Fréttablað - 01.09.1966, Blaðsíða 1
KIWANISKLÚ BBURINN HEKLA
5
5. tbl. september 1966 1. árg.
FRÁ DAGSKRÁ- OG MÓTTÖKUNEFND
Kæru konur!
Þannig lítur matseðill konukvöldsins út, sem maðurinn þinn aetlar að
bjóða þér á:
Hátíðin hefst kl. 7.30 e.h. föstudaginn
14. október n.k. í Leikhúskjallaranum.
Borðpantanir hjá yfirþjóni frá 4. október
(en þá er almennur fundur) til 10. s.m.
Miðar verða seldir á fundinum 4. október,
og síðan hjá Helga í Roða, Laugavegi 74,
og Helga úrsmiði, Skólavörðustíg 3, fram
að 10. mánaðarins. Þeir, sem endilega vil-
ja verá síðbúnir, geta fengið keypt stæði
við innganginn.
Verð hvers miða verður aðeins kr. 400.00,
innifalin Kiwanis gleði til kl.-?-, glæsi-
legt happdrætti, skemmtiatriði og ofan-
skráður matseðill. Kötlubræðrum verður gert aðvart, svo að nú er um að
gera að vera nógu snar í snúningum til að panta sér borð og tryggja sér
þannig þátttöku og skemmtilegt kvöld.
Skál!
Nefndirnar
(Ekki samkvæmisklæðnaður,
bara sunnudagsfötin)
BERJAFERÐIN
Þann 11. september s.l. fóru félagar úr báðum Kiwanisklúbbunum hér
í berjaferð með börnin á uppeldisheimilinu að Kumbaravogi og barnaheimil-
inu í Kópavogi. Auk þeirra tóku konur og börn Kiwanisfélaganna þátt í ferð-
inni. Farið var í Grímsnesið og fengin leiðsögn hjá Böðvari Guðmundssyni,
bónda á Efri Brú í Grímsnesi, en þar sem varla var bílfært alla leið, var
fólkið selflutt á jeppum síðasta áfangann í berjalandið.
Hópurinn var vel byrgur af nesti, sem ýmsir aðilar höfðu lagt til
endurgjaldslaust. Haraldur í Hafnarbúðum sá um að nóg væri af smurðu
brauði, Sanitas lagði til gosdrykkina, pylsurnar voru frá Sláturfélagi
Suðurlands, kexið frá Frón og sælgætið frá ópal. Klúbbarnir færa öllum
þessum aðilum hjartans þakkir fyrir rausnina.
Þegar halda átti heim á leið, kom í ljós, að enn var mikið eftir af
nestinu, þótt allir hefðu neytt eins mikils og þeir gátu í sig látið, og
var því ákveðið að færa heimilinu að Kumbaravogi það sem eftir var afpyls-
um og brauði, en afgangurinn af kexinu og sælgætinu var gefinn barnaheim-
ilinu í Kópavogi.
Öllum þeim, sem þátt tóku í þessari ferð, bar saman um, að hún hefði
tekist framúrskarandi vel, þótt fremur lítið væri um ber á þessura slóðum,
enda hefur berjaspretta verið rajög lítil hér sunnanlands nú í haust. For-
stöðufólk beggja barnaheimilanna bað fyrir beztu kveðjur og þakklæti til
klúbbanna.