Fréttabréf - 01.09.1995, Blaðsíða 7

Áfram...........áfram stelpur“
24. október fögnuðu konur á Akureyri og í Reykjavík 20 afmæli
kvennafrídagsins 1975 rétt eins og konur um allt land. Skipulögð var
sameiginleg dagskrá fyrir bæina tvo. Dagskráin hét áfram ... „áfram
stelpur" og var skipulögð af Kvenfélagasambandi ísland, Kvenréttinda-
félagi íslands og konum í stjómmálaflokkunum. í Reykjavík var háu'ðin
haldin í Gamla bíói. Margar óttuðust að komast ekki að sökum smæðar
húsnæðisins en því miður var ekki fullt hús. Það sakaði þó ekkert og
kvöldið heppnaðist mjög vel.
Dagskráin hófst á söng nokkurra kvenna úr Kvennakór Reykjavíkur sem
sungu Dómar heimsins. Kynnir kvöldsins var Ragnheiður Ásta Péturs-
dóttir og var frábært að heyra röddina hennar, þessa svo að segja einu
opinberu kvenrödd til margra ára. Þvínæst hélt Auður Hjörleifsdóttir
lögfræðingur í fjármálaráðuneytinu ræðu, en ræðan reyndist leikþáttur
um sögu kvennabaráttunnar frá 1975 til 1995. Leikþátturinn var frábær
enda skrifaður af Ragnhildi Vigfús-dóttur og Þórhildi Þorleifsdóttur.
Tíu ungar leikkonur léku Auði og hópurinn sem söng „Áfram stelpur"
fyrir 20 árum var mættur á sviðið í Gamla bíói og sungu þær gömlu
góðu baráttusöngvana inn á milli. Þátturinn varð mun lengri í flumingi
en áætlað var vegna hlátraskalla áhorfenda. Rúsínan í pylsuendanum
var svo barátturæða Ingibjargar Sólrúnar Gísladóttur borgarstjóra. Hún
ræddi um mikilvægi kvennasamstöðu og brýndi sérstaklega fyrir konum
að styðja við þær systur okkar sem komast í valdastöður. Það er erfitt
að vera eina konan í karlafans og við þurfum því að mynda öryggisnet
fyrir þær konur sem taka að sér að ryðja brautina. Þegar dagskránni
lauk flykktust konur niður í Hlaðvarpa þar sem skemmtuninni var fram
haldið. Þar skáluðu konur, hver fyrir annari, og sungu saman.
Gallerí á Laugaveginum
Sú hugmynd fæddist í kolli framkvæmdastýru að opna vísi að galleríi í
„stofunni“ á Laugavegi 17. Þetta er ekki komið til framkvæmda en
stendur til, líklega verður þó ekkert gert í málinu fyrr en eftir landsfund.
Galleríið verður að sjálfsögðu feminisu'skt að því leyti að þar fá bara
konur að setja upp verk. Verkin verða hinsvegar ekki ritskoðuð. Ekki
verður einblínt á yfirlýstar Kvennalistakonur en það rýrir auðvitað ekki
listakonumar. Ef einhver hefur áhuga má hún gjama hafa samband á
skrifstofuna og þar verður umsókn hennar lögð fyrir sýningarnefnd,
gífurlega valdamikla stofnun sem einungis framkvæmdastýran situr í.
Einhvemveginn verður maður nú að koma sér upp völdum!