Skólavarðan - 01.04.2003, Síða 5

Ges
task
r i f6
með ummælum um óviðeigandi notkun textaskeyta. Í þessum efn-
um eins og mörgum öðrum sjá sumir ógn en aðrir tækifæri. Þannig
hefur Sverrir Páll Erlendsson, kennari við Menntaskólann á Akur-
eyri, unnið að þróunarverkefni þar sem farsímar eru notaðir við
kennslu.
Sverrir Páll sagði nýlega í Morgunblaðsviðtali að töluverð til-
hneiging hefði verið í upphafi að banna farsíma. Hann hefði hins
vegar ekki getað sætt sig við það og verið sannfærður um að það
hlyti að vera hægt að „nota þessi tæki til annars en að rabba þarf-
leysu og sóa tíma sínum, eins og sagt var að GSM-krakkarnir
gerðu.“ Sverrir Páll bendir á að farsími sé ekkert annað en tölva -
reyndar mjög öflug lófatölva og segir niðurstöðu af tilraunum sín-
um í MA að farsímar geti komið að gagni við kennslu og nám.
„Þeir eru hentugir til samskipta nemenda sem eru að vinna saman,
þeir eru hentugir fyrir kennara í samskiptum þeirra við nemendur,
meðal annars þegar senda þarf skilaboð eða fyrirmæli sem eiga að
berast strax, svo og milli nemenda eða milli kennara innbyrðis. Þeir
eru hentugir til dæmis fyrir skólayfirvöld og skrifstofur skólanna til
að koma fyrirvaralaust tilkynningum til nemenda. Þeir henta til alls
kyns hópvinnu sem jaðartæki með tölvupósti og til þess gerðum
spjall- og ráðstefnuforritum.“
„Hnignun“ málsins - hvort heldur það er enska, íslenska eða eitt-
hvert annað tungumál - er stöðugt áhyggjuefni margra skólamanna
og annarra sem telja að hófleg íhaldssemi sé af hinu góða í þessum
efnum. Margir kenna hins vegar SMS og tölvupósti um lakari ár-
angur nemenda í stafsetningu og málfræði og telja sig sjá þess
dæmi að málfari hnigni jafnvel meðal þeirra sem eru í háskólanámi.
Hingað til virðast flestir hafa horft á SMS sem skemmtilega lausn
ungs fólks sem aðlagar mál sitt að helsta samskiptatæki nútímans,
farsímanum. Þessi ágæti gripur býður aðeins upp á 160 stafi eða
tákn og því þróaði unga fólkið hægt og bítandi SMS styttingarmál-
ið. Gamanið fer hins vegar að kárna þegar móðurmálskennarar
reka upp ramakvein og sjá þess merki að ef til vill er auðveldara í
augum notendanna að nota þetta rúnaletur nútímans en hefðbund-
ið ritmál - styttra, þjálla, fljótlegra. Er það ef til vill málið?
Gunnar Salvarsson
Dagana 3. - 6. september verður
haldin ráðstefna í Glasgow á veg-
um alþjóðlegu samtakanna E-
uropean Early Childhood Ed-
ucation Research Association
(EECERA). Samtökin halda ráð-
stefnur sínar ár hvert, víða um
heim, og er þessi sú þrettánda í
röðinni. Hún ber yfirskriftina
Possible Childhoods: relationships
and choices, en þetta er jafnframt
meginviðfangsefni ráðstefnunnar.
Meðal annars verða eftirfarandi spurn-
ingar til umræðu: Hvernig er að vera
barn í samtímanum? Eru börn sýnileg í
samfélögum samtímans? Hver eru rétt-
indi og skyldur hlutaðeigandi í umönnun
og menntun ungra barna, þ.e. barnanna
sjálfra, foreldra, kennara og annarra upp-
eldisaðila og stefnumótenda? Hvernig er
hægt að styðja við námshvöt nemenda
þannig að þeir vaxi og dafni, njóti vel-
gengni og verði skapandi einstaklingar í
heimamenningu sinni? Hver eru mikil-
vægustu samböndin (tengslin) í mennt-
un og þroska ungra barna? Fyrirlestra
halda sex prófessorar frá Svíþjóð, Ítalíu,
Bretlandi og Bandaríkjunum.
Ráðstefnugjald er 465 evrur sem þarf
að greiða að hluta í síðasta lagi 15. júní.
Athugið að eftir þann tíma hækkar gjald-
ið í 492 evrur. Hægt er að sækja um styrki
til fararinnar, aðildarfélög KÍ eru með
mismunandi styrkreglur sem hægt er að
kynna sér á heimasíðu KÍ, www.ki.is
Allar nánari upplýsingar um ráðstefn-
una, dagsetningar, hótelbókanir og
skipulag er að finna á vef ráðstefnunnar:
http://www.strath.ac.uk/Departments/
PrimaryEd/eecera/#top
Samtökin EECERA halda einnig úti
vef, slóðin er: www.worc.ac.uk/eecera
Ráðstefna í Skotlandi
Hvernig bernska er möguleg á okkar tímum?