Morgunblaðið - Sunnudagur - 11.10.2015, Blaðsíða 56
SUNNUDAGUR 11. OKTÓBER 2015
Leikararnir Frank Hvam og Casper
Christensen kunna það betur en
flestir að teygja grínið langt yfir lín-
una, og taka svo enn eitt skref
áfram. Þeir voru með skemmtilegt
uppistand fyrir hátíðarfrumsýningu
á annarri kvikmynd sinni Klovn For-
ever í Háskólabíói á fimmtudags-
kvöld. Í myndinni er Frank orðinn
tveggja barna faðir og Casper skil-
inn við Iben Hjejle.
Í gríninu gera þeir óviðeigandi
hluti en líka í eigin lífi en eftir að
Casper skildi við Iben tók hann sam-
an við dóttur góðvinar síns, Jarls
Friis-Mikkelsens, en eflaust muna
margir eftir Jarlinum úr þáttunum
Klovn. Casper og Isabel Friis-
Mikkelsen giftu sig í fyrra en átján
ára aldursmunur er á þeim. Isabel
er eigandi hárgreiðslustofunnar
Blow, sem er í miðborg Kaup-
mannahafnar. Stofan sérhæfir sig í
blæstri fyrir öll tilefni.
Í spjallinu fyrir myndina gantað-
ist Casper með að hann væri miklu
hamingjusamari með nýju konunni
en áður. Þeir félagar sögðu líka að
skilnaðurinn hefði gert Iben gott;
hún hefði fengið þarna þessi 5% sem
vantaði upp á leikinn í tilfinninga-
skalanum en dýptin í reiðitúlkuninni
væri nú mun meiri. Iben leikur ein-
mitt í nýju myndinni og óhætt er að
segja að Casper fái að heyra það.
Frank Hvam og Casper Christensen voru viðstaddir hátíðarsýningu á nýjustu mynd sinni Klovn Forever í Háskólabíói.
Morgunblaðið/Styrmir Kári
CASPER CHRISTENSEN OG FRANK HVAM FARA YFIR STRIKIÐ
Kvæntur dóttur vinar síns
Fjölmenn ganga áhugafólks um
bætta geðheilsu gekk fylktu liði
frá Hallgrímskirkju niður að Ráð-
húsinu í Reykjavík 10. október ár-
ið 2000 á degi alþjóðlegs geðheil-
brigðis. Ferðin var farin til að
vekja almenning til vitundar um
mikilvægi þess að vinna bug á fá-
fræði og fordómum gagnvart geð-
röskunum. Flestir göngumanna
huldu andlit sín með papp-
irspokum sem tákn um fordóma
gegn geðsjúkum. Þegar að ráð-
húsinu kom var pokunum svipt af
og þeir brenndir á opnum eldi og
fordómunum þar með eytt á tákn-
rænan og eftirminnilegan hátt.
Kynningarfundur um Geðrækt,
samstarfsverkefni Geðhjálpar,
geðsviðs Landspítala – háskóla-
sjúkrahúss og Landlæknisemb-
ættisins, var haldinn sama dag og
verkefninu formlega ýtt úr vör.
Verkefnið var hið umfangsmesta á
sviði fræðslu og forvarna í geðheil-
brigðismálum sem ráðist hafði ver-
ið í hér á landi og átti það að
standa í þrjú ár. Geðrækt var ætl-
að að efla meðvitund almennings,
félaga og fyrirtækja um geðheil-
brigði. „Það sem við ætlum okkur
að gera er mjög viðamikið. Við
munum fara með fræðslu og for-
varnir inn á öll skólastig, inn á
vinnustaði og fyrirtæki, stofnanir
og almenning allan,“ sagði Héðinn
Unnsteinsson verkefnisstjóri.
GAMLA FRÉTTIN
Fordóm-
um eytt
Áhugafólk um bætta geðheilsu gengur fylktu liði fyrir fimmtán árum.
Morgunblaðið/Jim Smart
ÞRÍFARAR VIKUNNAR
Árni Bergur Zoëga
tónsmíðanemi
Zlatan Ibrahimović
knattspyrnumaður
Axel Lárusson
knattspyrnumaður
FÁÐU ÞÉR ÁSKRIFT Á
EÐA Í SÍMA
Hátíðlegir tónleikar þar sem Kristján Jóhannsson og
gestir flytja úrval jólalaga í bland við nokkrar af perlum
óperunnar ásamt Óperukórnum í Reykjavík og sinfóníu-
hljómsveit undir stjórn Garðars Cortes. Með Kristjáni
koma fram Dísella Lárusdóttir, Valgerður Guðnadóttir og
Oddur Arnþór Jónsson.
MOGGAKLÚBBURINN
30% AFSLÁTTUR Á JÓLATÓNLEIKA
KRISTJÁNS JÓHANNSSONAR
Í ELDBORG HÖRPU,
6. DESEMBER KL. 20.00
Svæði 1 Alm.miðaverð 10.900 kr.
Moggaklúbbsverð 7.630 kr.
Svæði 2 Alm.miðaverð 9.900 kr.
Moggaklúbbsverð 6.930 kr.
Svæði 3 Alm.miðaverð 4.990 kr.
Moggaklúbbsverð 3.493 kr.
Til að fá afsláttinn þarf að fara inn á moggaklubburinn.is
og smella á Jólatónleika Kristjáns. Þá opnast síða
þar sem þú klárar miðakaupin með afslætti.
ATH! Takmarkað miðaframboð!
Áskrifendur Morgunblaðsins eru sjálfkrafa meðlimir í Moggaklúbbnum og
njóta ýmissa fríðinda og tilboða. Hægt er að fylgjast með hvað er í boði hverju
sinni á moggaklubburinn.is og fá tilboðin send í tölvupósti með því að
skrá sig á póstlistann. Hafðu samband í síma 569 1100 eða askrift@mbl.is
hafi Moggaklúbbskortið ekki borist þér.