Skólavarðan - 01.09.2006, Blaðsíða 26
26
SKÓLAVARÐAN 6.TBL. 6. ÁRG. 2006
kynningunni sem tekur 5 – 15 mín. Gert er
ráð fyrir að þrjár til fjórar fjölskyldur kynni
verkefni sín í sama tíma.
Fjölskyldurnar hafa einnig kynnt
áhugaverð söfn, áhugaverða staði, áhuga-
mál sín o.fl.
Óþarft er að taka fram að markmið
þessa verkefnis er að gefa foreldrum og
barni tækifæri til áhugaverðs samstarfs þar
sem aðilar sjá hvort annað oft í nýju ljósi.
Einnig gefur þetta foreldrum kost á virkri
þátttöku í skólastarfinu.
Námsmat foreldra
Nemendur fara heim með sérstök verkefni,
t.d. upprifjun í stærðfræði. Meðfylgjandi
er matsblað fyrir foreldra þar sem markmið
verkefnisins eru skilgreind. Foreldrar eru
beðnir að meta hvort og hversu vel börn
þeirra standast einstök markmið og skrá
mat sitt í kvarðann.
Kvarðinn er sá sami og kennarar styðjast
við í skólanum.
Markmið þessa verkefnis er að gera
foreldrum kleift að sjá barn sitt með
augum kennara. Væntanlega eykur þetta
skilning foreldra á stöðu barna sinna og
gerir þá betur í stakk búna til að taka
þátt í umræðum um nám þeirra. Gert
er ráð fyrir að mat foreldra og sjálfsmat
nemenda hafi áhrif í heildarmati á náms-
árangri nemenda.
Gullkorn
Einu sinni í viku fá nemendur sérstök kort,
svokölluð gullkorn, þar sem kennarinn
hefur skrifað eitthvað jákvætt sem
nemandinn hefur gert í vikunni. Það gæti
verið setningar eins og „Jón var duglegur
að hjálpa félaga sínum í stærðfræði“ eða
„Guðrún las heila bók í vikunni“. Setningin
er skrifuð með gullpenna. Kortið er sett í
sérstaka plastvasa sem festir hafa verið
utan á skólatöskur barnanna.
Markmið gullkornanna er að leggja
áherslu á það sem vel gengur, að sýna
foreldrum að kennarinn sér það jákvæða í
fari barns þeirra, að gefa foreldrum kost á
að fylgjast með starfi barna sinna.
Morgunkaffi
Einu sinni á önn bjóða nemendur foreldr-
um sínum í morgunkaffi í kennslustofunni
í upphafi skóladags. Þar bjóða nemendur
foreldrum sínum upp á brauð eða kökur
sem þeir hafa bakað en kennarinn gefur
kaffi. Þarna gefst nemendum tækifæri til
að sýna foreldrum sínum vinnuna sína og
foreldrar geta spjallað saman. Einnig hefur
tækifærið verið nýtt til þess að syngja lag
sem nemendur hafa lært í tónmennt eða
kynna önnur verkefni.
Öll hafa þessi verkefni vakið almenna
hrifningu meðal foreldra og nemenda
og þátttaka orðið 100%. Það hefur vakið
athygli að feður hafa tekið mikinn þátt
í heimaverkefni fjölskyldunnar. Gott
andrúmsloft, vinsemd og traust einkennir
samstarf kennara, nemenda og foreldra
í þeim bekkjum sem unnið hafa með
verkefnið Allir í sama liði og er þar fyrst og
fremst að þakka áhugasömum og hæfum
kennurum.
Nanna Kristín Christiansen
Höfundur er verkefnisstjóri Allir í sama liði.
Heimildir
Aanderaa, B. 1996. Barnehage- og
småskoleutvikling - for familiens skyld. Sammen
með familien. Arbeid i partnerskap með barn og
familier (ritstj. M. Sandbæk og G. Tveiten), bls.
213-227. Oslo, Kommuneforlaget AS.
Aðalnámskrá grunnskóla - almennur hluti. 1999.
Reykjavík, menntamálaráðuneytið.
Lög um grunnskóla nr. 66/1995.
Nanna Kr. Christiansen. 2005. Faglegt hlutverk
kennara í foreldrasamstarfi. Kennaraháskóli
Íslands. [Óprentuð M.Ed. ritgerð].
FORELDRASAMSTARF