Skólavarðan - 01.09.2007, Qupperneq 20
20
VONARSJÓÐUR
SKÓLAVARÐAN 6.TBL. 7. ÁRG. 2007
Edda Pétursdóttir er formaður Verk-
efna- og námsstyrkjasjóðs, sem margir
grunnskólakennarar þekkja eflaust
betur undir heitinu Vonarsjóður. Stjórn
sjóðsins fór nýverið yfir viðmiðunar-
reglur og nokkrar breytingar litu dagsins
ljós sem sagt er frá hér að neðan og
hafa ýmist þegar tekið gildi eða gilda
frá 1. janúar 2008. Vonarsjóður fær frá
vinnuveitanda sem samsvarar 1,72%
af föstum dagvinnulaunum félags-
manna Félags grunnskólakennara og
Skólastjórafélags Íslands.
Nýverið hætti starfsmaður sjóðsins,
Margrét Helgadóttir, störfum hjá Kennara-
sambandinu en Margrét sinnti líka Vísinda-
sjóði Félags leikskólakennara. Að sögn Eddu
er þetta mikil breyting þar sem Margrét
þekkir allt út og inn í þessu margþætta
og oft og tíðum flókna starfsumhverfi.
En maður kemur í manns stað. Nú sinna
tveir starfsmenn báðum sjóðunum og
sjúkrasjóði að auki, þær María Norðdahl
og Sigrún Harðardóttir. Ásta St. Eiríksdóttir
sér um sjóðgreiðslur til félagsmanna.
Í stjórn Vonarsjóðs sitja tveir frá Félagi
grunnskólakennara, einn frá Skóla-
stjórafélagi Íslands og tveir frá Sambandi
íslenskra sveitarfélaga. Borið hefur á því
að félagsmenn telji að forgangsröðun sé
til staðar hjá Vonarsjóði, þ.e. að eitt nám
sé styrkt öðru fremur. Svo er ekki. Hins
vegar er að hluta til forgangsröðun hjá
Námsleyfasjóði sveitarfélaganna og er
hún kynnt hverju sinni.
Vonarsjóður er með sex
styrkveitingaflokka:
1. Námslaun
2. Starfsmenntunarstyrkir
3. Styrkir vegna náms- og kynnisferða
hópa
4. Styrkir til framhaldsnáms
5. Styrkir til rannsókna- og þróunar-
verkefna
6. Styrkir til aðildarfélaga, svæðafélaga
og sérfélaga til að halda ráðstefnur,
námskeið, fræðslufundi og fyrirlestra
Námslaun
„Það er oft erfitt að meta hver skuli
hljóta námslaun,“ segir Edda Pétursdóttir,
aðspurð um þetta eilífa bitbein kennara
um hver fær og hver ekki, enda mikið í
húfi fyrir umsækjendur. „Í þessum hluta
styrkveitinga kemur sú staða oft upp að
hafna þarf hæfum umsækjendum. Við
höfum tiltekinn viðmiðunarramma, svo
sem að umsækjandi verður að hafa tíu ára
starfsreynslu og að námið skuli vera fullt
háskólanám sem nýtist í núverandi starfi
eða öðru starfi innan grunnskólakerfisins.
Þessar og aðrar reglur er allar að finna á
vef KÍ. Á hverju ári berast að meðaltali 180
umsóknir um námslaun og undanfarin
fimm ár hefur sjóðurinn styrkt u.þ.b. 20
manns til náms árlega. Árin 2005 og 2006
fengu fleiri námslaun en vanalega, eða 35
fyrra árið og 37 seinna árið, vegna þess að
þá var verið að nota uppsafnað fé. Í fyrra
fengu 20 manns námslaun. Þetta er eins og
ég sagði vandmeðfarið af því að það er ekki
hægt að grisja út nema örfáar umsóknir,
hinar falla allar undir viðmiðunarreglur.
Mikil áhersla er lögð á að námið tengist
því sem viðkomandi er að fást við í
vinnunni og þetta atriði vegur oft þungt.
Við spyrjum hvernig námið tengist starfi
umsækjanda og skólasamfélaginu og svo
grandskoðum við umsóknina með tilliti til
rökstuðnings. Það vegur líka þungt ef fólk
er þegar byrjað í námi og hyggst ljúka því
á námslaunatímanum. Að þessu ferli loknu
eru kannski enn um 50 umsóknir eftir.
Þá skoðum við starfstíma og hvort sótt
hefur verið um áður. Í lokin reynum við
svo að hafa sem fjölbreyttasta dreifingu
á því námi sem styrkt er.“ Engin breyting
varð á reglum um námslaun þegar stjórn
Vonarsjóðs yfirfór viðmiðunarreglur.
Starfsmenntunarstyrkir
Ein breyting: Styrkurinn hækkar frá og
með 1. janúar 2008 úr kr. 90 þúsund í
kr. 120 þúsund. Styrkurinn spannar tvö
ár eins og verið hefur. Einnig má nefna
að leiðbeinendur geta sótt um styrk til
grunnnámsins í sinn starfsmenntunarhluta
og þannig fengið a.m.k. skólagjöldin
greidd.
Styrkir vegna náms- og
kynnisferða hópa
Ein breyting: Með hækkun styrkja til fram-
haldsnáms og starfsmenntunar þurfti að
skera niður annars staðar. Frá og með
2008 hafa skólar kost á að fara í náms-
og kynnisferðir á fjögurra ára fresti í
stað þriggja áður. Úthlutað er á tveggja
mánaða fresti í stað tvisvar á ári.
Styrkir til framhaldsnáms
Félagsmenn sækja mikið í þennan styrk-
hluta og hér eru tvær breytingar á ferðinni.
Í fyrsta lagi var ákveðið að hækka styrki
til framhaldsnámsins og tók ný regla um
styrkupphæðir gildi í upphafi haustannar.
Þetta var ákveðið vegna þess að mikil
aukning eru á umsóknum um þessa styrki.
Þá er ljóst að margir félagsmenn eru í
námi samhliða kennslu og ef til vill skertu
starfshlutfalli eða taka ekki að sér yfirvinnu
meðan á námi stendur. Styrkurinn kemur
því örugglega í góðar þarfir. Til þess að fá
styrk af þessu tagi þarf fólk að taka a.m.k.
tíu eininga nám á skólaárinu. Upphæðin
hækkar með fleiri einingum. Í öðru lagi
bættist nýr liður við úthlutunarreglur
um styrki til framhaldsnáms. Það er
c-liður en þar segir: „Til að fá styrk til
framhaldsnáms þarf umsækjandi að hafa
átt aðild að sjóðnum í a.m.k. eitt ár áður
en til úthlutunar kemur.“
Styrkir til rannsókna- og
þróunarverkefna
Engin breyting en umsækjendur kynni
sér viðmiðunarreglur vel áður en sótt er
um og rétt að árétta að ekki eru veittir
styrkir til tækjakaupa, efniskostnaðar
fyrir nemendur eða aukins kennslukvóta.
Námsefnisgerð er heldur ekki styrkt.
Styrkir til aðildarfélaga,
svæðafélaga og sérfélaga til
að halda ráðstefnur, námskeið,
fræðslufundi og fyrirlestra
Ein breyting: Ráðstefnur eru líka styrktar
(auk námskeiða) þar sem það færist í
aukana að sérfélög innan KÍ velja að halda
fremur ráðstefnur en námskeið.
Ekki tilgangurinn að
safna digrum sjóði
„Það er auðvitað þannig að aldrei eru
allir sáttir við breytingar. Allar tillögur
um hvað betur megi fara eru vel þegnar.
Undanfarin ár hefur stjórnin fengið
ýmsar ábendingar og m.a. þess vegna var
farið í þessa endurskoðun. Það er ekki
tilgangurinn að safna digrum sjóði,“ segir
Edda að lokum. „En sjóðurinn þarf að
eiga fyrir skuldbindingum frá ári til árs.
Það má gjarnan ítreka að mikil áhersla er
lögð á að allir styrkir sem veittir eru nýtist
skólasamfélaginu í sinni margbreytilegustu
mynd.“
Á www.ki.is eru allar upplýsingar um sjóðinn
svo sem vinnureglur fyrir hvern hluta og
umsóknareyðublöð.
keg
Styrkir til framhaldsnáms og starfsmenntunar
hækka en hópferðir styrktar fjórða hvert ár
Edda Pétursdóttir
Lj
ó
sm
y
n
d
f
rá
E
d
d
u
P
é
tu
rs
d
ó
tt
u
r