Morgunblaðið - Sunnudagur - 11.10.2015, Blaðsíða 30

30 MORGUNBLAÐIÐ SUNNUDAGUR 11.10. 2015
Fjölskyldan Fjölskyldusmiðja Origami stendur fyrir félagsfundi 18. október kl.15.30 í Borgarbókasafninu í Grófinni. Þar verður fjölskyldum kennd
sú list að brjóta pappír í alls kyns fögur form. Verkefnin eru miserfið
svo allir eiga að geta fundið eitthvað við sitt hæfi.
Origami í Borgarbókasafninu
Reykjavik International Scho-ol er eini grunnskólinn hér-lendis sem kennir alfarið
eftir alþjóðlegri námskrá en lögum
var breytt árið 2012 sem heimiluðu
að nota aðra námskrá en aðal-
námskrá grunnskóla hér á landi.
Skólastjóri skólans er Ásta Roth
en auk hennar starfa við skólann
kennarar með einstaka reynslu að
baki, meðal annars Alison Jenkins,
með áratuga reynslu af kennslu,
bæði frá Bretlandseyjum og Sviss
en hún var yfirkennari í stórum
grunnskóla í Wales og hefur að
auki kennt í sjö ár við alþjóðlegan
skóla í Sviss. Alison er eini starf-
andi kennarinn hérlendis sem hef-
ur kennt í alþjóðlegum skóla er-
lendis.
„Ég flutti hingað til lands í sum-
ar en mig hafði dreymt um að
koma til Íslands. Svo vildi það
þannig til að eiginmaður minn
fékk kennslustöðu við Háskóla Ís-
lands svo við ákváðum að slá til,“
segir Alison en hingað komu þau
hjón frá Sviss.
„Breska skólakerfið er svolítið
stíft og erfitt svo að ég var nokk-
uð ánægð þegar eiginmanni mínum
bauðst starf í Sviss og ég fékk
tækifæri til að prófa nýtt umhverfi
í menntakerfinu og kenna í alþjóð-
legum skóla, börnum frá öllum
heimshornum. Þetta var lítill skóli,
100 börn, en foreldrar þeirra höfðu
gjarnan flutt til Sviss til að starfa
á vegum stórra alþjóðlegra fyr-
irtækja, svo sem Nestlé, Philip
Morris, Tetrapak og slíkra stórra
fyrirtækja. Börnin voru þá í 2-3 ár
í skólanum.“
Alison segir það hafa verið alveg
nýja upplifun að kenna í alþjóð-
legum skóla og afar góða. Það
væri erfitt fyrir hana að snúa við.
„Við höfum öll fyrirfram mótaðar
hugmyndir um stereótýpuna af
ákveðnum þjóðernum, hver eru
þeirra séreinkenni og slíkt. En í
kennslu þar sem börn frá öllum
heimshornum eru komin saman
sannast það enn og aftur að börn
eiga svo margt sameiginlegt, sama
hvaðan þau eru. Börn um allan
heim eru í grunninn eins. Þetta er
það sem ég hef lært.“
Alþjóðlegur skóli valkostur
Í alþjóðaskólum er það ekki endi-
lega svo að börnin komi inn í nám-
ið með enskukunnáttu. Sum tala
alls enga ensku en námið fer að
mestu fram á því tungumáli. Al-
ison segir að flest séu þau afar
fljót að ná enskunni en í Reykja-
vík International School eru líka
íslenskutímar.
„Það er stór partur af skóla-
starfinu að læra um fjölbreytta
menningarheima og menningar-
heima hvert annars þannig að
börnin kynnast bakgrunni allra
skólafélaga sinna. Við höfum sér-
staka alþjóðlega daga þar sem
börnin segja frá sínu heimalandi;
matarvenjum, menningu, klæðnaði
og ýmsu.“
Með aukinni hnattvæðingu eykst
eftirspurn eftir alþjóðlegu námi
um allan heim. Nemendur af er-
lendum uppruna í skólanum eiga
gjarnan foreldra sem starfa tíma-
bundið hérlendis, hafa gert nokk-
urra ára samning við fyrirtæki.
Einnig eru sum börnin hálfíslensk.
Það er líka til í dæminu að ís-
lenskir foreldrar sem eru að flytja
til útlanda eða nýkomnir heim úr
námi vilji að börnin fái undirbún-
ing í alþjóðlegri námskrá áður en
haldið er út eða viðhaldi því sem
þau hafa lært.
„En alþjóðlegur skóli er líka
einfaldlega valkostur eins og
Hjallastefnuskóli, Ísaksskóli eða
aðrir skólar enda hefur það ýmsa
kosti að kenna samkvæmt al-
þjóðlegri námskrá,“ segir Ásta
Roth.
Áður en Reykjavík International
School var stofnaður fyrir ári síð-
an hafði Reykjavík verið eina evr-
ópska höfuðborgin sem gat ekki
boðið upp á alþjóðlegan skóla en
skólinn er starfræktur í Hamra-
skóla í Grafarvogi og börnin eru á
aldrinum 5-15 ára. Framtíðar-
stefna Ástu er að nemendum bjóð-
ist viðeigandi nám allt til 18 ára
aldurs.
Sterk í stærðfræði og raun-
greinum
Alison segir að það sem sé öðru-
vísi við að kenna við alþjóðlegan
skóla sé það mikla frelsi sem
kennarinn fái til að þróa sína
kennslu og bjóða upp á alls kyns
námsefni. Þessar vikurnar er til
dæmis verið að kenna börnunum
kínversku í samstarfi við háskóla í
Kína og kínverski sendiherrann er
væntanlegur í heimsókn og ætlar
að vera viðstaddur kennslustund.
„Skólinn er sterkur í stærðfræði
og raungreinakennslu en bæði
námsefnið í stærðfræðinni og
raungreinunum er það sama og
telst eitt það sterkasta í heiminum
en það er frá Singapúr. Þessi börn
standa því afar vel að vígi, byrja
strax 6 ára í raungreinum og
glíma til dæmis 7 ára gömul við
brotareikning.“
Þess má geta að annar kennari
við skólann, Krista McMiller, er
bandarísk og heiðruð í sínu heima-
landi fyrir að vera afburðagóður
raungreinakennari en hún er hér á
landi á vegum bandaríska sendi-
ráðsins þar sem maðurinn hennar
er eini starfsmaður Bandaríkjahers
sem enn starfar á „beisnum“ í
Grindavík en hann er í sjóhernum.
„Sumum kennurum gæti þótt
erfitt að fylgja ekki út í ystu æsar
námskrá heldur líka vera skapandi
í starfinu en fyrir mig er það
nauðsynlegt,“ segir Alison.
„Kennsla snýst svo mikið um
ástríðu. Ef hana vantar þá verður
kennslan ekki góð. Í minni kennslu
reyni ég að hafa það að leiðarljósi,
að viðhalda alltaf gleðinni. En ég
held samt að góður kennari verði
það ekki nema hafa ákveðna eig-
inleika í grunninn, það er eitthvað
extra sem gerir það að verkum.
Og auðvitað þarf manni að líka vel
við börn!“
REYKJAVÍK INTERNATIONAL SCHOOL
Yfirkennari í áratugi í Wales
Alison Jenkins og Krista McMiller hafa langa reynslu af kennslu erlendis og Ásta Roth skólastjóri Reykjavík International School segir reynslu þeirra afar dýrmæta.
Morgunblaðið/Árni Sæberg
Í REYKJAVÍK INTERNATIONAL SCHOOL ER STARFAÐ EFTIR ALÞJÓÐLEGRI NÁMSKRÁ OG ER ÞAÐ EINI GRUNNSKÓLINN HÉRLENDIS SEM GERIR SLÍKT AL-
FARIÐ. ÞAR STARFA KENNARAR MEÐ DÝRMÆTA REYNSLU, MEÐAL ANNARS ALISON JENKINS SEM VAR YFIRKENNARI Í WALES.
Júlía Margrét Alexandersdóttir julia@mbl.is
Það er mikið frelsi að kenna eftir alþjóðlegri námskrá að sögn Alison Jenkins.
Morgunblaðið/Árni Sæberg
* „Kennslasnýst svomikið um ástríðu.
Ef hana vantar þá
verður kennslan
ekki góð. Í minni
kennslu reyni ég
að hafa það að
leiðarljósi, að við-
halda alltaf
gleðinni.“