Bjartur og frú Emilía: tímarit um bókmenntir og leiklist - 01.07.1995, Page 26

Linda Vilhjálmsdóttir
Heimilissýning í Höllinni
Hann kyssti mig bless á eyrað sem þykir ófyrirgefanlegt í kóngafjöl-
skyldum þrammaði svo fram ganginn og hreytti útúr sér setningu sem
mér heyrðist vera svona: Þú gætir nú
verið ljúfari! Ha? öskraði ég á eftir
honum og hann skellti á mig hurðinni.
Ha! Og ég sem eyddi deginum í að fara
yfir möguleg svör stóð eins og þæg lítil
kona í eldhúsinu að fituhreinsa annars
flokks lærisneiðar þegar hann kom heim
úr vinnunni um kvöldið. Eg sneri mér
við með hnífinn á lofti og hvæsti á hann
milli samanbitinna tannanna: Sagðirðu að ég gæti verið ljúfari ha?!