Þjóðmál - 01.03.2014, Blaðsíða 89
88 Þjóðmál voR 2014
saman út heilt kjörtímabil, sem var sjálfstætt
markmið, án tilgangs . Fróðlegar eru frásagnir
utanríkisráðherrans af átökum sínum við
einstaka ráðherra, einkum ráðherra fjármála,
þegar honum þótti naumt skammtað til
sinna málefna . Hótanir um stjórnarslit eru
svo margar að undrun sætir .
Árið 2012 var ár drekans samkvæmt
kínversku tímatali; en árið var líka ár
Ólafs Ragnars Grímssonar, forseta Íslands .
Kannski er Ólafur Ragnar drekinn, sem
árið vísar til í nafngift bókarinnar? En hvað
sem slíkri vangaveltu líður var árið 2012
viðburðaríkt í lífi Ólafs Ragnars . Hann gerir
það sem fæstir hefðu búist við; að bjóða sig
fram til forsetaembættis í fimmta sinnið .
Auðvitað dylst engum að Ólafur Ragnar
kann því vel að vera innan um fyrirfólk og
valdamenn heimsins og á þeim vettvangi
kann hann til verka . Honum hafði auðnast
að rísa upp úr mykjuhaugnum, sem hann
hafði dottið í eftir bankafallið og endurreisa
traust og tiltrú þjóðarinnar í sinn garð .
Þeirri endurreisn réðu pólitískar aðstæður
og tilviljanir og slíkar kringumstæður kann
Ólafur Ragnar að nýta sér í hag . Icesave
deilan kom eins og himnasending inn í líf
hans og eftirleikinn þekkja allir landsmenn
og óþarft að rekja hér . En Ólafur Ragnar
verður frekur til fjörsins á ári drekans,
eftir að hafa lagt að velli „frambjóðanda
Samfylkingarinnar“ í hörðum kosningaslag,
þar sem oddvitar ríkisstjórnarinnar hugs
uðu honum þegjandi þörfina og töldu
sig hafa harma að hefna eftir tvær þjóðar
atkvæða greiðslur vegna Icesave . Nú mátti
ríkis stjórnin fara að vara sig . Lýsingar
dag bókarhöfundar á ríkisráðsfundunum
30 . ágúst og 31 . desember 2012, þar sem
forsetinn lætur gamminn geisa og skammar
ríkisstjórnina eins og hver önnur óknytta
börn, eru tær snilld og án hliðstæðu, enda
má segja að Ólafur Ragnar hafi verið að tala
þar á gamalkunnum heimavelli . Þessar tvær
Þegar Jóhanna [Sigurðardóttir] flytur ræðu sína [á flokksstjórnarfund
inum] er þó annað hljóð í strokknum .
Ræðan verður að „bunker“ræðu eins og
hún sé leiðtogi flokks í herkví . Sigurinn
í þjóðaratkvæðagreiðslunni fyrir sléttri
viku, hreinsunarstarfið eftir hrunið,
árangurinn í ESB og aðrir smærri
sigrar hverfa í hávaðann af ræðustefi
sem verður að harðri, klifandi árás á
Sjálfstæðisflokkinn .
Ræðan gengur vel ofan í vinstri
elementin á fundinum . Undir sjónvarps
vélum birtist hins vegar mynd af
herskáum og árásargjörnum flokki sem
skilgreinir andstæðinginn í tætlur en er
ófær um að draga upp skýra mynd af sér
sjálfum og stefnu sinni inn í kosn ingar .
Þetta virkar eins og forysta flokks ins sé
með Sjálfstæðisflokkinn á heil anum .
Fleirum en mér úr flokki þunga
viktarmanna finnst þetta kolröng taktík .
Á vefjunum segja spekingar að Jóhanna
hafi nefnt Sjálfstæðisflokkinn tuttugu
sinnum í ræðu sinni .“
Ár drekans 27 . október, bls . 319
Erfið staða ríkisstjórnarinnar á lokaspretti kjörtímabilsins helgast ekki
síst af því að hún hefur einfaldlega ekki
meirihluta lengur í þinginu .
Ár drekans 30 . nóvember, bls . 346
Samfélagið í þingflokknum hefur aldrei náð sér eftir landsdómsmálið
fyrr á árinu, það var aldrei gert upp í
hópnum, engin tilraun gerð til að brúa
gliðn unina sem varð, heldur sópaði
forysta flokksins því undir teppið . Þar
liggur það og heldur áfram að eisa út í
andrúmsloftið fyrir ofan . Einhver gerir
það upp, einhvern tíma, kannski ég,
kannski einhver annar .
Ár drekans 12 . desember, bls . 359