Bjartur og frú Emilía: tímarit um bókmenntir og leiklist - 01.04.2000, Side 50

Með tíð og tíma komst ég að því að þessi „gullhjörtu“ höfðu ekki
öll notið sömu menntunar. Réttara sagt: Sharik var með miðskóla-
menntun, en þeir Sinderjúshkin og Mísha höíðu alls enga. Sharik
hefur meira að segja skrifað lærðar ritgerðir. Vegna þess er ekki
laust við að hann líti niður á hin „gullhjörtun“.
Mig langaði mikið til að vita hverskonar fræðilegar ritgerðir
Sharik heíði samið. En allt var sem fyrr á huldu um það. Marína
segir að hann hafi fæðst með penna í hönd, en gefur ekki fleira upp
um fræðistörf hans. Ég gekk á hana og komst loksins að því að hann
starfar einkum á sviði skóviðgerða. En ekki tókst mér að komast að
því hvort það stendur í einhverju sambandi við fræðaiðkanir.
Einu sinni komst ég að því að þessi „hjörtu úr gulli" höfðu slegið
upp veislu. Þeir höfðu skotið saman og keypt maríneraðan ál. Mísha
kom meira að segja með pott af vodka. Míshu þykir víst nokkuð
gott í staupinu.
Sharik er með kork í stígvélasólunum.
Kvöld eitt sagði Marína mér að Sinderjúshkin hefði kallað mig
bullu afþví ég hefði stigið ofan á löppina á honum. Það fauk líka í
mig og ég bað Marínu að skila því til Sinderjúshkins að hann ætti
ekki að vera að þvælast fyrir fótum manna.
18. febrúar 1936
(Fyrirsögn þýðanda)