Þjóðmál - 01.03.2014, Blaðsíða 40

Þjóðmál voR 2014 39
uðum SMS­skilaboðum, sem kæmi þeim
boðum til þess leigubíls, sem væri næstur
þeim stað, sem farþeginn væri á, og væri
að fara á svipaðar slóðir og væntanlegur
farþegi . Höfuðtölvan kæmi boðum í tölvu
í viðkomandi leigubíl, sem myndi staðfesta
við farþegann hvenær hann kæmi til hans .
Leigubíllinn tæki upp alla farþega, sem
væru á svipaðri leið og þeir myndu deila
ferða kostnaði með farþegum sem fyrir
væru .
Tölvan í leigubílnum reiknaði kostnað
hvers farþega og kostnaður þess farþega
sem lengst færi lækkaði stöðugt efir því hve
margir aðrir farþegar deildu með hon um
akstrinum . Fargjaldið færðist síðan sjálf­
krafa á kreditkort farþeganna .
Aðalatriðið er að ferðakostnaður þarf að
verða töluvert lægri en ef viðkomandi far­
þegi notaði einkabíl . Að ferðalokum fengi
farþeginn kvittun, sem sýndi fargjaldið
og einnig hver kostnaðurinn hefði orðið
ef einkabíll væri notaður til samanburðar .
Gallinn er hins vegar sá að kostnaður við
notkun einkabíls er aldrei reiknaður .
Allir leigubílarnir yrðu í eins litum og
myndu setja sérstakan svip á borgar brag inn .
Í framtíðinni væri hægt að nota raf magns­
bíla eingöngu .
Leigubílarnir yrðu einkaeign leigubíl stjóra
eins og gerist í dag . Miklu meiri atvinna og
tekjur yrðu hjá leigubílstjórum með þessu
skipulagi .
Á þennan hátt nýttist leigubíllinn og
bílstjóri hans mun betur allan daginn
og þörf á bílastæðum stórminnkaði . Ef
þessir leigubílar yrðu vinsælir og notaðir í
stórum stíl gæti þetta skipulag sparað marga
milljarða króna árlega og allt að 20–40
þúsund bíla .
Þetta skipulag yrði án mikils kostnaðar
fyrir borgina . Engar meiriháttar fjár fest­
ingar eru nauðsynlegar . Mesti kostn aður ­
inn yrði í bifreiðunum, en hann myndu
leigubílstjórarnir greiða og fá endur greidd­
an í rekstrinum .
Einhver stofn kostn aður yrði við tölvukerfi
en hann gætu leigubílstjórarnir yfirtekið
síðar . Það eina sem borgin þyrfti að gera
væri að semja almennar reglur um þessa
starfsemi og fylgja þeim eftir svo að kerfið
virkaði sem best . Tölvufyrirtæki myndu
keppast um að hanna sem skilvirkastan og
ódýrastan hugbúnað fyrir þessa starfsemi .
Menn gætu ferðast óháðir um borgina
í stað þess að vera alltaf bundnir við eigin
bíl, leitandi að bílastæðum og greiðandi í
stöðumæla .
Nauðsynlegt er að reikna út heildarkostn­
að við bílaumferðina . Hvað kosta bílar,
vegir, götur, eldsneyti, bílastæði, umferðar­
tími o .s .frv? Þetta er gífurlegur kostnaður,
sem býður upp á marga möguleika til
sparnaðar (tekjuaukningar) .
Þetta er aðeins hugmynd, sem varpað er
hér fram . Hún hefur ekki verið reiknuð út
og óvíst er hvort nægilega öflugir aðilar séu
gæddir atorku og áræði til að hrinda henni í
framkvæmd, þótt til mikils sé að vinna .
En það sakar ekki að hugmyndin liggi
fyrir ef eitthvað skyldi breytast .
Allir leigubílarnir yrðu í eins litum og myndu setja
sérstakan svip á borgar braginn .
Í framtíðinni yrði hægt að nota
raf magns bíla eingöngu . . . Ef
þessir leigubílar yrðu vinsælir og
notaðir í stórum stíl gæti þetta
skipulag sparað marga milljarða
króna árlega og allt að 20–40
þúsund bíla .