Morgunblaðið - Sunnudagur - 11.10.2015, Blaðsíða 49

er miklu nær raunveruleikanum að maður
hagi sér og segi hluti hluti sem eru óvæntir
og jafnvel út úr karakter.
Pinter var mikill prakkari og stríðnispúki.
Við þurfum stöðugt að velta fyrir okkur
hversu mikið persónur gefi upp gagnvart öðr-
um persónum verksins, hversu mikið leik-
arinn gefi upp gagnvart áhorfendum og
hversu mikið sýningin gefi upp. Leikararnir
þurfa þannig stöðugt að leika á þessum
tveimur plönum, hins sagða og ósagða. Þetta
þarf að stilla vel til þess að Pinter týnist
ekki. Þetta er geggjuð glíma, en leikararnir
eru á góðri leið með að fínstilla þetta sam-
spil.“
Nú var Pinter sjálfur leikari. Telur þú að
það hafi gert hann að betra leikskáldi að
þekkja sjálfur heim sviðsins?
„Já, alveg örugglega. Hvað sem segja má
um Pinter sem leikara þá hefur sviðsreynslan
örugglega þroskað næmi hans fyrir samtölum
og aðstæðum, en þetta tvennt eru mjög sterk
einkenni hjá honum. En Pinter var fyrst og
fremst stórkostlegt leikskáld; hvort það er
því að þakka að hann var leikari veit ég
ekki.“
Sjálfur ertu fyrst og fremst leikari. Hvaða
þýðingu hefur það fyrir þig að stíga út úr því
hlutverki og hafa möguleika á að takast á við
leikstjórnarverkefni?
„Ég hef verið að dufla við annað síðustu tíu
ár og reynt að útvíkka mitt starf. Ég leitast
við að vinna í góðum félagsskap í leikhúsi. Ég
væri frekar tilbúinn til að sjá um að skúra
sviðið í góðum félagsskap í góðri sýningu, en
að leika Hamlet með einhverjum sem mig
langar ekki til að vinna með. Síðustu ár hef
ég verið í þeirri stöðu að geta haft eitthvað
um það að segja hvað ég geri í leikhúsinu.
Það hefur alltaf verið ríkt í mér sem leikara
að hafa skoðanir á hlutum og skipta mér af.
Þess vegna hef ég leiðst út í það að leikstýra
og skrifa og taka þátt í konseptvinnu.“
Áttu þér draumaverkefni sem leikstjóri?
„Já, ég sé mig fyrir mér leikstýra Shake-
speare-leikriti einhvern tímann. Það eru
mörg sem koma til greina, enda skrifaði hann
nokkur góð,“ segir Atli Rafn og tekur fram
að hann myndi frekar vilja leikstýra drama-
tísku verki eftir Shakespeare heldur en gam-
anleik. Í millitíðinni mun Atli Rafn leikstýra
Djöflaeyjunni í samstarfi við Baltasar Kor-
mák í Þjóðleikhúsinu með vorinu.
„Við drögum fram þá
dökku tóna sem í
verkinu eru,“ segir Atli
Rafn Sigurðsson.
Morgunblaðið/Árni Sæberg
Ruth (Vigdís Hrefna) huggar Joey (Snorri) meðan Lenny (Björn Hlynur) engist að baki þeim.
Ljósmynd/Hörður Sveinsson
11.10. 2015 MORGUNBLAÐIÐ SUNNUDAGUR 49
Á sunnudagskvöldið hefjast
aftur kvikmyndasýningar í
Bíó Paradís undir hatti
Svartra sunnudaga en
þær eru hugarfóstur Hugleiks Dags-
sonar, Sigurjóns Kjartanssonar og
Sjóns. Sýnd verður gríðarlega áhrifa-
rík kvikmynd, „Komið og sjáið“, um
grimmdarverk herja fasista í Sovét-
ríkjunum í síðari heimsstyrjöldinni.
2
Möguleikhúsið verður á
leikferð um Austurland
næstu daga, 11. til 15. októ-
ber, með hina athyglisverðu
og marglofuðu sýningu Eldklerkinn.
Sýningar verða á Djúpavogi, Egils-
stöðum, Borgarfirði eystri, Vopna-
firði og Eskifirði.
4
Í dag eru fimm ár frá stofnun
002 Gallerís í íbúð Birgis Sig-
urðssonar að Þúfubarði 17 í
Hafnarfirði. Af því tilefni
verður í dag kl. 14 opnuð sýning með
verkum Kristjáns Péturs Sigurðs-
sonar, Örnu Guðnýjar Valsdóttur
og Gunnars Kr. Jóhannssonar.
5
Kúbanski rithöfundurinn
Orlando Luis Pardo Lazo
er gestur á opnum fundi
PEN á Íslandi í Menningar-
húsinu Grófinni í dag, laugardag,
klukkan 14. Umræðuefnið er staða
málfrelsis og mannréttinda á Kúbu en
höfundurinn var neyddur í útlegð fra
heimalandinu árið 2013.
3
Meðlimir Gjörningaklúbbs-
ins verða með listamanna-
spjall á síðasta sýningardegi
hinnar forvitnilegu sýningar
„New release“ í Gerðarsafni á morg-
un, sunnudag, klukkan 15. Fjölþjóð-
legur hópur áhugaverðra listamanna
á verkin á sýningunni.
MÆLT MEÐ
1