Skólavarðan - 01.08.2006, Síða 18
18
SKÓLAVARÐAN 5.TBL. 6. ÁRG. 2006
væntanlegrar námskrár sem átti að taka
gildi í ágúst og gerðu allir sér miklar
vonir um að hún myndi breyta töluverðu
fjárhagslega í starfi, sérstaklega fyrir
grunnskólann. Við fundum fyrir því að
íslenskir leikskólar eru fremri í öllum
aðbúnaði en á móti koma fagleg sjónarmið
norsku leikskólanna og virkni þeirra í því
umhverfi sem unnið er í hverju sinni. Allir
leikskólarnir voru með skýra stefnu um að
nota engan sykur í mat og lögðu mikla
áherslu á grænmeti, ber og ávexti.
Allstaðar var tekið mjög vel á móti
okkur og gagnkvæm forvitni augljós en
mjög margir virtust vita nokkuð um stöðu
kennara á Íslandi, t.d. í launamálum, og
vera jafnvel í sambandi við einhverja í
gegnum Nordplus.
Vosbúð eða frelsi?
Eftir að heim var komið höfum við rætt
um hve okkur fannst mikil ánægja í
framkomu barnanna, þau fengu að vera
skítug upp fyrir haus, drullumalla hvar sem
var og sofa víðsvegar um lóðina. Útiveran
er mjög mikilvægur þáttur í öllu starfinu
og greinilegt að umhverfið er notað til
að örva alla þroskaþætti barnsins. Sumum
fannst þetta vera hálfgerð vosbúð en
aðrar upplifðu þetta sem fágætt frelsi.
Við vorkenndum þeim að hafa engan
matráð og þau játuðu að það væri mikið
til umræðu í leikskólum að reyna fá bætt
úr því. Vistunartími er allstaðar að færast
upp í lengri viðveru og aðspurð sagði einn
leikskólastjórinn að þau settu mörkin við
að klæða börnin í náttföt fyrir foreldra, en
þau ættu að sofa heima hjá sér.
Að skemmta sér í vinnunni
Faglegi kosturinn við svona ferðir er að
þar er alltaf eitthvað sem vekur starfs-
fólk til umhugsunar um eigið starf og þá
er árangurinn í heild mikill. Við ætlum
til dæmis að endurskoða reglur sem við
höfum sett um leiki á lóðinni því eftir
ferðina höfðum við á tilfinningunni
að við mættum alveg slaka á nokkrum
viðmiðum.
Félagslega tengingin er ekki síðri, þarna
eru allir starfsmenn leikskólans mættir
staðráðnir í að njóta hverrar stundar og
hver annarrar.
Mest er spurt um hvort við höfum
ekki bara að vera að skemmta okkur og
vissulega gerðum við það, bæði á meðan á
vinnu stóð og einnig eftir hana, og þess má
geta að allur hópurinn borðaði saman öll
kvöldin og var sérstök skemmtinefnd búin
að undirbúa dagskrá á meðan á borðhaldi
stóð. Að skemmta sér í vinnunni er líklega
besta vinna sem hægt er að stunda.
G. Ásgerður Eiríksdóttir leikskólastjóri
Hafdís Þóra Ragnarsdóttir leikskólakennari
Heiða Hraunberg Þorleifsdóttir deildarstjóri
GAGNVIRKT EFNI OG LEIKIR –� ����������
Á www.nams.is má finna ýmislegt
fróðlegt og skemmtilegt. Vefurinn
er öllum opinn.
NORSKIR LEIKSKÓLAR
Hér tókst að ná flestum á filmu