Skólavarðan - 01.09.2006, Blaðsíða 14

14
TÍU PUNKTA SAMKOMULAGIÐ
SKÓLAVARÐAN 6.TBL. 6. ÁRG. 2006
Svarið við þessari spurningu er einfalt:
Annars vegar mikið og hins vegar
lítið. Ellefu nefndir sitja að störfum
um einstaka þætti samkomulagsins
og sú tólfta, nefnd um starfsnám,
lauk störfum í sumar. Síðar í haust er
að vænta áfanga- eða lokaskýrslna
frá mörgum nefndanna. Um leið
er fólk orðið óþreyjufullt eftir
framkvæmdum, sérstaklega í málefnum
framhaldsskólans og unglingastigs
grunnskólans.
Flokka má nefndir tíu punkta
samkomulagsins í þrennt.
• Í fyrsta lagi þær sem fjalla um nám og
námsinntak.
• Í öðru lagi þær sem fjalla um endur-
skoðun laga og reglugerða, með það
fyrir augum að breyta þeim.
• Í þriðja lagi þær sem fjalla um stoðkerfi
af ýmsum toga, svo sem námsráðgjöf
og endurmenntun.
Tillögur um framtíðarskipan kennara-
menntunar hafa legið fyrir frá því í mars á
þessu ári. Nefnd um starfsnám lauk störfum
í júní og tillögur hennar eru nú að miklu
leyti inni á borði „nefndarinnar með langa
nafnið“ eins og hún er stundum kölluð.
Fullu nafni heitir nefndin „Starfshópur um
sveigjanleika og fjölbreytileika í skipulagi
náms og námsframboðs“ og fjallar um
skilin milli skólastiga, inntak stúdents-
prófs og framtíðarsýn á framhaldsskólann.
Grunnskólalaganefndin á líklega að
baki flestar vinnustundir enda gífurlega
viðamikill málaflokkur.
„Telja verður fyllilega tímabært að
einhverjar niðurstöður náist í umræðu
sem staðið hefur árum saman um brýn
umbótamál bæði á unglingastigi grunn-
skóla og í framhaldsskólanáminu,“ segir
Elna Katrín Jónsdóttir varaformaður KÍ.
„Má þar nefna nauðsyn þess að auka
fjölbreytni náms og námsframboðs svo
sem með því að efla starfsnám, auka hlut
list- og verknáms í grunnskólum, ekki síst á
unglingastigi, auka valmöguleika nemenda
á unglingastigi og í framhaldsskólum um
námsgreinar, námshraða og námssam-
setningu, endurskoða námsmat og efla
náms- og starfsráðgjöf.“
Að sögn Elnu þarf að vinna markvisst
að bættum námsárangri nemenda, meðal
annars með því að styðja betur við hvern
einstakling og fjölga þannig þeim sem
ná viðunandi árangri við lok grunnskóla
og útskrifast á eðlilegum aldri með próf
úr framhaldsskóla. „Ennfremur er brýnt
að tryggja sem fyrst samræmdan rétt
nemenda og skilgreina hlutverk aðila
varðandi nám á mörkum skólastiga,“
segir Elna Katrín. „Sama gildir um fjar- og
dreifnám sem nýtast þarf í framtíðinni,
einnig yngri nemendum en hingað til,
meðal annars vegna sjónarmiða um rétt til
jafngilds og sambærilegs náms hvarvetna
á landinu.“
Að sögn Elnu Katrínar eru möguleikar
kennara til að hafa áhrif á skóla- og
menntastefnu og framkvæmd hennar
umtalsverðir og síst minni en í þeim löndum
sem við berum okkur gjarnan saman við.
„En þar til ákveðið er að gera eitthvað er
til að mynda skýrsla starfsnámsnefndar í
raun bara hugmyndarammi,“ segir Elna
Katrín. „Það þarf að hjálpa nemendum, á
réttum aldri, til að taka réttar ákvarðanir
um framtíð sína og möguleikarnir
verða að vera fyrir hendi. Í sumar komst
skriður á umræðuna í kjölfar skýrslu
starfsnámsnefndar, nú þurfum við að taka
upp þráðinn þar sem frá var horfið og
missa ekki dampinn. Margt er í gangi en
við spyrjum að leikslokum.“
keg
Elna Katrín Jónsdóttir varaformaður KÍ
tók saman yfirlit um nefndirnar þann 5.
september sl.
1. Verkefnisstjórn
Föst nefnd, stefnumörkun um og yfir-
umsjón með útfærslu og framkvæmd
samkomulagsins.
Fulltrúar KÍ: Elna Katrín Jónsdóttir, Ólafur
Loftsson, til vara: Aðalheiður Steingríms-
dóttir, Þórður Árni Hjaltested.
2. Nefnd um sveigjanleika og
fjölbreytni í skipulagi náms og náms-
framboði
Starfslok skv. erindisbréfi októberlok 2006.
Fulltrúar KÍ: Aðalheiður Steingrímsdóttir,
Ólafur Loftsson, Þórður Kristjánsson, til
vara: Anna María Gunnarsdóttir, Sturla
Þorsteinsson, Jón Ingi Einarsson.
Skilar tillögum til menntamálaráðherra.
Tekur við tillögum nefnda skv. tl. 7, 9, 11
og 12. og fellir að heildartillögugerð sinni.
3. Nefnd um lögverndunarlög
(lýkur trúlega störfum haustið 2006).
Fulltrúi KÍ: Eiríkur Jónsson.
Skilar tillögum til menntamálaráðherra.
4. Nefnd um leikskólalög
Starfslok skv. erindisbréfi janúarlok 2007
(frumvarp), áfangaskýrsla október 2006.
Fulltrúar KÍ: Björg Bjarnadóttir, Marta
D. Sigurðardóttir, áheyrnarfulltrúi KÍ/
grsk. Valgerður Eiríksdóttir.
Heildarendurskoðun á lögum nr. 78/1994
með síðari breytingum, frumvarp með
hliðsjón af niðurstöðum nefnda skv. 10
pkt. samk.
5. Nefnd um grunnskólalög
Starfslok ekki skilgreind í erindisbréfi,
starfað síðan vetur 2006.
Fulltrúar KÍ: Unnar Þór Böðvarsson,
Þórður Árni Hjaltested.
Heildarendurskoðun á lögum nr. 66/1995.
TÍU PUNKTA
SAMKOMULAGIÐ HÁLFU ÁRI SÍÐAR
Hvað er að gerast?