Ljóðormur - 01.05.1986, Blaðsíða 28

VILBORG DAGBJARTSDÓTTIR:
Myndir frá pressuballi 1972
talið frá vinstri dýrleif ármann ég hélt að hún væri
alþekktur kjólameistari en í myndtextanum er
hvergi getið um starfsheiti kvenna hins vegar er
árni johnsen blaðamaður eins og allir eiga að vita
og dömurnar sín á hvora hönd utanríkisráðherr-
anum eru auðvitað nafngreindar einnig þær sem
eru svo heppnar að sitja standa eða liggja með
formanni borgarstjóra arkitekt stórkaupmanni eða
öðrum þeirra hana sem gala við háborð nægtanna
við borðsendann sitja ungfrúr EKKI NEITT hjá
blaðamönnum sem enn eru svo ungir að þeir eiga
ekki nóg undir sér til þess að lyfta borðdömum
sínum upp úr nafnleysinu
hefði þingmaðurinn bernadetta ekki verið úr stíl
við þessar páfuglshænur þó aldrei nema þær hafi
reytt af sér óþarfa dúnfjöður í sæng handa barn-
unganum hennar
26