Skólavarðan - 01.04.2003, Blaðsíða 8

þessi form og ræða ekki launin í starfs-
mannasamtölum heldur hafa sérstakan
vettvang fyrir þá umræðu.
Kjarasamningur grunnskólakennara
- starfsmannasamtöl
Nýr kjarasamningur Kennarasambands
Íslands fyrir grunnskóla var gerður 1. janú-
ar 2001 og gildir til 31. mars 2004. Megin-
markmið með nýjum kjarasamningi grunn-
skólakennara er að:
• Auka dreifstýringu svo að hægt verði
að skipuleggja skólastarf út frá forsendum
hvers skóla með það fyrir augum að auka
fjölbreytni í skólastarfi og veita þeim
möguleika til aukins svigrúms til að taka
upp nýja starfshætti.
• Innleiða kerfisbreytingu sem tryggir
nýtt vinnufyrirkomulag og nýja starfshætti
með því að auka svigrúm til kjarabreytinga
sem aftur eykur samkeppnishæfni skólanna
og gerir kennarastarfið eftirsóknarvert.
• Veita starfsmönnum skólanna aukið
umboð til athafna (empowerment) svo að
þeir geti haft meiri áhrif á störf innan skól-
ans og borið ábyrgð á þeim,
undir stjórn skólastjóra.
• Breyta vinnutímaskil-
greiningu kennara.
En hvernig ná aðilar þess-
um markmiðum? Í handbók
með kjarasamningi grunn-
skólakennara er umfjöllun um
starfsmannasamtöl og ef rýnt
er í efnistökin kemur glögg-
lega í ljós að lögð er sérstök
áhersla á að starfsmannasam-
töl verði nauðsynlegur þáttur
eða jafnvel forsenda að skipu-
lagi hvers skólastarfs. Gert er
ráð fyrir tveimur samtölum
sem snúa að skipulagi og und-
irbúningi á nýju skólaári.
Ennfremur er sagt að góð
regla sé að leggja könnun
fyrir kennara áður en að sam-
tali kemur og ekki er skýrt
nánar hvað eigi að kanna.
Rætt er um að skólastjóri eða næsti yfir-
maður kennara taki samtölin og að aðilar
komi vel undirbúnir til leiks, þ.e. þekki til-
gang og markmið starfsmannasamtals. Til-
greint er hvaða þætti beri að leggja áherslu
á og að í fyrra starfsmannasamtalinu sé
lagður nauðsynlegur grunnur að vinnu
kennara fyrir næsta starfsár, svo sem hvaða
námsgreinar og hvaða aldurshópi viðkom-
andi kennari vill kenna. Önnur viðmið sem
lögð eru til grundvallar eru áhugasvið
kennarans og sérstakir hæfileikar sem
geta gefið vísbendingu um til hvaða ann-
arra faglegra starfa innan skólans hann
verður kallaður. Í þessu augnamiði er það í
verkahring yfirmanns að meta hæfni starfs-
manns með tilliti til verkaskiptingar og
færni. Gert er ráð fyrir að starfsmaður og
yfirmaður meti sameiginlega það sem liðið
er og setji sér markmið fyrir næsta tímabil
og lögð er á það áhersla að báðir aðilar láti
í ljós sérstakar óskir sínar.
Ennfremur segir að mikilvægt sé að ræða
hugsanlega samsetningu vinnutíma.
Þegar vinnuskýrsla kennara er tilbúin er
kominn tími á seinna starfsmannasamtal og
þá er farið yfir þá kennslu sem kennara er
ætluð og yfirmaður skilgreinir með starfs-
manni önnur störf sem honum er ætlað að
vinna samkvæmt verkstjórn skólastjóra.
Einnig er ytri rammi vinnuskýrslu ákveð-
inn þar sem báðum aðilum, kennara og
yfirmanni, er ljóst hver ytri rammi vinnu-
skýrslu er hjá hverjum og einum.
Í lokin segir að yfirmaður og kennari
ræði um launalega útfærslu og farið er ná-
kvæmlega yfir það sem lagt er til grund-
vallar við ákvörðun skólastjóra.
Samkvæmt þessum leiðbeiningum má
segja að um tvenns konar fyrirkomulag sé
að ræða. Í fyrsta lagi er lagður grunnur að
vinnu og verkefnum kennara ásamt því að
kanna áhugasvið og hæfileika hans, þættir
sem snúa að starfinu. Í annan stað er
áhersla á launalega útfærslu. Hér er komið
að mjög mikilvægu atriði, launamálum.
Reynsla starfsmannasamtala í vinnuum-
hverfi okkar gefur tilefni til að staldra að-
eins við og hugleiða hvort þetta fyrirkomu-
lag sé vænlegt til árangurs eða ekki. Eins
og áður segir á ekki að blanda saman
launaumræðu og starfsmannasamtölum.
Víða tíðkast að hafa þetta tvennt algerlega
aðskilið og ekkert er því til fyrirstöðu að
svo verði líka meðal kennara. Í fyrra starfs-
mannasamtalinu væri hægt að ræða þá
þætti sem snerta starfið og starfsumhverfi,
Starfsmannasamtöl
9
Gylfi Dalmann Aðalsteinsson
skýrir í þessari grein hvað felst í
starfsmannasamtölum og í fram-
haldi af því skoðar hann sérstak-
lega starfsmannasamtöl eins og
þau birtast í handbók með kjara-
samningi grunnskólakennara.