Morgunblaðið - Sunnudagur - 11.10.2015, Blaðsíða 42

Búast við að selja tíu milljónir
Í grein á Fortune.com er leikurinn sagður
vera stærsti leikur ársins. Hann kemur út
17. nóvember fyrir PlayStation 4, Xbox One
og PC og er hans beðið með mikilli eftir-
væntingu.
Pressan er mikil en EA hefur lýst því yfir
að fyrirtækið búist við að selja 9-10 milljón
eintök af Battlefront en greinendur segja
fyrirtækið vera hógvært í yfirlýsingum til að
skapa ekki of miklar væntingar.
„Þetta verður án efa stór leikur og auðvit-
að vonast ég til þess að hann verði risastór.
En það er ekkert hægt að spá fyrir um það,“
segir hún en þetta er fyrsti Star Wars-
leikjatölvuleikurinn í mörg ár. „Flestir af
minni kynslóð eru búnir að vera aðdáendur
Star Wars frá því þeir voru börn og þekkja
þennan heim rosalega vel. Fólki þykir vænt
um Star Wars og það er ótrúlega mikill
heiður í því að vera þátttakandi í að búa til
Star Wars-leik. Við höfum verið að vinna ná-
ið með Lucasfilm. Það hefur verið algjör
draumur að vera í svona nánum samskiptum
við þetta fólk. Við höfum verið að vinna með
söguhópnum, hópnum hjá þeim sem er að
þróa Star Wars áfram inn í framtíðina.“
Leikurinn gæti líka hagnast á því að ný
Star Wars-mynd Episode VII – The Force
Awakens verður frumsýnd fyrir jólin. Eftir
að upplifa það að horfa á myndina í þrívídd
eru ábyggilega margir sem vilja stíga inn í
þennan heim sjálfir í gegnum tölvuleikinn.
Eins og að stíga inn í bíómyndina
„Þetta er fjölspilunar skotleikur sem þú get-
ur spilað í fyrstu persónu og þriðju persónu.
Þú spilar í umhverfi sem fólk þekkir vel úr
upprunalegu trílógíunni. Þú getur líka stýrt
helstu farartækjum, bæði fljúgandi og ak-
andi eða í raun gangandi í þessum sérstöku
Star Wars-farartækjum,“ segir hún en hægt
er að spila bæði sem meðlimur í uppreisnar-
hernum eða sem stormsveitarmaður, einn
eða með öðrum.
„Leikurinn er ákaflega raunverulegur,“
segir hún en þetta er í raun í fyrsta skipti
sem tækifæri gefst til að spila leik sem er
eins og að vera kominn inn í bíómyndina.
Hún er mjög ánægð í starfi. „Maður er að
vinna með fólki sem er gríðarlega fært í sínu
starfi. Þetta eru forritarar, listamenn og
leikjahönnuðir á heimsmælikvarða, sem
vinna hjá DICE af því að þeir vilja vinna
með þeim bestu. Ég hef ofsalega gaman af
vinnunni minni; gaman af því að umgangast
vel gefið metnaðargjarnt fólk sem vill alltaf
gera betur. Það fær mig til að hlaupa hraðar
og vera betri að vera umkringd fólki sem er
svona kraftmikið, klárt og vel gert og gott í
því sem það gerir. Ég vil bara verðskulda
það að fá að vera með þessu fólki að gera
þessa hluti.“
Ábyrgð hennar í starfi er mikil og dag-
arnir eru langir. Hvernig gengur lífið í
Stokkhólmi fyrir sig?
„Þetta er búinn að vera mikill átakatími að
mörgu leyti. Við erum ekki með fjölskylduna
okkar nálægt okkur. Það er mikil pressa og
mikið að gera í vinnunni. Þetta er gaman en
þetta er erfitt,“ segir hún en til að dæmið
gangi upp hefur Marteinn maður hennar
sinnt börnunum og fjölskyldunni í fullu
starfi.
Henni finnst Stokkhólmur góður staður til
að vera með börn en þau búa í Vasastan.
„Þetta er stórborgarhverfi en samt að
ákveðnu leyti eins og að búa í litlu þorpi. Við
búum við götu sem er með mörgum veitinga-
stöðum. Fólk ferðast mikið fótgangandi og í
almenningssamgöngum og það er mikið
götulíf sem mér finnst yndislegt.“
Veturnir í Stokkhólmi eru hins vegar ekki
eins yndislegir. „Ég upplifi að það sé meira
myrkur og kaldara og að veturinn sé lengri
heldur en á Íslandi. Ég finn meira fyrir vetr-
inum og myrkrinu en ég gerði heima.“
Þurfa ekki að stelast í tölvuna hjá
stóra bróður
Lína lifir og hrærist í tölvuleikjaheimi en
spilar hún sjálf?
„Ég geri það. Ég hef spilað tölvuleiki frá
því að ég var barn. Ég spilaði við bróður
minn sem er níu árum eldri en ég. Hann átti
leikjatölvur og svo PC-tölvur. Ég spilaði á
tölvunum hans og leikina sem hann átti. Ég
eignaðist Game Boy-tölvu þegar ég var tólf
ára en eignaðist ekki mína fyrstu PC-tölvu
fyrr en ég var tvítug í verkfræðinni. Ég tók
reglulega tímabil sem ég spilaði tölvuleiki. Í
dag spila ég meira til að skoða hvað aðrir
eru að gera í sínum leikjum. Ég er líka að
byrja að spila með eldri dóttur minni. Hún
spilar líka til dæmis Minecraft með vinkonu
sinni,“ segir hún en svo vill til að fjölskyldu-
faðirinn sem býr á móti þeim í stigagangin-
um vinnur hjá öðru leikjafyrirtæki í borginni
sem er í eigu EA. Sjö ára dætur þeirra spila
gjarnan saman í spjaldtölvum og leikjatölv-
um. „Þær eiga sínar spjaldtölvur og leikja-
tölvur sjálfar. Ekkert „að stelast í tölvuna
hjá stóra bróður“ hjá þeim.“
Hún segir úrvalið í tölvuleikjum mikið en
henni finnst ekki margir leikir reyna að
höfða jafn mikið til stelpna og stráka en það
sé að breytast.
„Oft er rætt um að börn séu mikið að
hanga í tölvuleikjum en ég hef ekki mikla
fordóma gagnvart tölvuleikjum. Tölvuleikir
eru margir af tiltölulega miklum gæðum,
þjálfa samhæfni auga og handa, og það að
leysa ráðgátur og verkefni. Íslensk börn sem
spila leiki á ensku þjálfa enskukunnáttu.
Dóttir mín er yfirleitt að spila leiki með öðr-
um þannig að þetta er félagslegt athæfi. Ég
hef skoðanir á mismunandi leikjum og myndi
ekki leyfa henni að spila hvað sem er en ég
hef ekkert á móti tölvuleikjum sem afþrey-
ingu. Ég man bara hvað mér fannst þetta
skemmtilegt þegar ég var krakki og enn
þann dag í dag finnst mér tölvuleikir
skemmtilegir. Ég myndi í raun frekar vilja
að hún væri að spila tölvuleiki en að horfa á
sjónvarpið þó hún geri það alveg líka.“
Það hefur verið ríkjandi staðalmynd að
tölvuleikjaspilarar séu ungir karlmenn og
strákar. „Núna erum við hægt og rólega
komin á þann stað að það spila nánast allir
tölvuleiki hvort sem það er Candy Crush á
símanum eða hvaða leiki sem er. Við erum
samt alltaf ennþá þeirrar skoðunar að það
séu aðallega karlmenn sem spila tölvuleiki.
Það er ekki rétt því stærsti spilendahópur
tölvuleikja er konur í dag,“ segir hún og
bætir við að í tölvuleikjaheiminum komi upp
sú umræða reglulega hvað sé „alvöru“ tölvu-
leikur. Á öðrum endanum eru leikir eins og
Candy Crush og á hinum EVE Online.
Tölvuleikir spanna mjög vítt svið, eru fjöl-
breytilegir og spilaðir á mismunandi tækjum.
„Tölvuleikir eru samt að þróast á þann
hátt að markhópurinn er ekki bara strákar
og karlmenn. Leikirnir eru að verða fjöl-
breyttari að mörgu leyti,“ segir Lína sem
hefur séð að í leikjum eins og Disney Infi-
nity og Minecraft sé markmiðið að höfða til
barna af báðum kynjum. „Mér finnst þetta
vera að breytast gagnvart ungu krökk-
unum.“
Eins og Hollywood-mynd
Aftur að leiknum sem á hug og hjarta Línu
þessa dagana, Star Wars Battlefront. Ljóst
er að framleiðslu á svona stórum tölvuleik
má líkja við að stýra Hollywood-mynd.
„Varðandi lengdina á verkefninu og fjölda
fólks sem tekur þátt í því og hvað varðar
kostnaðinn þá er þetta eins og stór bíó-
mynd,“ segir hún en DICE gefur ekki upp
kostnaðinn við gerðina eða fjöldann sem
vinnur í verkefninu. „Núna þegar svona stutt
er í útgáfu þá eru hundruð manna að vinna
við þetta en þróunarteymið er bara hluti af
þessum hópi.“
Hún ítrekar ánægju sína með að hafa
fengið að stíga inn í Star Wars-heiminn og
segir að eftir að hún byrjaði vinnuna við
leikinn hafi hún tekið eftir vísunum í Star
Wars hvarvetna í kringum sig í hversdagslíf-
inu. „Það vita allir hver Svarthöfði er og
hvað Star Wars er. Á hverjum einasta degi
sama hvar þú ert sérðu einhvern í Star
Wars-bol eða einhverja aðra tilvísun. Fólk
tengir við Star Wars og það skipir það
máli.“
*Það fær mig til aðhlaupa hraðar ogvera betri að vera um-
kringd fólki sem er svona
kraftmikið, klárt og vel gert
og gott í því sem það gerir.
Ég vil bara verðskulda það
að fá að vera með þessu
fólki að gera þessa hluti.
Það er við hæfi að Lína taki sér geislasverð í
hönd. Eftir að hún byrjaði vinnuna við leikinn
hefur hún tekið eftir vísunum í Star Wars
hvarvetna í kringum sig í hversdagslífinu.
Viðtal
42 MORGUNBLAÐIÐ SUNNUDAGUR 11.10. 2015