Morgunblaðið - Sunnudagur - 11.10.2015, Blaðsíða 32

Það er ekki víst að táningar dags-
ins í dag viti hvað þetta er. Disk-
ettan var samt sem áður ómiss-
andi fyrir nokkrum árum. Á henni
rúmuðust 1,44 MB af gögnum.
Geisladiskurinn tók við af henni
en hann gat geymt um 450 sinnum
meira af gögnum.
Disketta úr fortíðinni
Þó ekki fari eins mikið fyrir mynda-vélum frá Panasonic og hinum„stóru“, Canon, Nikon og Sony, þá
er fyrirtækið sjóað í myndavélasmíði,
sem sannast meðal annars á því að Pa-
nasonic framleiðir ýmsar stafrænar
myndavélar fyrir Leica. Fyrsta stafræna
vélin frá Panasonic kom annars á markað
fyrir fjórtán árum undir heitinu Panaso-
nic Lumix.
Undir því merki hafa komið margar
vélar síðan í mörgum stærðum, allt frá
fullvöxnum
speglavélum í
nettar vasavélar.
Sú Panasonic-vél
sem hér er til
skoðunar, Lumix
DMC-GX8, er
eiginlega mitt á
milli hvað þetta
varðar, minni en
speglavél og
stærri en vasavél, og sameinar flest það
besta úr báðum, eins og síðar verður
rakið.
Á síðustu árum hefur Panasonic lagt
mikla áherslu á hreyfimyndatöku í vélum
sínum og þannig getur GX8 til að mynda
tekið 4K UHD vídeó, 3840 x 2160 díla,
30 eða 24 ramma á sekúndu og er með
innbyggðan stereo-hljóðnema með sér-
stakri vindhljóðasíu og tengi fyrir sér-
stakan hljóðnema ef vill. Í vélinni er líka
snið sem Panasonic kallar 4K Photo
mode, var reyndar í GX7 líka, en þá er
hægt að lesa 8 MP myndir úr 4K vídeói
og þannig hægt að taka myndskeið og
síðan tína úr myndir að vild - semsé
framúrskarandi vél til að taka myndskeið
líkt og nokkrar síðustu Lumix-vélar.
Lumix-vélar hafa reyndar líka verið
prýðilegar ljósmyndavélar, þó vídeóið hafi
nánast verið aðalkostur þeirra, en á GX8
hafa menn tekið myndatökur föstum tök-
um, greinilega lagt vinnu í endurbæta
vélina sem ljósmyndavél með nýrri mynd-
flögu, endurbættum myndvinnsluör-
gjörvum og endurbættum hugbúnaði.
Vélin er speglalaus og minni fyrir vik-
ið, en boddíið heldur stærra en á síðustu
G-týpu, örlítið lengri, örlítið þykkari og
örlítið hærri, sem gerir að verkum að
hún fer betur í hendi, það er auðveldara
að halda á henni og þar með að halda
henni stöðugri. Stærra boddí gefur líka
kost á stærri hnöppum, sem er óneit-
anlega kostur. Hnappur til að smella af
hefur líka verið færður fram á gripið
sem gefur pláss fyrir fleiri rofa en gerir
það líka þægilegra að taka myndir.
Boddíið er úr magnesíum-blöndu og sér-
deilis létt fyrir vikið, en á sama tíma
mjög traust viðkomu, skvettu- og rykv-
arið.
Myndflagan í vélinni er glæný eins og
getið er, 20,3 Mdíla flaga Live MOS,
eins og það er kallað, en samskonar
flaga er og verður notuð í stafrænar
Leicur. Hún notar að sögn mun minni
orku en CMOS-flögur, en skilar ekki
síðri mynd, en Live-forskeytið vísar í að
að hægt er að sjá mun betur á skjánum
á bakinu og í sjónglugganum hvernig
viðkomandi mynd mun líta út þegar
smellt er af. Flagan er af svonefndri 4/3-
stærð, sem er áþekkt og í 100 filmunni,
sem einhverjir kannast við, nokkru minna
en í stærri vélum en talsvert stærra en í
minni stafrænum vélum. 4/3 vísar til þess
að hlutföllin eru 4:3, samanborið við 3:2
hlutföllin í 35 mm filmunni. Nóg biðminni
í henni er til að taka allt að 100 myndir
í kippu sem JPG en 30 myndir á RAW-
sniði. Rétt að geta þess að engin tak-
mörk eru á því hvað vídeó má vera
langt, nema nátttúrlega plássið á minn-
iskortinu.
Ljósnæmi er ISO 200 til 25.600, sem
hægt að stilla niður í ISO 100. Vélin
skilar áberandi betri myndum en á GX7.
Sjónglugginn er stafrænn, mjög bjartur
og góður og einkar þægilegur en hægt
er að velta honum upp um 90 gráður.
Upplausnin á honum er líka mjög góð og
hann er hraðvirkur. Skjárinn á bakinu er
3" snertiskjár, nema hvað, sem hægt er
að fella að bakinu þannig að hann sjáist
ekki og síðan að draga hann út og velta
til og frá. Hægt er að sýsla með ýmsar
stillingar í gegnum snertiskjáinn, til að
mynda stilla ljóshita með því að draga
sleða til og frá og sjá um leið hvernig
myndir verða með þeirri stillingu.
Panasonic Lumix GX8 boddí kostar
229.900 kr. í vefverslun Fotovals, http://
www.fotoval.is/vefverslun/, en 249.900 kr.
með 14-42 mm linsu, f 3,5-5,6..
ÞAÐ BESTA ÚR BÁÐUM
UNDANFARIN ÁR HEFUR PANASONIC LAGT ÁHERSLU Á AÐ
STAFRÆNAR MYNDAVÉLAR FRÁ FYRIRTÆKINU SÉU LÍKA FRAM-
ÚRSKARANDI VÍDEÓVÉLAR. Í NÝRRI LUMIX-VÉL, GX8, ER EKKI
MINNA LAGT Í LJÓSMYNDATÖKU EN VÍDEÓ, ENDA ER VÉLIN
MEÐ NÝJA MYNDFLÖGU OG ENDURBÆTTA MYNDVINNSLU.
Græjan
ÁRNI
MATTHÍASSON
Páll Kjartansson ljósmyndari og myndvinnslumeistari tók þessa mynd á Panasonic Lumix DMC-GX8.
* Rafhlaðan er mjög góð og þó ekki hafienn komið frost á þessu hausti, þá gefur hún
ekki eftir í hraða við útimyndatökur. Sam-
kvæmt upplýsingum frá Panasonic er hægt að
taka allt að 330 myndir á hleðslu með sjón-
glugga, en allt að 310 með bakskjáinn í gangi,
en endingin fer vitanlega eftir því hvernig
linsa er á vélinni og hvernig myndir er verið
að taka.
* Hristivörnin er tvöföld, bæði í linsu ogvél, og hægt að nota samtímis sem er nýjung
í Lumix-vélum en hvað linsuna varðar þá á
það náttúrlega bara við um þær Lumix-linsur
sem eru merktar O.I.S. Í vélinni er stuðn-
ingur við WiFi og einnig NFC til að einfalda
flutning á myndum úr vélinni í önnur tæki.
Það er líka USB-tengi á henni og því hægt að
tengja vélina við tölvu með USB snúru og
stýra henni þaðan.
* Myndvinnslu„vélin“ í Lumix-vélunum kall-ast Venus-vélin og er endurbætt í GX8 með
nýjum fjögurra kjarna myndvinnsluörgjörva
sem gerir vinnsluna hraðari og betri. Sjálf-
virkur fókus er líka endurbættur til muna og
orðinn mun hraðari en í fyrri vélum. Ekkert
flass er á vélinni, en skór fyrir slíkt ofan á
henni með hlíf eins og sjá má á meðfylgjandi
mynd.
32 MORGUNBLAÐIÐ SUNNUDAGUR 11.10. 2015
Græjur og tækni