Morgunblaðið - Sunnudagur - 06.09.2015, Blaðsíða 46

L
oftkastalinn er Miðfjörð-
urinn, hann er Ísland
og það er því mjög
spennandi að fá að
flytja tónlistina, sem
þar varð til, fyrir samlanda mína.
Það mætti segja að þessi verk séu
að koma til heimkynna sinna í
fyrsta sinn. Ég er að koma yfir sjó-
inn með tónlistina mína,“ segir
Helgi Rafn Ingvarsson sem flytur
tónverk sitt í Kaldalóni í Hörpu á
sunnudaginn klukkan 17.
Draumkennd og
ævintýragjörn
Helgi segir að tónleikarnir Loft-
kastali séu samansafn af fimm
verkum sem hann samdi á tíma-
bilinu 2012-2014 og hafa þau verið
flutt margsinnis í Englandi og á Ír-
landi. „Þessi fimm verk urðu fyrir
valinu fyrir þessa tónleika í Hörpu
því þau deila öll svipuðum þemum
og hljóðfæraskipan. Þau eru öll
draumkennd og ævintýragjörn í
senn og varð þá til yfirskriftin
Loftkastali sem okkur finnst lýsa
vel því hugarástandi sem liggur að
baki tónlistinni í verkunum,“ segir
Helgi. „Ég býð áhorfendum að
stíga um borð í Loftkastalann,
sleppa ímyndunaraflinu lausu og
skilja eftir hversdagsleikann.“
Árbakki í Miðfirði
Hugmyndin er sprottin úr leitinni
að kyrrðinni, að sögn Helga en
hann býr í stórborginni London.
Þegar hann hugsaði um stað þar
sem honum líður best, kom árbakki
í Miðfirði strax í hugann. Þar á
hann griðastað í amstri dagsins.
„London er svo stór borg og mikið
af fólki og maður fær stundum
innilokunarkennd,“ segir Helgi sem
er í doktorsnámi í tónsmíðum við
hinn virta skóla í London, Guildhall
school of Music and Drama. „Þá er
gott að leita til kyrrðarinnar fyrir
norðan, en fjölskyldan á sum-
arbústað á Hvammstanga. Þar ólst
faðir minn upp og fjölskylda mín
hefur miklar rætur. Miðfjörður er
einn af fáum stöðum þar sem mér
tekst algerlega að slaka á og jarð-
tengjast,“ segir hann og ákvað að
semja verk sem færði hann að ár-
bakkanum. „Þegar sveitadreng-
urinn finnur sig í erlendri stórborg
og kemst ekki norður í land skapar
hann sér Loftkastala. Loftkastalinn
hans er staður þar sem ys og þys
borgarinnar nær ekki til hans,
griðastaður þar sem honum tekst
að sleppa ímyndunaraflinu lausu.
Þar skapar hann ævintýri og hjart-
ans tónlist.“
Alæta á tónlist
Meðfram ströngu námi semur
Helgi tónlist en hann hefur verið
viðriðinn tónlist lengi og komið víða
við. Margir muna eftir honum sem
söngvara í Idolinu árið 2003 en
mikið vatn hefur runnið til sjávar
síðan þá. Helgi spilar á nokkur
hljóðfæri og hefur góða söngrödd
en hefur í seinni tíð mestan áhuga
á tónsmíðum. Doktorsritgerðin
hans fjallar um hvernig óp-
erusöngvarar geti betur túlkað leik-
inn á sviði, en óperan er ein tegund
af tónlist sem heillar Helga. Hann
segist vera opinn fyrir hvers konar
tónlist og vill ekki setja tónlist í
flokka. „Mér finnst tónlist öll eiga
heima í einum kassa, það þurfa
ekki endilega að vera skörp skil á
milli stefna. Það eru alltaf áhrif úr
alls kyns áttum. Loftkastali er til
dæmis smá jazzskotið,“ segir Helgi.
Langar að semja óperu
Helgi hefur samið eina stutta óperu
sem fjallar um stærðfræðing einn
sem var uppi í París snemma á 19.
öld en sá mæti maður lést eftir ein-
vígi yfir stúlku sem hann var ást-
fangin af. „Franski stærðfræðing-
urinn Évariste Galois lifði mjög
stuttri, þó einstaklega viðburðaríkri
ævi, en hann dó aðeins tvítugur að
aldri árið 1832. Hans helsta afrek
var að leysa 350 ára gamalt stærð-
fræðivandamál sem síðar varð
grunnur að nútíma algebru,“ út-
skýrir Helgi.
Hann stefnir á að skrifa óperu í
fullri lengd síðar meir. „Það er erf-
itt og verðugt verkefni og já, það er
minn metnaður að ná því einn dag-
inn. Óperuformið er mjög marg-
þætt og sem tónskáld þarf maður
að hafa skilning á gífurlega mörg-
um þáttum tónlistar og leikhúss svo
verkið sé vel úr garði gert. Ég hef
skrifað og fengið fluttar þrjár
kammer-óperur síðan 2007, bæði í
Reykjavík og í London, og sú
fjórða og sú fimmta eru á teikni-
borðinu,“ segir hann.
Pöbbleikhús ópera
Helgi segir að sýna megi óperur
annars staðar en á hefðbundnu leik-
NÝTT ÍSLENSKT TÓNSKÁLD Í HÖRPU
Hugurinn
reikar í
Miðfjörðinn
LOFTKASTALI ER NÝTT TÓNVERK FYRIR STRENGI EFTIR
HINN UNGA OG EFNILEGA HELGA RAFN INGVARSSON.
VERKIÐ VERÐUR FLUTT Í KALDALÓNI Í HÖRPU Á
SUNNUDAG. ÁHEYRENDUR GETA BÚIST VIÐ FERÐALAGI
Á STAÐ ÞAR SEM FRIÐUR OG RÓ RÍKIR, ÞÓ MEÐ
SPENNU OG DRAMA Á LEIÐINNI.
Ásdís Ásgeirsdóttir asdis@mbl.is
Tónskáldið og hluti af hljóðfæraleikurunum sem munu stíga á svið á sunnudaginn. Jonathan Larson, Helgi Rafn
Ingvarsson, Guðný Jónasdóttir og Matthildur Anna Gísladóttir.
Morgunblaðið/Golli
46 MORGUNBLAÐIÐ SUNNUDAGUR 6.9. 2015
Menning