Skólavarðan - 01.03.2011, Blaðsíða 19

19
Skólavarðan 1.tbl. 2011SkóLAStARF
erindi til menntamálanefndar þar sem óskað var eftir fundi til að
ræða fyrirhugaðan sparnað. Þá kom menntamálaráðherra í heimsókn
í skólann í kjölfarið. „Ráðherra kom hingað með fríðu föruneyti og
það var mjög góð heimsókn. Við vitum auðvitað ekki hvort eitthvað
kom út úr þessari heimsókn en hópurinn skoðaði skólann og fékk að
vita um það sem hér væri boðið upp á. Þetta var þægilegt spjall og ég
var mjög ánægður með ráðherra og ráðuneytisfólk. Við vorum ekki
að ræða þennan skóla hér endilega heldur bara framhaldsnám yfi rleitt.
Til dæmis það að þar sem bóknámsskólar eru settir niður þar fækkar
nemendum í iðn- og starfsnámi. Þetta sjáum við hér á Vesturlandi.“
Í ályktun sem Kennarafélag FVA sendi þingmönnum og ráðherrum
Norðvesturkjördæmis í haust er harðlega mótmælt fyrirhuguðum niður-
skurði hjá fjársveltum ríkisstofnunum sem setta höfðu verið fram. Þar
segir að þessar hugmyndir bitni illa á framhaldsskólunum sem alltaf
hafi borið skarðan hlut frá borði í fjárlögum síðustur áratuga. Að fara
fram á frekari niðurskurð sé líkt og að biðja sköllótan mann að gefa
hár. Þá segir m.a. í ályktuninni að í kjölfar bankahruns og peningaæðis,
þar sem þykjusturíkidæmi brann upp á einni nóttu, sér rétt að minna á
að sú innistæða sem ríki á í vel mentuðum þegnum rýrni aldrei.
Kjaraskerðing kennara er ekki það versta
Í erindi sem deildarstjórana í málmiðgreinum, rafi ðngreinum og
bygginga- og mannvirkjagerð í FVA sendu menntamálanefnd síðasta
haust benda þeir á að niðurskurður til skólans frá árinu 2007 hafi
verið mjög mikill og ef áform um 8,4% niðurskurð gangi eftir sé hann
orðinn 22% að raungildi frá árinu 2007. Deildarstjórarnir benda á að
í Fjölbrautaskóla Vesturlands á Akranesi séu þrjár iðnbrautir eftir sem
verði að vernda. Aðrar starfsmenntabrautir (sjúkraliðabraut, tölvu-
braut og meistaraskóli) hafi verið lagðar niður a.m.k. tímabundið. Á
mjög stuttum tíma hafi nokkrum greinum verið hætt í nafni sparnaðar
s.s helgarnámi fyrir húsasmiði, kvöld- og helgarnámi vélvirkja og sér-
greinum á sjúkraliða-og tölvubraut.
Sigurgeir segir að auðvitað hafi kennarar tekið á sig kjaraskerðingu en
það sé ekki eina stóra málið í þessu samhengi. Þeir hafi einnig áhyggjur
af minnkandi námsframboði og skertri þjónustu við nemendur.
Fjölbrautaskóli Vesturlands á Akranesi
SEF
Umsóknarfrestur um eftirfarandi styrki er til 30. apríl og 31. október
- Fræðslufundir hjá fagfélögum
- Námskeið og fyrirlestrar í skólum
- Námskeiðsstyrkir til einstaklinga
- Styrkir til fagfélaga vegna ferða á ráðstefnur
Minnum á ölbreytt framboð sumarnámskeiða.
Framhaldsskólakennarar !
Upplýsingar á vefnum endurmenntun.is/framhaldsskolakennarar
og í síma 525 4444. Fagfélög framhaldsskólakennara veita einnig upplýsingar.