Skólavarðan - 01.03.2011, Blaðsíða 17
17
Skólavarðan 1.tbl. 2011SkóLAStARF
Akureyrarbær ákvað að allir leikskólar innleiddu agastefnu og það
líður að því að skrifa þurfi nýjar skólanámskrár samkvæmt nýrri og
stórbreyttri Aðalnámskrá. Allt þetta ber okkur að gera þrátt fyrir að
vera með 90% kennsluskyldu, ekki er sett inn aukafjármagn eða
sveigjanleiki til að skapa tíma til þessarra starfa. Sífellt er verið að
bæta á okkur vinnu sem við eigum að sinna utan kennsluskyldunnar,
þ.e. í okkar undirbúningstíma. Leikskólakennarar hafa áhyggjur af því
að komast ekki yfir allt sem þeim ber að gera, með einungis 4-5 tíma
undirbúning á viku. Til viðbótar skipuleggjum við allt starf, gerum
kennsluáætlanir og verkefni innan og utan leikskólans ásamt því að
sinna öllu foreldrasamstarfi. Því miður fellur undirbúningur allt of oft
niður, sökum manneklu. Ef áfram heldur sem horfir hlýtur það að bitna
á starfinu með börnunum. Auðvitað viljum við sinna þessum verk-
efnum, efla fagmennsku og gangsæi eins og hægt er en við verðum að
hafa tíma til þess svo verkefnin verði vel unnin.
Foreldrarnir virðast ánægðir
Ekki heyrist mikið frá foreldrum á Akureyri varðandi þessi mál að
mati Hönnu Berglindar og í skoðanakönnunum undanfarinna ára segir
hún að komið hafi fram almenn ánægja þeirra og foreldrarnir segi að
börnunum líði vel. Þeir virðist því sáttir við þá þjónustu sem þeir hafi
fengið hingað til. „Þess vegna er mikilvægt að halda þessum gæðum.
Við þurfum að vernda störfin, í leikskólunum til að halda gæðunum og
fagmennskunni á lofti, það er gríðalega mikilvægt, leikskólinn er jú
fyrsta skólastigið. Hann er „viðbótaruppeldisaðili,“ eins og stendur í
aðalnámskránni, ef við látum þetta frá okkur þá förum við tugi ára
aftur í tímann þegar leikskólar sinntu aðallega gæsluhlutverki. Það
megum við ekki láta gerast.“
Leikskólastjórum má ekki fækka
Hanna Berglind segir að í leikskólum landsins fari fram mjög metn-
aðarfullt starf þar sem leikskólakennarar og leikskólatjórastjórar séu í
broddi fylkingar. Þetta fólk sé að efla og þróa starfið ár frá ári. „Inn í
leikskólunum verður til mestur hluti þess kennsluefnis sem leikskól-
arnir nota, engri stofnun ber lögum samkvæmt að gefa út námsefni
fyrir þetta skólastig. Því er kennsluefnisgerð í höndum leikskólanna
sjálfra. Eflaust á kennsluefni eftir að aukast nú þegar leikskólakenna-
ranámið er komið á meistarastig og orðið fimm ár. Eins verða til mun
fleiri íslenskar rannsóknir sem við getum byggt starfið okkar á. Til að
fólk sé tilbúið að leggja á sig fimm ára nám, þarf það að fá mannsæm-
andi laun. Að sama skapi þurfum við sem erum í starfinu í dag að fá
vinnuna okkar metna að verðleikum. Við höldum áfram að missa fram-
úrskarandi fólk úr stéttinni með mikla þekkingu og reynslu á bakinu ef
við snúum ekki vörn í sókn og förum fram á verulega leiðréttingu
launa. Öll sú metnaðarfulla vinna, öll sú þróun sem til er og öll fag-
mennskan sem einkennir leikskólastarfið er í verulegri hættu ef fram
heldur sem horfir. Leikskólastjórarnir halda utan um faglegt starf leik-
skólanna og halda utan um vinnustaðinn dag frá degi, þar sem í mörgu
er að snúast. Ég óttast mjög um hag leikskólanna ef leikskólastjórunum
fækkar. Stjórnun leikskóla er með mörgum hætti ólík stjórnun annarra
skólastiga því tel ég það grundvallaratriði að stjórnun þeirra sé í höndum
leikskólastjóra.
Hanna Berglind við störf á
leikskólanum Síðuseli á Akureyri.
Þegar þessar myndir voru teknar var
náttfatadagur hjá börnunum.
„Til að fólk sé tilbúið að leggja á
sig fimm ára nám, þarf það að fá
mannsæmandi laun“