RM: Ritlist og myndlist - 01.06.1947, Síða 2

--------------------------- - ---------------------------\
RM
RITLIST OG MYNDLIST
Tímarit það, sem hér hefur göngu sína, mun gera sér far um að flytja
í framtíðinni eigi síðra efni en þetta fyrsta hefti. Meðal þeirra önd-
vegishöfunda, sem RM flytur sögur eftir á næstunni, má nefna þessa:
Erncst Hemingway. Ritið væntir þess, að geta flutt einhverja
beztu sögu þessa snillings í ágætri þýðingu Þórarins Guðnasonar,
læknis.
Maxim Gorki. Sverrir Kristjánsson þýðir valda kafla úr höfuð-
riti Gorkis, „Bernska mín“.
Franz Kafka. Þessi höfundur er nú mjög ofarlega á baugi, þótt
hann sé látinn fyrir 25 árum. Árið sem leið voru gefnar út um hann
eigi færri en fimm frumsamdar bækur á þrem tungumálum. RM mun
flytja kafla úr ritum Kafka og grein um hann.
Hcrman Hesse, þýzk-svissneska skáldið, sem hlaut bókmennta-
verðlaun Nobels í fyrra, er lítt kunnur hér á landi. í næsta hefti RM
kemur ágæt saga eftir Hesse, í snjallri þýðingu Haraldar Sigurðs-
sonar, bókavarðar.
Auk hins þýdda efnis mun RM flytja frumsamdar ritgerðir, sögur
og kvæði. Enginn bókelskur íslendingur hefur ráð á því að láta RM
ólesið fram hjá sér fara.
Árgangurinn 1947 verður 4 hefti, yfir 350 bls. að stærð, verð 35 kr.
Þeir, sem keypt hafa 1. heftið í lausasölu og vilja gerast fastir áskrif-
endur, geta sent andvirði síðari heftanna, 25 krónur, til ritsins, og
munu þá fá það í pósti.
Gerist áskrifendur aS It M
Utanáskrift ritsins er þessi:
Tímaritið RHI, pósthólf 1071
\________________________________________________________j