Skólavarðan - 01.09.2006, Blaðsíða 4

Námsmat í íslenskum framhaldsskólum 10
- hvaða leiðir eru farnar? Rósa Maggý Grétarsdóttir og Sigurbjörg
Einarsdóttir skrifa.
10 punkta samkomulagið hálfu ári síðar 14
Ellefu nefndir sita að störfum en bið er eftir aðgerðum.
Aukið vinnuálag bitnar á fagmennsku 15
Fulltrúar norrænna kennara funduðu um sameiginleg hagsmunamál nýverið
og hlýddu á fyrirlestra. Ingi Rúnar Eðvarðsson var einn fyrirlesara og fjallaði
um breytingar á launa- og ráðningarmálum kennara á Norðurlöndum.
Lýðræði og menning í menntun yngri barna 17
EECERA ráðstefnan „Lýðræði og menning í menntun yngri barna“ var haldin
í fyrsta sinn á Íslandi um mánaðamótin ágúst - september. Metþátttaka var í
ráðstefnunni en hana sóttu hátt í 600 manns frá yfir fjörutíu löndum.

Gæðakennsla í takt við kröfur tímans 18
Norrænu kennarasamtökin, NLS, halda þriðja hvert ár sumarnámskeið fyrir
félagsmenn sína, til skiptis í aðildarlöndunum. Að þessu sinni var það haldið
í Þórshöfn í Færeyjum 28. júní til 2. júlí undir yfirskriftinni „Gæði menntunar
– samræður og reynsla“.
Kennarar og kosningabarátta 20
Einn mesti háski sem steðjar að æsku landsins er almennur doði yfir
samfélagslegum verðmætum, flatneskja og skeytingarleysi, segir
Jóhann Björnsson kennari í grein þar sem hann fjallar um reynslu sína af
skólaheimsóknum sem frambjóðandi í borgarstjórnarkosningum.
Siðferði á Netinu og gagnrýnin Netnotkun 24
Kennarar við Langholtsskóla hafa samið námsefni um siðferði og öryggi í
notkun Netsins.
Allir í sama liði 25
Skólaárið 2004-2005 hlaut Vesturbæjarskóli styrk frá KÍ til að stuðla að
aukinni þátttöku foreldra í starfi barna sinna í skólanum. Hér er gerð grein
fyrir ástæðum þessa starfs, markmiðum og einstökum verkefnum sem unnin
hafa verið undir yfirskriftinni ,,Allir í sama liði”, en verkefnið og kennararnir
Bryndís Gunnarsdóttir og Hera Sigurðardóttir hlutu hvatningarverðlaun
Heimilis og skóla árið 2006.
Skipting menntasviðs og menntaráðs 29
Félag leikskólakennara og Kennarafélag Reykjavíkur sendir frá sér
sameiginlega umsögn.
Formannspistill 3
Sigrún Grendal formaður FT pælir að loknu svæðisþingi og spyr: Hvers virði
er fagumræða í hópi kennara?
Gestaskrif 5
Sá beitti penni Bjarni Harðarson er einn þeirra sem hvað oftast eru kallaðir
til vegna pólitísks spjalls og skoðanaskipta í sjónvarpinu núorðið, enda
beinskeyttur og skemmtilegur. Það er hann líka í þessari grein.
Kjaramál 7
Ingibjörg Úlfarsdóttir launafulltrúi skrifar.
Skóladagar 7
Að auki...
eru í blaðinu fréttir af breytingum á starfsemi KÍ, ráðstefnum og
málþingum, sagt frá nýju námsefni og margt fleira að ógleymdum leiðara.
4
LEIÐARIEFNISYFIRLIT
FASTIR LIÐIR
SKÓLAVARÐAN 6.TBL. 6. ÁRG. 2006
Ritstjóri: Kristín Elfa Guðnadóttir kristin@ki.is
Ábyrgðarmaður: Helgi E. Helgason helgi@ki.is
Umsjónarmaður félagatals: Sigríður Sveinsdóttir
sigridur@ki.is / sími 595 1115
Hönnun: Zetor ehf.
Ljósmyndir: Jón Svavarsson, nema annars sé getið
Forsíðumynd: Einbeittur nemandi og kennari í Suzuki kennslustund.
Auglýsingar: Stella Kristinsdóttir
stella@ki.is / sími 595 1142 eða 867-8959
Prentun: Svansprent
Skólavarðan, s. 595 1118 (Kristín) og 595 1119 (Helgi).
Laufásvegi 81, 101 Reykjavík
Svona á að tína sveppi
Á haustin fara kennarar í sínar andlegu sveppatínsluferðir.
Allt sumarið hafa hugmyndir gerjast og nú er kominn upp-
skerutími. Unnvörpum flykkjumst við á áfangastaði okkar
til að sanka að okkur nýjum hugmyndum og deila öðrum.
Í skóginum bíða margbreytilegir sveppaklasar innrása
kennarahópanna; ráðstefnur, fundir og námskeið þar sem
rætt er um allar mögulegar tegundir kjara- og fagsveppa sem
sprottið hafa upp í skjóli sumars.
Skólavarðan dregur alltaf nokkurn dám af þessum upp-
skeruhátíðum á haustin, sérstaklega í september og október.
Svo er einnig nú. Ef lýsa á uppskerunni þetta haustið koma
tvö merkingarþrungin hugtök fyrst upp í hugann, hálfgerðir
risasveppir: Hnattvæðing og lýðræði. Að báðum er vikið í
þessu tölublaði Skólavörðunnar og verður fram haldið, út frá
sjónarhorninu hvað hafa hnattvæðing og lýðræði að segja
fyrir íslenska kennara og íslenskt skólastarf? Hnattvæðing
felur ekki bara í sér útbreiðslu vestrænna hugmynda fyrir
tilstilli japanskrar og bandarískrar tækni heldur gengur
hún í allar áttir og oft með lítt fyrirséðum afleiðingum. Ingi
Rúnar Eðvarðsson prófessor við Háskólann á Akureyri er
einn þeirra sem reyna að sjá afleiðingarnar fyrir. Hann hélt
erindi fyrir skömmu og benti þar á að með auknum aðgangi
að ódýru vinnuafli skapaðist sú hætta að allt launafólk
slægi af kjarakröfum sínum, þar með taldir kennarar. Peter
Moss hafði margt um lýðræðið að segja á ráðstefnu um
menntun og menningu yngri barna og gagnrýndi harkalega
„gæða“orðræðuna sem tröllríður skólastarfi. Hann sagði
hugtök á borð við gæði og frammistöðu dauðhreinsa
mikilvæg samfélagsleg málefni af pólitík og umbreyta þeim
í stjórnunarleg fyrirmæli, með fyrirtæki á markaði sem
fyrirmynd. Í túlkun Moss er gæðaumræðan aðför að lýð-
ræðinu.
Víst er að sveppirnir vaxa grimmt í kennaraskóginum og
þar kennir margra grasa. Eftir hverja sveppaferð er gott að
staldra við og melta krásirnar sem bornar voru á borð. Annars
fær maður bara ilminn af réttunum og ekkert situr eftir. Svo
er um að gera að vera duglegur að tína – og rýma fyrir næstu
uppskeru.
Kristín Elfa Guðnadóttir