Ljóðormur - 01.05.1986, Blaðsíða 17

EUGENIO DE ANDRADE:
Hamskipti hússins
1.
Það rís af grunni vítt til veggja
hús það sem ég á bara í Ijóði mínu.
2.
Húsið sefur, það dreymir í vindi
dýrð þá að verða allt í einu mastur.
3.
Eins og þegar viðkvæmt brjóstið skelfur,
þannig er húsið, þannig er líka bátur...
4.
Máfarnir fljúga hver á eftir öðrum,
húsið stenst það ekki og flýgur líka.
5.
Æ, einhvern daginn verður húsið skógur,
í forsælu trjánna finn ég þá brunninn
þar sem niður vatns verður eintóm þögn.
Guðbergur Bergsson þýddi úr portúgölsku.
15