Fréttabréf - 01.10.1995, Blaðsíða 2

Landsfundur 1995
Kvennapólitik — hvað nú?
13. landsfundur Samtaka um kvennalista var haldinn í NesbúÖ, Nesja-
völlum, dagana 10. - 12. nóvember s.l. Þátttaka var í meðallagi góð en
þær konur sem sóttu fundinn voru flestar ánægðar þegar upp var staðið.
Hreinskiptin skoðanaskipti og óvissa um leiðir einkenndu fundinn en
þrátt fyrir ýmisskonar ágreining var andinn góður. Aðstaðan var líka
þægileg, veðrið til fyrirmyndar, maturinn góður sem og öll önnur þjón-
usta starfsfólksins á staðnum. Bryndís Guðmundsdóttir setti fundinn á
föstudagskvöldinu og að því loknu voru skýrsla Framkvæmdaráðs og
endurskoðaðir reikningar samtakanna lagðir fram.
Kristín A. Arnadóttir
flutti hugvekju kvöldsins og gerði stöðu Kvennalistans að umtalsefni
sínu. Hún benti á að þó svo hinir hefðbundnu strákaflokkar hafi stund-
um fengið slæma útreið í kosningum hafí þeir aldrei efast um tilverurétt
sinn. Þó var hún ekki að mæla með starfsaðferðum þeirra en varpaði
því fram að skýringin á því hversu tilbúnar viö erum að endurskoða
markmið okkar og leiðir gæti legið í því að viö reynum að hlusta eftir
röddum fólksins á meðan strákamir líta á sig sem krossfarariddara.
Kristín vitnaði m.a. í skýrslu um konur og þróun sem Þróunarstofnun
SÞ lét vinna þar sem því er haldið fram að það sé ómeðvitað samsæri
um allan heim að vanmeta vinnu kvenna og framlag þeirra til þjóðfé-
lagsins. Hún vitnaði einnig í nýlega grein eftir Betty Friedan sem hvet-
ur konur til að hafa forgöngu um að leita nýrra leiða, í samstarfi við
karla, þar eð nú sé mikilvægara að varðveita þá ávinninga sem náðst
hafa í kvennabaráttunni en að reyna frekari landvinninga. Lokaorð
þessarar hugvekju voru á þá leið að hér á landi sé kvennabaráttan komin
svo langt að ekkert muni stöðva hana.
Laugardagur
Formleg dagskrá hófst svo kl. 9 að morgni laugardagsins 11. nóvember.
Fundarstjórar báða fundardagana voru Kristín Einarsdóttir og Anna
Kristín Ólafsdóttir og eiga þær hrós skilið fyrir skipulögð vinnubrögð
og ákveðni enda misstu þær aldrei tökin á fundinum.
2