Fréttabréf - 01.10.1992, Blaðsíða 4

Hægt breytist hugarfarið
OKkur Kvennalistakonum hitnaði óneitanlega i hamsi,
þegar við sáum mjög svo karlmannlega dagskrá aðalfundar
Samtaka fiskvinnslustöðva 18. september auglýsta í Morgun-
blaðinu. Þar var mikið samsafn formanna og núverandi og
fyrrverandi ráðherra til kallað, en kvenmannsnöfn engin. Slíkt
og þvílíkt kallaði á lexíu, og því var Samtökum fiskvinnslu-
stöðva sent eftirfarandi skeyti:
„Samtök fiskvinnslustöðva auglýsa nú aðalfund sinn
næstkomandi föstudag á Akranesi. Vonandi endurspeglar
dagskráin ekki mat samtakanna á framlagi kvenna til þeirrar
mikilvægu greinar sjávarútvegsins sem fiskvinnslan er. Engin
kona er þar kölluö til framsögu, og í pallborði um framtíð
íslenskrar fiskvinnslu silja aðeins karlkyns fulltrúar gömlu
stjórnmálaflokkanna. Samtök um kvennalista eru sniðgengin
og þar með fylgjendur þeirra sjónarmiða, sem þau eru fulltrúar
fyrir. Samtök fiskvinnslustöðva virðast því ekki meta mikils eöa
gera sér grein fyrir, að það eru að miklum meiri hluta konur,
sem með hörðum höndum og gífurlegu vinnuálagi bera uppi
íslenska fiskvinnslu.
Með ósk um góðan fund og hugarfarsbreytingu hið
fyrsta,
þingfiokkur Kvennalistans."
Áhrifin létu ekki á sér standa, og gekk nú maður undir
manns hönd að leiðrétta mistökin. Endirinn varð sá, að Anna
Ólafsdóttir Bjömsson tók þátt í pallborðsumræðum á fundinum
fyrir hönd Kvennalistans, og megum við sæmilega við þau
málalok una að þessu sinni. En vonandi koma fulitrúar fisk-
vinnslukvenna meira viö sögu á næsta aöalfundi samtakanna.
Hugarfarsbreytingin gengur ótrúlega hægt.
4