Ljóðormur - 01.05.1986, Blaðsíða 50

UMSAGNIR
Leiðsöguminni: Myrkrið
Jóhann Hjálmarsson: Ákvörðunarstaður myrkrið.
Almenna bókafélagið. Ljóðaklúbbur. Rvík 1985.
65 tölusettar síður.
Á þessu herrans ári eru liðin þrjátíu ár frá því Jóhann Hjálmarsson
sendi frá sér fyrstu bók sína, Aungull í tímann. Á þessum þrem ára-
tugum eru Ijóðabækur hans orðnar tólf talsins og víst ekki mörg skáld
þeirrar kynslóðar sem gerst hafa öllu afkastameiri.
Ég hygg mönnum eigi eftirað þykja Ijóðabækur Jóhanns býsna mis-
vægar, en ég er illa svikinn ef hin nýjasta, Ákvörðunarstaður
myrkrið, verður ekki talin meðal hinna bestu.
„Maðurinn er alltaf einn“, sagði Thor og fyrr og síðar hafa margir
módernistar orðið til að taka undir sönginn um einsemdina og til-
gangsleysið. f Ákvörðunarstað myrkrinu verður það stef mjög áber-
andi. Manneskjurnar eru sýndar í einsemd og umkomuleysi og þær
eru naktar og hálparvana:
Og við erum bæði ein.
Einmanaleikinn
hefur valið okkur
meðal þúsunda
og búið um sig
því að hann vill ekki fara.
segir í Ijóðinu „Þegar þú ert farin“ - en kallast samt á við andstæðu
sína, „Tilbrigði við myrkrið" þar sem segir:
En meðan ég veit að þú ert hjá mér
óttast ég síður;
sameiginlega
völdum við óttanum betur.
48