið í Háskóla Íslands,
vinnustaðinn Arion Banka og öðrum í gegnum hlaup og ýmis félagsstörf.
Vilhjálmur er fæddur og uppalinn í Laugardalnum, hefur búið þar nán-
ast alla sína tíð og býr þar nú. Hann kveðst hafa farið að huga mun meira
að mataræðinu eftir að hann hóf að æfa hlaup fyrir um ári síðan. „Elda-
mennskan hefur fylgt þeim áhuga að verulegu leyti. Ég útbý iðulega létta
kvöldverði, svo sem kjúklinga-, pasta- og fiskirétti en markmiðið núna er
að taka yngri systur mína meira til fyrirmyndar í eldamennskunni. Hún
er sífellt eldandi framandi og spennandi rétti í eldhúsinu,“ segir Vil-
hjálmur.
Hann ákvað að hafa indverskt þema í matarboðinu enda er það uppá-
haldsmaturinn hans. ,,Maturinn sem ég eldaði er talinn mikill herra-
mannsmatur í heimalandi móður minnar, Bresku Guyana, í Suður-
Ameríku en fjölmargir Indverjar búa þar. Þessir réttir, sérstaklega karrý
og rótí, voru mjög reglulega á borðum í okkur fjölskylduna á mínum upp-
vaxtarárum,“ segir Vilhjálmur spurður um valið á réttunum.
Vilhjálmi gekk vel að elda réttina en undirbúningur hófst deginum fyrir
boðið enda keppti hann í Reykjavíkurmaraþoninu sama morgun og boðið
var haldið. ,,Ég þurfti því að hafa hraðar hendur um daginn ef allt átti að
lukkast á tilsettum tíma,“ útskýrir hann og bætir við að drjúgan tíma hafi
tekið að klára eldamennskuna.
,,Kvöldið gekk mjög vel og menn voru afar sáttir og saddir eftir mat-
inn. Eftir kvöldmatinn voru opnaðir afmælispakkar og svo var mikið fjör í
gestum fram eftir kvöldi. Um ellefuleytið var svo haldið upp á þak þar
sem fylgst var með flugeldasýningu menningarnætur, en fljótlega eftir
miðnætti var haldið niður í miðbæ Reykjavíkur þar sem fjörið hélt
áfram,“ greinir hann frá.
Vilhjálmur
leggur loka-
hönd á réttina.
MATARBOÐ
Indverskur
afmælismatur í
Laugardalnum
* Maturinn sem égeldaði er talinnmikill herramanns-
matur í heimalandi
móður minnar, Bresku
Guyana, í Suður-
Ameríku en fjölmargir
Indverjar búa þar.
VILHJÁLMUR ÞÓR SVANSSON ÁKVAÐ AÐ HALDA UPP Á
AFMÆLIÐ SITT MEÐ ÞVÍ AÐ BJÓÐA VINUM OG VANDA-
MÖNNUM Í INDVERSKA VEISLU Á SÍÐUSTU MENNINGAR-
NÓTT. HANN ÆTLAR AÐ TAKA LITLU SYSTUR SÍNA FRAM-
VEGIS TIL FYRIRMYNDAR Í ELDHÚSINU OG ELDA OFTAR
FRAMANDI OG SPENNANDI RÉTTI.
Brynja Björg Halldórsdóttir brynja@mbl.is
680-700 gr. risarækjur
1 tsk. karríduft
1 tsk. garam masala
1 tsk. pressaður hvítlaukur
1 msk. matarolía
1 msk. tómatpuré
¼ bolli kókosmjólk
1 msk. sítrónusafi
1 búnt salatblöð
Rækjur settar í skál og karríduft, garam masala, hvít-
laukur og matarolía út íog hrært saman.
Steikingarpanna hituð í háan hita. Rækjurnar steiktar
á pönnu í ca. 1 mín.
Tómatpuré og kókosmjólk hrærð saman og bætt svo
við rækjurnar.
Allt eldað saman í ca. 5 mín eða þar til rækjurnar eru
eldaðar í gegn.
Salti stráð og sítrónusafi kreistur yfir rækjurnar.
Salatblöð sett á hentugan disk og rækjunum dreift á
salatblöðin og rétturinn borinn þannig fram.
Rækjuréttur í forrétt
Hópurinn, talinn frá vinstri:
Haukur, Björn, Vignir, Lár-
us, Vilhjálmur, Leifur, Rútur,
Gestur, Fjölnir og Ísabella.
Vilhjálmur, Lárus Gauti
og Rútur Örn í for-
drykk í eldhúsinu.
Lárus Gauti tók
upp gítarinn.