Skólavarðan - 01.03.2011, Blaðsíða 10

10
Skólavarðan 1.tbl. 2011
„Þurfum að skoða allt
menntakerfið í samhengi“
„Það má segja að verðmiðinn fyrir framhaldsnám hafi verið lækkaður.
Nú er þrengra um allt en samt fara meiri peningar til verknáms eftir
sem áður. Það hefur ekkert breyst í þeim efnum. Framhaldsnámið
fær peninga frá ríkinu samkvæmt ákveðnu reiknilíkani, sem segir að
verknám kosti meiri peninga. Þrátt fyrir sparnað eru þessi hlutföll enn
óbreytt,“ svarar Guðrún Hrefna Guðmundsdóttir, skólameistari Fjöl-
brautaskólans í Breiðholt þegar hún er spurð að því hvort sparnaður
til framhaldsskóla komi verr niður á verknámi en bóknámi. „Það eru
engin rök fyrir því að skera niður verknám frekar en bóknám og ég
hef ekkert heyrt frá ríkinu um það.“ Hún segir það vandamál að færri
útskrifist úr verknámi en bóknámi ekki vera vegna þess að fjármagni sé
ekki veitt til verknáms. „Þetta er einungis vegna þess að nemendur fara
síður í verknám en bóknám. Þarna er fyrst og fremst við tíðarandann
og ríkjandi viðhorf í samfélaginu að sakast sem er mjög alvarlegt. Þetta
gerir það meðal annars að verkum að fjöldi nemenda fer í nám sem
ekki er við hæfi þeirra og það vantar sannanlega orðið fólk í tilteknar
iðngreinar, jafnvel þótt þar séu vellaunuð störf. Fólk hefur bara ekki
menntað sig til þeirra og fyrirtækin þurfa að sækja fólk til útlanda.
Þetta viðhorf er eitthvað sem er rótgróið í íslenskt samfélag, því miður.“
Fjölmennur skóli með mikla breidd
Um 1.500 nemendur stunda nám við Fjölbrautskólann í Breiðholti
sem er elsti fjölbrautaskólinn á Íslandi. Nemendur eru ýmist í bóklegu
námi til stúdentsprófs, verknámi eða listnámi, sem á sér langa sögu
innan skólans og hlotið hefur viðurkenningu listaháskóla innan lands
sem utan. Listnámið má rekja alveg aftur til fyrsta skólameistarans,
Guðmundar Sveinssonar sem setti í námskrá að nemendur skyldu
leggja stund á listir og heimspeki. „Við erum mjög stolt af listnáminu
hér og aðsókn hefur verið góð. Textilbrautin okkar er líka stöðugt að
vaxa og vinsælt að læra fatahönnun. Nemendur héðan hafa státað sig af
því að komast inn í þekkta útlenda listaháskóla. Guðmundur Sveinsson
var mikill skólamaður og nemendur hans bera honum allir vel söguna.
Hér hafa líka verið margir merkir kennarar í gegnum tíðina og þessi
skóli hefur allt frá upphafi haft mikla sérstöðu enda hugmyndafræði
fjölbrautaskólanna sótt hingað.“
Guðrún segir skólann taka við mikilli breidd nemenda. „Við tökum
við nemendum með góða námsgetu og einnig slaka. Við erum með
svo margar mismunandi deildir að námið dreifist mikið í bóklegt
og verklegt. Nemendur raðast inn í deild eftir áhugasviði og þeim
forsendum sem þeir koma með inn í námið. Við erum t.d. hér með
starfsdeild, sem er fyrir nemendur sem ekki hafa forsendur til að fara
í almennt framhaldsnám og eru því í einskonar sérkennslu. Hér eru
bæði verknáms- og bóknámsdeildir til stúdentsprófs. Svo er nýjung
hjá okkur síðan í haust og byggir á lögum frá 2008 en það er nám
til framhaldsskólaprófs. Það er nám fyrir þá sem hafa ekki nægan
undirbúning til að fara í verknám eða bóknám. Þetta er nokkurs konar
undirbúningsnám og því lýkur með prófi sem kallast framhaldsskóla-
próf og er enn í mótun. Hluti af þessu námi verður svo metinn inn í
hefðbundið framhaldsnám.“
Hár meðalaldur nemenda
Aðsókn að Fjölbrautaskólanum í Breiðholti hefur aukist á síðustu árum
og Guðrún, sem hefur verið skólameistari í tvö ár, segir verknámið
Texti og mynd: Haraldur Bjarnason
Guðrún Hrefna Guðmundsdóttir,
skólameistari Fjölbrautaskólans í Breiðholti
Guðrún Hrefna stendur hér framan við
listaverk eftir einn nemenda FB.
„Þessi skóli hefur allt frá upp-
hafi haft mikla sérstöðu enda
hugmyndafræði fjölbrauta-
skólanna sótt hingað.“
„Fjöldi fólks sem lýkur
stúdentsprófi kemur síðan
seinna í verknám“
M
yn
d:
H
ar
al
du
r
Bj
ar
na
so
n
SkóLAStARF