Morgunblaðið - Sunnudagur - 27.09.2015, Blaðsíða 20
Myndastyttuleikur Íslendinga og bakgrunnurinn var óvið-
jafnanlegur. Þorsteinn Garðarsson og Birna Guðjóns-
dóttir, og Auður Harðardóttir er tilbúin að smella af.
F
róðlegt væri að
frétta í hvaða ham
höfuðskepnurnar
voru þegar þær
sköpuðu vesturhéruð
Bandaríkjanna. Sunn-
arlega í Utah-ríki, nærri
landamærunum sem
liggja að Arizona, er þjóð-
garðurinn Bryce Canyon
sem einkennist af stór-
brotinni hliðstæðulítilli
náttúru, eins og blaða-
maður Morgunblaðsins
sem var þarna á dög-
unum getur staðfest. Eft-
ir langa ferð um landbún-
aðarhéruðin á hásléttu Utah er komið í
þjóðgarðinn, hvar fyrst er ekið um kletta-
þröng sem gefur forsmekkinn að því er koma
skal.
Fjölbreytt flóra
Leiðin liggur að barmi himinhárra gljúfra,
þar sem eru óteljandi drangar úr rauðum
sandsteini. Jarðmyndanir þessar eru reglu-
legar að lögun og einnig klettar þeir sem
liggja að gljúfrunum, sem kunnugir lýsa sem
hringleikahúsi. Það spannar 20 til 30 ferkíló-
metra og er dýpst 240 metrar. Það er stór-
brotið að vera á áhorfendapalli leikhússins og
sjá þessa undrasmíð; landslag og liti sem í
kolli einhverra kalla fram hughrif úr gömlum
kúrekamyndum. Þá er
flóra þessa svæðis fjöl-
breytt; um fjögur hundruð
tegundir plantna vaxa á
svæðinu og til dæmis á
gljúfurbörmum er smávax-
in fura áberandi.
Lítið er vitað um manna-
byggðir við Bryce Canyon.
Fornleifarannsóknir hafa
þó leitt í ljós mannvistar-
leifar sem eru minnst tíu
þúsund ára gamlar. Fyrr á
öldum voru indíánar þarna
allsráðandi en veldi þeirra
vék þegar mormónar námu
land á svæðinu um og eftir 1850.
Þjóðgarður í bráðum níutíu ár
Það var fyrir um öld sem fyrstu frásagnir af
Bryce Canyon birtust í blöðum í Bandaríkj-
unum. Svæðið var þá mjög afskekkt og fáfar-
ið. Fáum árum síðar voru járnbrautarteinar
lagðir þar og þá varð leiðin greið og lestin
brunaði. Árið 1928, fyrir bráðum níutíu ár-
um, var svæðið svo gert að þjóðgarði og í
krafti þess farið í framkvæmdir og aðgerðir
til að bregðast við álagi á svæðinu. Hefur
þeirri stefnu verið fylgt æ síðan, því aðstaðan
sem mætir ferðafólki er öll hin besta. Göngu-
stígar liggja um gljúfrin, útsýnispallar eru
víða og vel staðið að öryggismálum – rétt
eins og þarf á fjölförnum stað.
UNDRAHEIMUR Í UTAH Í BANDARÍKJUNUM
Hringleikahús
á hásléttunni
20 MORGUNBLAÐIÐ SUNNUDAGUR 27.9. 2015
Ferðalög og flakk
Þúsundir ferðamanna koma til Bryce á hverju ári og afar vel er staðið að öllum aðgengismálum þar.
* Landslag og litir sem í kollieinhverra kalla fram hug-hrif úr gömlum kúrekamyndum.
Utah í USA
Bryce Canyon
NÁTTÚRAN Í BRYCE CANYON-ÞJÓÐGARÐINUM Í UTAH Í BANDARÍKJ-
UNUM ER STÓRBROTIN. RAUÐAR STRÝTURNAR ERU HIMINHÁAR OG
UMHVERFIÐ ALLT LÍKAST LISTASAFNI. ÞÁ ER FLÓRAN ÞARNA FJÖLBREYTT.
Sigurður Bogi Sævarsson sbs@mbl.is