Fréttabréf - 01.08.1995, Page 1
Al. ÁstiMf Tlsrítuts
(jtf. Tmtt/isCitt, iitfsnfitf
Smi: 5513725, (u: 5527560
Ýmislegt á döfinni
Að þessu sinni ber fréttabréfið því glöggt vitni að stutt er sfðan síðasta
bréf kom út. Hreinar og klárar Kvennalistafréttir eru litlar en á móti
kemur að margt er á döfinni á öðrum vettvangi og taka Kvennalista-
konur virkan þátt í þeim viðburðum einsog sjá má á innsíðunum.
Fréttabréfíð hefur fengið Ieyfi til að birta útdrátt úr nokkrum dagskrám
en það þarf alls ekki að vera að þar með sé allt upptalið. Hér með eru
konur hvattar til að hafa samband við fréttabréfið ef þær rekast á spenn-
andi hluti sem vert er að minna á.
Skráning fyrir landsfund
Skráning er hafin fyrir landsfund Kvennalistans og lýkur henni
20. október. Yfirskrift fundarins verður „Kvennapólitík — hvað nú?“
Kvennapólitíkin í upphafi nýs kjörtímabils á Alþingi og þær leiðir sem
okkur eru færar verður meginþemað að þessu sinni. Fundurinn verður
haldinn í Nesbúð á Nesjavöllum dagana 10. - 12. nóvember. Þátttöku-
gjald er 6.800 kr. og er miðað við gistingu í uppbúnum rúmum í tveggja
manna herbergjum. Með því að koma með svefnpoka má lækka kostn-
aðinn um 500 kr. Einnig er mögulegt að fá einstaklingsherbergi en við
það hækkar gjaldið um 1.100 kr. Á staðnum eru bæði heitir pottar og
heitur lækur þar sem hægt er að baða sig og slappa af þegar færi gefst.
Dagskráin er í smíðum og fljótlega verður hægt að fá helstu atriðin
uppgefin á skrifstofunni. Hringið í Áslaugu í síma 551 3725.