Skólavarðan - 01.09.2006, Blaðsíða 7

7
KJARAMÁL
SKÓLAVARÐAN 6.TBL. 6. ÁRG. 2006
GRUNNRÖÐUN
Nú er sá árstími þegar kennarar þurfa
að huga að hvort grunnröðun þeirra í
launaflokk sé rétt. Grunnskólakennari sem
ekki hefur umsjón með bekk/námshópi
grunnraðast í launaflokk 231. Grunnröðun
umsjónarkennara fer eftir fjölda nemenda
í bekk. Umsjónarkennari með 12 – 19
nemendur í bekk/námshópi grunnraðast
sem umsjónarkennari 1 í launaflokk 232.
Umsjónarkennari með 20 nemendur
eða fleiri í bekk/námshópi grunnraðast
sem umsjónarkennari 2 í launaflokk 233.
Miðað er við nemendafjölda 1. október
ár hvert og ef einhverjar breytingar
verða á nemendafjölda sem leiðir til
breytinga á grunnröðun viðkomandi um-
sjónarkennara skal leiðrétta röðunina
miðað við nemendafjölda 15. janúar. Þetta
á bæði við þegar kennari ætti að hækka
eða lækka um launaflokk. Nýja röðunin
tekur svo gildi frá og með 1. febrúar þar
á eftir.
Þrátt fyrir að grunnröðun umsjónar-
kennara sé með fyrrgreindum hætti þá
skal kennari sem hefur umsjón með 9
nemendum í tveimur árgöngum eða 8
nemendum í þremur árgöngum einnig
grunnraðast sem umsjónarkennari 1 í
launaflokk 232. Einnig skal kennari með
umsjón með 18 nemendum í tveimur
árgöngum grunnraðast sem umsjónar-
kennari 2 í launaflokk 233.
Viðbótarlaunaflokkar
vegna kennsluferils eða lífaldurs
Vegna ákvæða um endur- og símenntun
kennara hækkar röðun allra starfsheita
vegna námskeiða / endurmenntunar sem
hér segir: Einn launaflokk eftir 5 ára kennslu-
feril, annan eftir 10 ára kennsluferil og þann
þriðja eftir 15 ára kennsluferil. Kennarar
sem voru í starfi við síðustu kjarasamninga
höfðu val um að fá þessa launaflokka
annaðhvort miðað við lífaldur eins og
áður hafði verið gert eða að breyta yfir í
kennsluferil. Þegar miðað var við lífaldur
fékk kennari einn launaflokk við 35 ára
aldur, annan við 40 ára aldur og þann
þriðja við 45 ára aldur. Nýráðnir kennarar
raðast hins vegar allir eftir kennsluferli.
Launahækkun vegna símenntunar miðast
við upphaf næsta mánaðar eftir afmælis-
dag eða eftir að tilskildum kennsluferli
hefur verið náð nema ef viðkomandi
hefur ekki uppfyllt skyldur sínar í samræmi
við endurmenntunaráætlun. Kennarinn
verður sjálfur að halda utan um upplýsingar
um kennsluferil sinn þar sem þeim er ekki
haldið til haga á einum stað.
Ef þið hafið einhverjar spurningar
varðandi þetta er ykkur velkomið að
hringja til mín í síma 595 1111 eða senda
mér tölvupóst á netfangið ingibjorg@ki.is
Ingibjörg Úlfarsdóttir
launafulltrúi KÍ
Röðun í launaflokka:
Grunnskólakennarar
Tilvitnunin
Dagur múrmeldýrsins
„Fréttirnar af byggingarmálum Barna
og unglingageðdeildar Landsspítalans
(BUGL) eru farnar að minna óþægilega
á kvikmyndina Groundhog Day þar sem
sjónvarpsfréttamaður lendir í því að lifa
sama daginn aftur og aftur ... Fréttin
um BUGL er alltaf sú sama, vandi sem
hefur lengi verið þekktur. Í hvert einasta
skipti er þetta „alveg að koma“ hjá
heilbrigðisráðherra. Gallinn er bara sá
að börn sem svikin eru um þjónustu eru
ekki að lifa alltaf sama árið, hvað þá sama
daginn, heldur ganga í gegnum lífið án
þess að brýnni þörf þeirrra á greiningu og
meðferð sé mætt.“
Dagur B. Eggertsson á dagur.is
13. september sl.
Ingibjörg hjá ki.is
Lj
ó
sm
yn
d
: k
eg
Viðbrögð við vanrækslu
og ofbeldi gegn börnum
Menntamálaráðuneyti og Félag fag-
fólks í frítímaþjónustu standa fyrir nám-
skeiðum næstu mánuði um það hvernig
bregðast skuli við vanrækslu eða ofbeldi
gegn börnum og unglingum. Námskeið-
in eru byggð á efni bókarinnar,
Verndum þau. Námskeiðin eru ætluð
öllum þeim sem starfa með börnum
og unglingum hjá sveitarfélögum,
íþróttafélögum, æskulýðsfélögum. Alls
verða námskeiðin 24. Það fyrsta verður
haldið í október.
Það eru höfundar bókarinnar, Vernd-
um þau, sem stýra námskeiðunum.
Ólöf Ásta Farestveit er uppeldis- og
afbrotafræðingur og Þorbjörg Sveins-
dóttir er með BA í sálfræði.
Flest börn búa við öruggt og friðsælt
umhverfi, heima, í skóla, leik-og frí-
stundastarfi. Því miður á þetta ekki við
um öll börn. Á Íslandi eru börn sem eiga
undir högg að sækja, búa við vanrækslu
eða eru beitt ofbeldi - líkamlegu, kyn-
ferðislegu eða andlegu.