Skólavarðan - 01.03.2011, Blaðsíða 4
4
Skólavarðan 1.tbl. 2011– formenn spurðir tíðindaSpJÖRUnUm ÚR
Nú eru grunnskólakennarar búnir að vera samningslausir frá því
í júní 2009. Undanfarnar vikur hefur ekkert gengið. Litlar eða
engar viðræður, í besta falli mjög ómarkvissar.
Á meðan er ráðist á lífeyriskerfi ð okkar af ASÍ, stærsta stéttarfélagi
landsins. ICE-SAVE dúkkar upp reglulega, blóðugur niðurskurður í
skólamálum - grínistarnir vilja skera enn meira niður. Snillingarnir sem
keppa í „Frasakeppninni“ vita auðvitað að lausnin er „ að koma hjólum
atvinnulífsins af stað“, „setja grunnþjónustuna í forgang“, „auka
súrefnið í hagkerfi nu“ o.s.frv.
Umræðan er um Evruna, Evrópusambandið, ráðningamál ríkisins,
gjaldeyrishöftin, fi skveiðistjórnunarkerfi ð, laun bankamanna,
stjórnlagaþing, framfærslugrunninn, Nató....
Á meðan eru sumir sveitastjórnamenn að keppa í „Fýlukasti“ og henda
reglulega inn fýlubombum í umræðuna sem virðast bara þjóna þeim
tilgangi að gera kennara og störf þeirra tortryggileg. Ég hugsa að
tuggan um að „kjarasamningurinn standi í vegi fyrir skólaþróun“ toppi
„hjól atvinnulífsins“. Að velta því fyrir sér í fúlustu alvöru að skera enn
meira niður í skólastarfi nu er alveg með ólíkindum. Öll hagfræðileg
rök mæla gegn þessu sem og ráðleggingar þeirra þjóða sem reynslu
hafa af efnahagsþrengingum. Skólakerfi ð er hluti af grunnþjónustu og
þar verður ekki skorið meira niður. (lesist, PUNKTUR). Foreldrar og
starfsfólk skólanna (hluti af kjósendum) krefjast þess að ekki verði
gengið lengra.
Á meðan er ekkert að gerast.
Á meðan hefur Félag grunnskólakennara kynnt afar einföld og
aðgengileg markmið í þessum kjaraviðræðum.
Semja um launalið
Semja til stutts tíma
Semja um réttindamál
Semja um tímasetta verk- og aðgerðaáætlun fyrir næstu samningalotu
Í síðasta kjarasamningi okkar og sveitarfélaganna var skýrt kveðið
á um að við skyldum halda áfram þeirri uppbyggilegu vinnu sem
hófst í aðdraganda síðustu kjarasamninga. Skoða skyldi þá þætti
kjarasamnings sem beint og óbeint hafa áhrif á starfsumhverfi
kennara. Samninganefnd FG hefur sett sér það markmið að þegar
sveitarfélögin eru „tilbúin“ þá muni félagið hella sér í þá vinnu, að
fá umræðu meðal kennara um öll þau mikilvægu mál sem brenna á
stéttinni, sveitarfélögunum og almenningi. Við teljum að þessi vinna
taki að minnsta kosti eitt ár. Ef vel tekst til fáum við efni til að þróa
kjarasamninginn okkar og vinnuumhverfi okkar til hins betra á næstu
árum í sátt við alla. Við viljum ekki lenda í sömu sporum og eftir
samninganna 2001.
Samninganefnd FG skorar á sveitarfélögin að fara nú af krafti í alvöru
viðræður við okkur með ofangreind markmið í huga, til heilla fyrir alla.
Ljúkum kjaraviðræðum sem fyrst svo við getum hafi ð þá vinnu sem
skiptir okkur öll máli. Hættum að eyða dýrmætum tíma í karp og þras
sem engu skilar.
Þegar öllu er á botninn hvolft, þá snýst þetta allt auðvitað bara um að
,,komast upp úr hjólförunum“ og ,,koma hjólum atvinnulífsins af stað“!
Á meðan...
Formaður: Ólafur Loftsson, FG