Sagnir - 01.06.2016, Qupperneq 265
kynþáttasamskipti í Bandaríkjunum26, rikisskattstofu Bandaríkjanna27, námslán28 og
smálán29. Þetta er dæmi um það hvernig miðla má flóknum viðfangsefnum, sem
virðast oft leiðinleg á yfirborðinu, til stórs áhorfendahóps. Tvennt tel ég að skipd
mesm máli í þessu samhengi. Annars vegar tekur Oliver samfélagslegt hlutverk sitt
afar alvarlega. Hann gerir miklar kröfur til sjálfs sín og vill greinilega nýta þann
vettvang sem hann hefur til að skapa umræðu eða hafa áhrif á almenning, eða alltént
þann hluta hans sem horfir á þáttinn. Hins vegar veltir hann upp óhefðbundnum
sjónarhornum á viðfangsefni sín og setur þau í þannig búning að almenningur
geti annars vegar tengt bemr við þau og finnist þau hins vegar skemmtileg og
áhugaverð.
Gott dæmi um þessa aðferð er þátmr Johns Olivers 5. apríl 2015 þar sem hann
fjallaði um Edward Snowden og gagnasöfnun bandarísku Öryggismálastofnunar-
innar („National Security Agency“).30 Innslagið hófst á viðtölum við vegfarendur í
New York sem voru spurðir hver Edward Snowden væri (hann starfaði hjá Öryggis-
málastofnun Bandaríkjanna, stal þaðan gögnum sem sýndu fram á gríðarumfangs-
mikla gagnasöfnun stofnunarinnar um bandaríska ríkisborgara og lak þessum
upplýsingum til blaðamanna). Nánast enginn þekkti til Snowden. Því næst tók
Oliver viðtal við Snowden sjálfan og setti það í samhengi sem þessir vegfarendur
gám tengt við. Hann var spurður hvort stofnunin gæti safnað og séð m\-ndir sem
bandarískir ríkisborgarar (vegfarendurnir) höfðu sent af kynfærum sínum (e. „dick-
pic“). í þessu samhengi sýndu viðmælendurnir mun sterkari viðbrögð enda sneri
þetta að þeim persónulega og búið var að einfalda fréttina og setja hana í samhengi
hversdagsleika þeirra. Sex dögum síðar höfðu fimm milljónir manna horft á þetta
innslag á Youtube.com og fjölmargir fjölmiðlar fjallað um það, t.d. HuffingtonPosf'1,
26 John Oliver, „Last Week Tonight With John Oiiver. Ferguson, MO and Police Militarization (HBO)“,
17. ágúst 2014, https://www.youtube.com/watch?v=KUdHIatS36A. Sótt 16. apríl 2015.
27 John Oliver, „Last Week Tonight With John Oliver. The IRS“,
https://www.youtube.com/watch?v=Nn_Zln_4pA8.
28 John Oliver, „Last Week Tonight With John Oliver. Student Debt (HBO)“, 7. september 2014,
https://www.youtube.com/watch?v=P8pjdlQEA0c. Sótt 16. apríl 2015.
29 John Oliver, „Last Week Tonight With John Oliver. Predatory Lending (HBO)“, 10. ágúst 2014,
https://www.youtube.com/watch?v=PDylgzybWAw. Sótt 16. apríl 2015.
30 John Oliver, „Last Week Tonight with John Oliver. Government Surveillance (HBO)“, 5. apríl 2015,
https://www.youtube.com/watch?v=XEVlyP4_llM. Sótt 16. apríl 2015.
31 Paul Vale, „John Oliver Grills Edward Snowden, Asks Whisdeblower To Explain Surveillance
In Regards To His D*ck“. Tbe Huffington Post, 6. apríl 2015, http://www.huffingtonpost.co.uk/2015/04/06
/john-oliver-grills-edward-snowden-in-moscow-asks-the-nsa-whisdeblower-to-explain-surveillance-in
regards-to-his-dick_n_7008898.html. Sótt 16. apríl 2015.
265