Morgunblaðið - Sunnudagur - 27.09.2015, Blaðsíða 32
32 MORGUNBLAÐIÐ SUNNUDAGUR 27.9. 2015
Græjur og tækni
Motorola sækir í sig veðrið hér á landi eftir aðGoogle umbylti farsímalínunni og Lenovo tók viðtaumunum – Google átti Motorola frá 2011 til
2014 og Lenovo upp frá því.
Eitt af því sem Google gerði á sínum tíma var að
leggja áherslu á miðlungsdýra farsíma sem væri þó með
fyrsta flokks búnaði og eins að símarnir væri raunveru-
legir snjallsímar með ýmiskonar viðbótum í hugbúnaði
sem gerði þá sérdeilis handhæga í notkun.
Moto X-símarnir frá Motorola voru gott dæmi um
þetta, verðið hagstætt en mikið lagt í hugbúnað, radd-
stýringu og tilheyrandi. Fyrsta kynslóð af Moto X kom
út fyrir rétt rúmum tveimur árum og þriðja kynslóð á
dögunum. Sú var reyndar í
tveimur hlutum, Moto X Play
og Moto X Style, en eins og
heiti símanna ber með sér
voru mismunandi áherslur í
hönnun og útfærslu. Moto X
Style hef ég ekki séð á mark-
aði hér, en Moto X Play er
fáanlegur og um að gera að
prófa.
Eitt sem auðveldar manni
lifið til muna er að á einfald-
an hátt er að hægt að lesa nánast allt af gamla síman-
um yfir á þann nýja. Fyrst leggur maður símana saman
til að tengja þá og lesa Google-reikningsupplýsingar á
milli og svo notar maður sérstakt forrit frá Motorola
sem sett er upp a símanum (og setja þarf upp á gamla
símann), til að lesa símtakaskár, SMS skeyti, vídeó, ljós-
myndir og tónlist á milli, en símarnir tengjast með sér-
stöku WiFi-neti til þess arna.
Sitthvað fleira má tína til, eins og til að mynda það
að hægt er að kveikja á myndavél símans með því að
velta honum til og frá tvívegis, sem er óneitanlega fljót-
legra en að smella á hnapp, slá inn lykilorð eða teikna
mynstur og ræsa síðan myndavélina. Líka er hægt að
láta símann lesa SMS eða efni tölvupósta þegar hann
skynjar að hann er í bíl á ferð, hægt er að stýra ýmsu
með röddinni (á ensku) og svo má telja. Mér fannst það
til að mynda snjallt að þegar ég setti símann upp og
Goggle sendi mér SMS með lykilorði vegna tveggja
þrepa innskráningarinnar (sem allir eiga að vera
með upp sett – sjá Two Step Verification í Go-
ogle-stillingum) þá las síminn SMS-ið og ég þurfti
ekki að opna það eða slá kóðann inn.
Við þetta má svo bæta við að síminn gagnast
notandanum meira eftir því sem hann er meira
notaður og lærir betur á eigandann.
Fleiri hugvitssamlegar lausnir eru í boði og
ýmsar eiga eflaust eftir að skila sér í síma ann-
arra framleiðenda. Dæmi: Þó að síminn sé með
fasta rafhlöðu, þ.e. ekki er hægt að opna símann
til að komast að innvolsi hans, er hægt að bæta
við í hann minniskorti. Þetta sér maður þegar ör-
smárri skúffu fyrir SIM-kort er skotið út (síminn
notar nano SIM-kort). Aftan á henni er nefnilega
pláss fyrir minniskort, allt að 128 GB microSD-
kort, sem smellur í skúffuna. Snilldarlausn!
Rafhlaðan í símanum er býsna góð. Hún
spændist reyndar ansi hratt upp hjá mér fyrst
eftir að ég kveikti á símanum, enda var ýmislegt
sem þurfti að uppfæra og uppfæra svo aftur. Eft-
ir það entist hún aftur á móti afskaplega vel.
Á símanum er ómengað Android, útgáfa 5.1.1,
Lollipop, og uppfærslur koma nánast um leið og
þær eru tilbúnar, til að mynda Android 6.0 sem
fer í dreifingu í næstu viku. Reyndar skilst mér
að byrjað verði á Galaxy 5 og Galaxy 6 símum,
en kosturinn að vera með hreint Android-upp sett
er að uppfærslur skila sér mun hraðar en ella.
Kostirnir við Moto X Play eru óneitanlega
nokkrir eins og ég hef rakið en hvað með galla?
Þykktin og þyngd gætu staðið í einhverjum og
eins er skjárinn ekkert til að hrófa húrra fyrir;
víst er hann góður, en ekki frábær. Síminn er
líka ekki ýkja hraðvirkur og svo sakna ég þess að
hann styðji ekki þráðlausa hleðslu.
Að þessu sögðu þá má ekki gleyma því að Moto
X Play er á mjög fínu verði miðað við tækni og
útfærslu, 16 GB sími kostar 89.900 kr. í netversl-
un Nýherja og sjálfsagt minna hjá símafyrirtækj-
unum. Sennilega bestu kaupin á síma í þessum
Stærðarflokki í dag.
SNJALL SNJALLSÍMI
NÝR SÍMI FRÁ MOTOROLA, MOTO X PLAY,
SEM ER ÞRIÐJA KYNSLÓÐ AF MOTO X,
SÝNIR AÐ FYRIRTÆKIÐ STENDUR VIÐ ÞÁ
HUGSJÓN AÐ FRAMLEIÐA TÆKNILEGA
SÍMA MEÐ SNJÖLLUM HUGBÚNAÐAR-
LAUSNUM Á SKAPLEGU VERÐI.
* Síminn er ekki vatnsheldur, enhann er vatnsvarinn, þ.e. ekki er
hægt að fara með hann í sund, en
það er óhætt að nota hann í roki
rigningu – hann er með nano-húð
og fellur að IP52, semsé rykvarinn
(IP5) og varinn fyrir vatnsgusum
(IP2). Örgjörvinn 1,7 GHz Qual-
comm Snapdragon, átta kjarna.
* Myndavélin í símanum er venjufremur góð, með 21 MP myndflögu,
sem gefur upplausn upp á 5248 x
3936 díla. Hún er reyndar ekki
með hristivörn í linsu, en afskaplega
góð engu að síður. Hún tekur 4K
UHD myndskeið, 1080p og 720p
HD, 30 ramma á sek. Flassið er fínt
á henni, tveir ljóstvistar.
* Moto X Play síminn er nokkuðþykkur, en þynnist út til brúnana og
fer því einkar vel í hendi. Fyrir vikið
finnst manni hann nettari þó að
hann sé rúmur sentímetri að þykkt
þar sem hann er þykkastur um mitt
bakið. Annars er hann 148 mm á
hæð og 75 mm á breidd og 169 g
að þyngd og skjárinn 5,5".
Græjan
ÁRNI
MATTHÍASSON
Tæknifyrirtækið Mobileye, sem þekktast er fyrir árekstravarn-
ir í bílum eins og sjálfvirkar bremsur, hefur nú kynnt sjálfkeyr-
andi tækni sína og stefnir á toppinn á þeim markaði.
Sjálfkeyrandi Mobileye
Tvær bækur um tölvuleikinn Minecraft eru
nú komnar út á íslensku. Þetta eru Byrjenda-
handbókin (The Official Beginners Handbo-
ok) og Rauðsteinahandbókin (The Official
Redstone Handbook) en tvær til viðbótar
koma út um miðjan október.
Minecraft-leikjaheimurinn hefur notið vin-
sælda víða um heim. Ýmis skýringarmynd-
bönd eru fáanleg á Youtube auk þess sem
heilmiklar upplýsingar er að finna á verald-
arvefnum um leikinn og þá möguleika sem
Minecraft-veröldin býður upp á. Það hefur
því vakið talsverða athygli hversu vel bækur
um tölvuleikinn hafa selst.
Minecraft-bækurnar fjórar komust til
dæmis allar á lista yfir 10 mest seldu bækur
Bretlands á síðasta ári. Þær komust líka allar
á lista yfir 100 mest seldu bækur í Bandaríkj-
unum á síðasta ári.
Þrátt fyrir að enginn skortur sé á stafræn-
um leiðbeiningum og ýmsu ít-
arefni á netinu um víðáttumikinn
leikjaheim Minecraft virðast
margir kjósa að hafa innbundnar
handbækur til hliðsjónar.
Kannski veitir útgáfa bók-
anna á íslensku kjörið tækifæri
fyrir foreldra sem hafa átt í
vandræðum með að fá börn
og unglinga til að líta upp frá
tölvunni og lesa bækur. Börnin
geta einfaldlega lesið bækur um
tölvuleikinn.
Að sögn Arnars Vals Jóns-
sonar leiðbeinanda á Minecraft
námskeiðum hjá Skema er mik-
ið af gagnlegum leiðbeiningum
í bókunum. „Þær hafa líka
ákveðið skemmtanagildi því
krökkunum finnst gaman að
geta haft eitthvað í höndunum sem
tengist leiknum. Þannig geta þau líka
sýnt foreldrum sínum hvað þau eru
að gera í þessari leikjaveröld. Það er
gaman fyrir krakka að fá þessar bækur
á íslensku í staðinn fyrir að hanga á
Google til að finna leiðbeiningar og
myndbönd, sérstaklega þau yngstu.“
Skema hefur staðið fyrir námskeiðum í Mi-
necraft fyrir börn niður í sjö ára aldur og
segir Arnar Valur í bígerð að bjóða einnig
námskeið fyrir foreldra sem vilja fá meiri
upplýsingar um þá möguleika sem Minecraft
býður, en leikurinn hefur notið vinsælda víða
um heim fyrir að ýta undir sköpunargleði og
þjálfa rökhugsun barna.
TÖLVULEIKJABÓKMENNTIR
Nú er hægt að lesa um Minecraft leikjaheiminn á íslensku. Bækurnar hafa notið mikilla vin-
sælda í Bretlandi og Bandaríkjunum og eru lesnar bæði af börnum og fullorðnum.
Minecraft-bækurnar
komnar út á íslensku