Skólavarðan - 01.08.2006, Blaðsíða 7
7
SKÓLAVARÐAN 5.TBL. 6. ÁRG. 2006
Samt er svolítið sárt að hafa haft mikið
fyrir að læra flókna kommusetningu …
og svo verður öll þessi þekking allt í einu
einskis virði.
Ég tek þó skýrt fram að ég var ekki
mótfallin útrýmingu zetunnar vegna þess
hversu erfitt hafði verið að tileinka sér
reglurnar um notkun hennar. Ég hugsaði
ekki sem svo: „Fyrst ég þurfti að pínast
skulu aðrir líka þurfa að pínast!“ Nei,
zetan hjálpaði okkur að skilja uppruna
orða á svipaðan hátt og ypsilon gerir. Það
er því alveg á hreinu að ef hinni ósýnilegu
nefnd – eða Þorgerði Katrínu – dettur í
hug að leggja niður ypsilonið á morgun
eða hinn … Ja, þá flyt ég úr landi!
Blíð og kát?
Að lokum … bara svona til umhugsunar.
Okkur er tamt að vitna í Jónas Hallgrímsson
þegar móðurmálið er til umræðu. Þegar
ég gúgglaði orðin „ástkæra” og „ylhýra”
– þ.e.a.s. sló þau, bæði tvö, inn í Google-
leitarvélina – komu t.d. upp 10.100
vefsíður, enda er þessi tilvitnun löngu
orðin hálfgerð klisja.
Fæstir hugsa þó trúlega út í hvað þetta
þýðir. Við segjum bara stundum „okkar
ástkæra, ylhýra” í staðinn fyrir að segja
íslenska, íslensk tunga eða móðurmálið.
Það þykir dálítið flott. Eins og að tala
um brúðu í staðinn fyrir dúkku og telpu í
staðinn fyrir stelpu.
Allir vita væntanlega hvað það er að
vera ástkær. Það þýðir einfaldlega að vera
elskaður. Jónas var m.ö.o. að segjast elska
móðurmál sitt … og að sjálfsögðu er ég
honum hjartanlega sammála hvað það
varðar. En ylhýr? Samkvæmt orðabókinni
þýðir það að vera ljúfur og hýr. Einmitt
það, já. Þrátt fyrir eldheita og óbilandi ást
mína á íslenskri tungu finnst mér erfitt að
taka undir þetta með þjóðskáldinu. Ljúf
og glaðleg, Jónas? Blíð og kát? Kommon!
Jónína Leósdóttir
Höfundur er rithöfundur og leikskáld
og starfaði í 20 ár við blaðamennsku.
KJARAMÁL
Í síðustu tvö skipti hef ég skrifað um
yfirvinnu grunnskóla- og leikskóla-
kennara og nú er komið að yfirvinnu
framhaldsskólakennara.
Í kjarasamningi segir: „Yfirvinna telst
sú vinna sem fram fer utan tilskilins
daglegs vinnutíma, svo og vinna sem
innt er af hendi umfram vikulega vinnu-
tímaskyldu þótt á dagvinnutímabili sé.”
Öll kennsla umfram kennsluskyldu telst
því til yfirvinnu. Tímakaup í yfirvinnu
í hverjum launaflokki er 1,0385% af
mánaðarlaunum starfsmanns m.v. launa-
flokk og þrep. Kennsluyfirvinna telst 1,3
klukkustund sé lengd kennslustundar
40 mínútur og hlutfallslega sé hún
lengri. Kennslustund í öldungadeildum,
meistaraskóla og sambærilegu námi telst
jafngildi 1,6 stunda í dagskóla.
Föst yfirvinna
Yfirvinna sem sett er á stundaskrá og aðrar
fastar vinnuáætlanir greiðast í 4 vikur á
mánuði. Yfirvinna samkvæmt stundaskrá
er greidd í 36 vikur á ári eða 18 vikur á
önn.
Yfirvinna í hlutastörfum
Yfirvinna er einnig greidd fyrir vinnu
umfram hlutastarf. Tilfallandi yfirvinna og
forfallakennsla skemur en mánuð fellur t.d.
undir þetta. Í grein 2.3.4.2 í kjarasamningi
segir: „Óreglubundin vinna umfram hina
skertu vinnuskyldu eða samfelld vinna
skemur en einn mánuð greiðist með
því kaupi sem greitt er fyrir yfirvinnu.” Í
grein 2.3.4.3 segir aftur á móti: „Samfelld
reglubundin vinna einn mánuð eða
lengur innan dagvinnumarka allt að fullri
vinnuskyldu greiðist sem reiknað hlutfall
af mánaðarlaunum enda hafi viðkomandi
starfsmanni verið kynnt það áður en sú
vinna hófst.” Þannig að ef yfirvinnan
fer umfram mánuð og er viðvarandi
og regluleg stækkar hún starfshlutfall
viðkomandi kennara. Einnig er vakin
athygli á gr. 2.3.7. um að matartími sem
kennt er í innan kennsluskyldu greiðist
með yfirvinnuálagi sem er 44.44%.
Ennfremur að kennsla umfram fullt starf
(100%) í fleiri en einum framhaldsskóla
greiðist sem yfirvinna, sbr. gr. 2.3.11.
Yfirvinna – veikindi
Ef samið hefur verið um yfirvinnu fyrirfram
ber að greiða hana þótt starfsmaður sé
veikur þann tíma sem yfirvinnan átti að
vinnast. Gildir einu hvort um tilfallandi
eða fasta vinnu er að ræða.
Yfirvinna, gjalddagi o.fl.
Öll yfirvinna skal greidd eftir á fyrir hvern
mánuð eða hverja þrjátíu daga og komi til
útborgunar eigi síðar en 15 dögum eftir
síðasta dag reikningstímabils. Orlofsfé á
yfirvinnu- og álagsgreiðslur er 10,17%.
Það hækkar í 11,59% við 30 ára aldur og
13,04% við 38 ára aldur.
Að lokum langar mig að minna á net-
fangið mitt ingibjorg@ki.is ef þið hafið
einhverjar spurningar og það er líka hægt
að hringja hingað á skrifstofu KÍ í síma 595
1111.
Ingibjörg Úlfarsdóttir
Launafulltrúi KÍ
Ingibjörg hjá ki.is
Lj
ó
sm
yn
d
: k
eg
Framhaldsskóli - yfirvinna