Tímarit um menntarannsóknir - 01.01.2014, Blaðsíða 106
Ritrýnd grein
Tímarit um menntarannsóknir /
Journal of Educational Research (lceland) 11, 2014 104-126
Viðhorf til samþættingar skóla-
og frístundastarfs í fjölmenningarskóla
Kolbrún Þ. Pálsdóttir, Brynja Elísabeth Halldórsdóttir, Háskóla íslands
og Ester Helga Líneyjardóttir, Reykjavíkurborg
Þessi grein segir frá eigindlegri rannsókn á samþættingu skóla- og frístundastarfs í
Fellaskóla veturinn 2012-2013. Þann vetur hófst þróunarverkefni við skólann sem
fólst í samþættingu skóla- og frístundastarfs barna í 1. og 2. bekk og tók skólinn
við rekstri frístundaheimilis. Fellaskóli hefur sérstöðu í íslensku skólakerfi því um
70% nemenda búa við annað móðurmál á heimili en íslensku. Meginmarkmið þró-
unarverkefnisins í Fellaskóla voru „að auka árangur og skapa nemendum í 1. og
2. bekk Fellaskóla lengri og samfelldari skóladag með því að flétta saman nám og
kennslu og frístundastarf" (Tillaga um samþætt skóla- og frístundastarf í Fellaskóla,
e.d.). Tilgangur rannsóknarinnar var að afla þekkingar um samþættingu skóla- og
frístundastarfs í ljósi kenninga um fjölmenningarlegt skólastarf og gildi félags- og
frístundastarfs, ennfremur að afla upplýsinga sem nýttust stjórnendum og starfs-
fólki við að þróa og bæta starfshætti. Meginrannsóknarspurningin var: Hvaða lær-
dóma má draga af reynslu barna, starfsfólks og foreldra af samþættingu skóla- og
frístundastarfsins? Tekin voru viðtöl við skólastjórnendur, þrjá kennara, fjóra frí-
stundaleiðbeinendur og sex börn og haldnir þrír rýnifundir með alls 15 foreldrum.
Þrjár meginniðurstöður rannsóknarinnar voru eftirfarandi: i) Samþætting skóla- og
frístundastarfsins kom vel út fyrir börn og fjölskyldur í Fellaskóla. Þátttaka allra
bamanna í frístundastarfinu sem hluta af skóladeginum efldi tengslamyndun og
samfélag barnanna að mati foreldra og starfsfólks. ii) Aukin áhersla á frístundastarf
og félagslega þátttöku barna styður aðlögun og samþættingu í anda fjölmenningar-
stefnu. iii) Skýra þarf betur hlutverk frístundaleiðbeinenda og veita þeim öflugri
faglegan stuðning. Rannsóknin leiðir í ljós að til að styðja fjöltyngda nemendur sé
mikilvægt að hugað sé að stuðningi við félagslegt umhverfi þeirra ekki síður en
formlegt nám. Rannsóknin er enn fremur mikilvægt framlag til tómstundafræða,
og skapar bæði fræðilega og hagnýta þekkingu á störfum frístundaleiðbeinenda í
grunnskólum.
Lykilorð: fjölmenningarlegt skólastaii, samþætt skóla- og fristundastarf, samstarf
Hagnýtt gildi Rannsókn þessi varpar Ijósi á viðhorf barna, startsfólks og foreldra til samþættingar
skóla- og frístundastarfs. Hér er bent á mikilvægi þess að styrkja félags- og frístundastarf til að styðja
fjölmenningarlegt skólastarf. Greinin á þvi brýnt erindi til stjórnenda og fagfólks sem leiöir skóla- og frí-
stundastarf.
104