Skólavarðan - 01.04.2001, Blaðsíða 15
sumarnámskeið og þátttaka verður örugg-
lega minni í sumar en í fyrra vegna breyt-
inga á starfstíma skóla. Skólar eiga að búa
til símenntunaráætlanir sem kennarar fara
að vinna eftir í fyrsta lagi í haust og því lík-
legt að þeir sitji af sér sumarið hvað þetta
varðar. Stór hluti þeirra námskeiða sem
fengu styrk verða því ekki haldin og þá
dettur fjármagnið dautt niður. Hættan er
að þetta dragi mjög úr fjölbreytni í náms-
framboði þar sem stofnanir munu ekki aug-
lýsa að ári námskeið sem ekki fékkst næg
þátttaka í þetta árið.“
Kennarasambandið á að
stýra þróuninni
Andrés hefur mótaðar hugmyndir um
hvernig takast megi að snúa þessari þróun
við og telur lykilatriði að samtök kennara
sjálfra taki ábyrgð á skipulagi símenntunar
til dæmis í samráði við Símenntunarstofnun
KHÍ. Hugmyndir hans ganga í stuttu máli
út á að Símenntunarstofnun sendi skólum
upplýsingar um nýjungar og hugmyndir í
námskeiðum eða fræðslufundum. Skólar
geri sjálfir óska- og þarfagreiningu í kjölfar-
ið og sendi stofnuninni til baka, sem síðan
geri nánari tillögur um form og innihald og
sendi skólunum. Þá er unnt að skipuleggja
starfstíma og stundaskrá kennara út frá
þessu. „Þessi þjónusta Símenntunarstofn-
unar yrði til að byrja með ekki verðlögð,
heldur myndi stéttarfélagið ásamt samtök-
um sveitarfélaga fjármagna hana. Að mínu
mati ætti Kennarasambandið að bera
ábyrgð á þessu ásamt sínum viðsemjendum
en forystan lægi óskoruð hjá KÍ,“ segir
Andrés.
„Hugmyndir og aðferðir sem við höfum
beitt í símenntun eru á hverfanda hveli.
Kennarar hafa fram til þessa hugsað um sí-
menntun sem námskeið en hún getur verið
svo margt annað, bæði formleg og óform-
leg. Sumarnámskeið hafa þann kost að þau
þjóna sem samskiptavettvangur fyrir marga
skóla víðsvegar um landið og þetta mun
detta út, en auðvitað kemur annað í stað-
inn. Landshlutaþing hafa að nokkru mætt
þessari þörf en að auki munu koma til æ
fleiri ráðstefnur og málþing hvers konar.
Þeim mun fjölga hægt en örugglega. Þegar
jafnmiklar breytingar verða og nú er að
gerast er nauðsynlegt að grípa strax inn í og
stýra þróuninni,“ segir Andrés. „Ef það er
ekki gert munu skólar kaupa handahófs-
kennt það sem aðvífandi sölumenn bjóða
fram. Grunnskólakennarar missa þá tengsl-
in við menntastofnanir kennara og sí-
menntun verður að mestu ýmist í höndum
sölumanna á almennum markaði eða að
skólar leita til kollega sem vitað er að hafa
sérþekkingu á einhverju sviði. Hlaðborðið
verður svo fátæklegt að menn freistast til að
taka það sem býðst. Mikið er í húfi og
nauðsynlegt að vel takist til, þess vegna
mega kennarar ekki missa þennan þátt úr
höndunum á sér og yfir til annarra,“ segir
Andrés að lokum.
Námsframboð margfaldast
Ingvar Sigurgeirsson er deildarforseti
framhaldsdeildar Kennaraháskóla Íslands
ásamt því að vera prófessor við skólann.
Hann segir framhaldsdeildina vera í mikl-
um vexti og námsframboð að margfaldast.
Hvernig stendur á þessu? „Breytingar í
skólakerfinu krefjast samsvarandi breytinga
á framhaldsmenntun,“ segir Ingvar. „Milli-
stjórnendum fjölgar og mikil gerjun er í
kennslufræðum. Einnig má nefna að leik-
skólakennarar sýna framhaldsnámi mjög
mikinn áhuga og eru hlutfallslega flestir
meðal umsækjenda. Vaxandi þróunarstarf í
skólum kallar á að Kennaraháskólinn sinni
frumkvöðlahlutverki, til dæmis á sviði upp-
lýsingatækni og ekki má gleyma áhrifum
nýrrar aðalnámskrár og nýs kjarasamnings.
Við bjóðum nú þrenns konar framhalds-
nám á fjölmörgum sviðum, Dipl.Ed.-nám
sem tekur eitt ár til tvö ár með starfi,
M.Ed.-nám og loks doktorsnám, en til-
koma þess markar tímamót í framhalds-
námi kennara og þroskaþjálfa. Næsta skref
verður svo væntanlega að bjóða M.A. og
M.S. nám og keppikefli er að bjóða al-
mennt framhaldsnám hvort heldur er sem
staðnám eða fjarnám að vali þátttakenda,“
segir Ingvar.
Námsmöguleikar við framhaldsdeild
KHÍ eru vissulega fjölbreyttir en að sögn
Ingvars hafa umsóknir hins vegar verið
bundnar við of fáar námsleiðir. „Fjórar
námsbrautir eru vinsælastar í ár en það eru
sérkennslufræði, stjórnun, upplýsingatækni
og loks M.Ed.-námið. Ástæður eru nokkr-
ar, meðal annars höfum við líklega ekki
kynnt aðrar námsbrautir nógu vel. Upplýs-
ingatækni er vinsæl núna, við erum með
sterkan kennarahóp bæði þar og í stjórnun
og sérkennslu auk þess sem löng og góð
reynsla er komin af sérkennslunáminu.
Hvað varðar M.Ed.-námið eru þar aðallega
umsækjendur sem sóttu svokallaða opna
námsbraut í fyrra og vilja halda áfram.Ein-
Framhaldsmenntun
19
Andrés: Þegar jafnmiklar
breytingar verða og nú er
að gerast er nauðsynlegt
að grípa strax inn í og
stýra þróuninni. Ef það
er ekki gert munu skólar
kaupa handahófskennt
það sem aðvífandi sölu-
menn bjóða fram.