Bjartur og frú Emilía: tímarit um bókmenntir og leiklist - 01.04.2000, Qupperneq 20

DRAUMUR
Kalúgín sofnaði og hann dreymdi að hann sæti inni í runnum og
fram hjá runnunum gengi lögreglumaður.
Kalúgín vaknaði, klóraði sér á kjaftinum og sofnaði aftur og aftur
dreymdi hann. Hann var á gangi fram hjá runnum en lögreglu-
maður sat inni í runnunum og faldi sig þar.
Kalúgín vaknaði, lagði dagblað undir höfuðið til að slefa ekki út
koddann og sofnaði aftur og enn dreymdi hann að hann sæti inni í
runnum en lögreglumaður gengi fram hjá runnunum.
Kalúgín vaknaði, skipti um dagblað, lagðist út af og sofnaði
aftur. Enn dreymdi hann að hann gengi fram hjá runnum en inni í
runnunum sæti lögreglumaður.
Þá vaknaði Kalúgfn og ákvað að sofa ekki meir, en sofnaði samt
eins og skot og þá dreymdi hann að hann sæti fyrir aftan lögreglu-
mann en runnarnir gengju fram hjá þeim.
Kalúgín fór að æpa og bylta sér í rúminu en hann gat ekki
vaknað.
Kalúgín svaf í fjóra daga og fjórar nætur samfleytt og á fimmta
degi vaknaði hann svo horaður að hann varð að binda stígvélin á
fætur sér með snæri til að þau dyttu ekki af honum. I bakaríinu þar
sem Kalúgín keypti alltaf hveitibrauð þekktu menn hann ekki aftur
og stungu að honum hálfgerðu rúgbrauði.
Þegar heilbrigðisnefndin fór á milli íbúða og sá Kalúgín var hann
lýstur skaðlegur hreinlæti og til einskis nýtur og skipaði nefndin
húsfélaginu að henda Kalúgín út með sorpinu.
Kalúgín var brotinn saman í tvennt og honum hent eins og öðru
rusli.
18